5 ફોટો ગેલેરી

મનોરંજન / 'રામાયણ' ફિલ્મે રિલીઝ પહેલા જ રચ્યો ઈતિહાસ: માત્ર 48 કલાકમાં ટ્રેલરને મળ્યા 350 મિલિયન વ્યૂઝ!

Last Updated: 11:24 PM, 1 August 2026

FOLLOW ON

શેર કરો

નિતેશ તિવારી નિર્દેશિત અને રણબીર કપૂર, યશ તથા સાઈ પલ્લવી સ્ટારર બહુપ્રતિક્ષિત ફિલ્મ 'રામાયણ' ના ટ્રેલરે રિલીઝ થતાંની સાથે જ નવો ઈતિહાસ રચી દીધો છે.

1/5

1. 'રામાયણ' ફિલ્મે રિલીઝ પહેલા જ રચ્યો ઈતિહાસ: માત્ર 48 કલાકમાં ટ્રેલરને મળ્યા 350 મિલિયન વ્યૂઝ!

ભારતીય સિનેમાની સૌથી મહત્વાકાંક્ષી અને ભવ્ય ફિલ્મોમાંની એક ગણાતી 'રામાયણ' ના ટ્રેલરે રિલીઝ થતાં જ ઈન્ટરનેટ પર ધૂમ મચાવી દીધી છે. સુત્રોના જણાવ્યા અનુસાર, ટ્રેલર રિલીઝ થયાના માત્ર 48 કલાકની અંદર જ તમામ અધિકૃત પ્લેટફોર્મ્સ પર 350 મિલિયન (35 કરોડ) થી વધુ વ્યૂઝ પ્રાપ્ત થઈ ચૂક્યા છે. આ સાથે જ આ ફિલ્મ ભારતીય સિનેમાના ઈતિહાસમાં સૌથી વધુ જોવાયેલું ટ્રેલર બની ગયું છે.

આ તસવીર શેર કરો

2/5

2. દર્શકોનો અદ્ભુત પ્રતિસાદ અને ભાવુક પ્રતિક્રિયા

ટ્રેલરના ભવ્ય વિઝ્યુઅલ્સ, મોટા પાયા પર નિર્માણ અને સિનેમેટિક પ્રેઝન્ટેશનની વિશ્વભરના દર્શકો મુક્તકંઠે પ્રશંસા કરી રહ્યા છે. ફિલ્મ સાથે જોડાયેલા એક સૂત્રએ જણાવ્યું હતું કે, "ભારત અને સમગ્ર વિશ્વના દર્શકો તરફથી રામાયણના ટ્રેલરને આટલો પ્રેમ મળવો એ અમારા માટે અત્યંત ભાવુક અને ગર્વની વાત છે. આ દર્શાવે છે કે રામાયણ આજે પણ દરેક પેઢી અને સંસ્કૃતિના લોકોના દિલ સાથે ઊંડાણપૂર્વક જોડાયેલી છે."

આ તસવીર શેર કરો

3/5

3. ફિલ્મમાં ભારતની શ્રેષ્ઠ સ્ટારકાસ્ટ

બે ભાગમાં બનનારી આ ભવ્ય ફિલ્મમાં ભારતની શ્રેષ્ઠ સ્ટારકાસ્ટ જોવા મળશે: રણબીર કપૂર: ભગવાન શ્રી રામના પાત્રમાં. સાઈ પલ્લવી: માતા સીતાના રોલમાં. યશ: રાવણની દમદાર ભૂમિકામાં. સની દેઓલ: ભગવાન હનુમાનના પાત્રમાં. રવિ દુબે: લક્ષ્મણની ભૂમિકામાં.

આ તસવીર શેર કરો

4/5

4. દિગ્દર્શન અને નિર્માણ ટીમ

આ ભવ્ય મહાકાાવ્યનું નિર્દેશન 'દંગલ' ખ્યાત નિતેશ તિવારી દ્વારા કરવામાં આવ્યું છે. નમિત મલ્હોત્રાના પ્રાઈમ ફોકસ સ્ટુડિયોઝ અને 8 વખત એકેડેમી એવોર્ડ (ઓસ્કાર) જીતી ચૂકેલા VFX સ્ટુડિયો DNEG એ યશની મોન્સ્ટર માઈન્ડ ક્રિએશન્સ સાથે મળીને આ ફિલ્મનું નિર્માણ કર્યું છે. ફિલ્મનું વૈશ્વિક વિતરણ (Global Distribution) સોની પિક્ચર્સ કરશે, જ્યારે ઉત્તર ભારતમાં ડિસ્ટ્રિબ્યુશનના અધિકારો ધર્મા પ્રોડક્શન્સ પાસે છે.

આ તસવીર શેર કરો

5/5

5. ક્યારે રિલીઝ થશે ફિલ્મ?

બે ભાગમાં તૈયાર થઈ રહેલી આ સિનેમેટિક સફરનો પ્રથમ ભાગ 'રામાયણ: પાર્ટ વન' વિશ્વભરમાં દિવાળી 2026 ના શુભ અવસરે સિનેમાઘરોમાં રિલીઝ થશે. ટ્રેલરને મળેલા અભૂતપૂર્વ પ્રતિસાદને જોતાં આ ફિલ્મ બોક્સ ઓફિસ પર તમામ રેકોર્ડ તોડશે તેવી પૂરી શક્યતા દર્શાવવામાં આવી રહી છે.

આ તસવીર શેર કરો

સંકળાયેલા મુદ્દાઓ

SaiPallavi Ramayana RanbirKapoor