તમારા કામનું / સરકારી કર્મચારીઓને લઇ ગુડ ન્યુઝ: વધી શકે છે સેલરી, EPFO પર આવી મોટી અપડેટ

EPFO Wages Hike : દેશભરના કરોડો કર્મચારીઓ માટે મોટા સમાચાર સામે આવ્યા છે. વાસ્તવમાં મોંઘવારી ભથ્થામાં 3 ટકાના વધારા બાદ દેશભરના કરોડો કર્મચારીઓને વધુ એક મોટી અપડેટ સામે આવી છે. હવે કેન્દ્ર સરકાર એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) હેઠળ લઘુત્તમ પગાર વધારવા પર વિચાર કરી રહી છે. જો પગાર વધારવાનો નિર્ણય લેવામાં આવશે તો તેનો ઉદ્દેશ્ય કર્મચારીઓની સામાજિક સુરક્ષાને મજબૂત કરવાનો રહેશે.

હાલમાં EPFO ​​હેઠળ કર્મચારીઓનો લઘુત્તમ પગાર 15 હજાર રૂપિયા પ્રતિ માસ છે. જો સરકાર આ પ્રસ્તાવને મંજૂરી આપે છે તો આ પગાર 15 રૂપિયાથી વધીને 21 હજાર રૂપિયા થઈ જશે એટલે કે, પગારમાં લગભગ 6 હજાર રૂપિયાનો વધારો થશે પરંતુ તેની સાથે સરકાર EPFO ​​માટે એક કંપનીમાં નિયુક્ત કર્મચારીઓની સંખ્યામાં પણ ઘટાડો કરી શકે છે. સરકાર નવા વર્ષ પહેલા કર્મચારીઓને આ ભેટ આપી શકે છે.

છેલ્લો વધારો ક્યારે થયો હતો ?

મીડિયા રિપોર્ટ્સ અનુસાર, શ્રમ અને રોજગાર મંત્રાલય કંપનીઓ સાથે આ પ્રસ્તાવ પર ચર્ચા કરી રહ્યું છે. કર્મચારીઓની વૃદ્ધિ અને સુરક્ષા માટે રચાયેલી સમિતિની ભલામણો બાદ આ વાતચીત શરૂ કરવામાં આવી છે. નોંધનિય છે કે, EPFO ​​હેઠળ પગાર વધારવાની માંગ ઘણા વર્ષોથી પેન્ડિંગ છે. આ પહેલા વર્ષ 2014માં પગારમાં ફેરફાર કરવામાં આવ્યો હતો. તે સમયે લઘુત્તમ વેતન 6500 રૂપિયાથી વધારીને 15 હજાર રૂપિયા કરવામાં આવ્યું હતું. હવે જો લઘુત્તમ પગાર રૂ. 6,000 વધારીને રૂ. 15,000થી વધારીને રૂ. 21,000 કરવામાં આવે છે તો PFની રકમ વધશે અને પેન્શનમાં પણ વધારો થશે. પરંતુ માઇક્રો અને નાની કંપનીઓ EPFO ​​હેઠળ કર્મચારીઓની સંખ્યા ઘટાડવાનો વિરોધ કરી રહી છે કારણ કે તેનાથી ખર્ચમાં વધારો થશે.

વધુ વાંચો : રૂ.250000000ના દંડથી મુકેશ અંબાણીને અપાઇ રાહત, સુપ્રીમ કોર્ટે ફગાવી દીધી SEBIની અપીલ, જાણો સમગ્ર મામલો

EPFOમાં કેટલું યોગદાન?

EPFOના નિયમો અનુસાર PF ખાતામાં કર્મચારી અને કંપની બંનેનો હિસ્સો છે. બંને આ ખાતામાં 12-12 ટકા રકમ જમા કરે છે. કંપનીની 12 ટકા રકમમાંથી 8.33% એમ્પ્લોયી પેન્શન સ્કીમ (EPS)માં જમા કરવામાં આવશે. બાકીના 3.67% PF ખાતામાં જમા છે. 10 વર્ષની સેવા પૂરી થવા પર પેન્શન મળવાપાત્ર છે. આ પૈસા એકસાથે ઉપાડી શકાય છે. કટોકટીના કિસ્સામાં પૈસા ઉપાડી શકાય છે પરંતુ એક વર્ષમાં કેટલી વખત પૈસા ઉપાડી શકાય છે? તેની મર્યાદા નિશ્ચિત છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ