ક્રિકેટ / સ્મૃતિ મંધાનાની તોફાની બેટિંગ, ઓસ્ટ્રેલિયા સામે ફટકારી સૌથી ઝડપી સદી, બનાવ્યો ખાસ રેકોર્ડ

Cricket News: ભારત અને ઓસ્ટ્રેલિયાની મહિલા ટીમો વચ્ચેની વનડે શ્રેણીની બીજી મેચ ન્યૂ ચંદીગઢમાં રમાઈ રહી છે. આ મેચમાં સ્મૃતિ મંધાનાએ શાનદાર પ્રદર્શન કરી ભારત માટે બીજી સૌથી ઝડપી સદી ફટકારી છે. 77 બોલમાં મંધાનાએ આ સિદ્ધિ હાંસલ કરી હતી.

ભારત અને ઓસ્ટ્રેલિયાની મહિલા ટીમો વચ્ચેની ત્રણ મેચની વન ડે શ્રેણીની બીજી મેચ બુધવારે ન્યૂ ચંદીગઢના ક્રિકેટ સ્ટેડિયમ ખાતે રમાઈ રહી છે. ભારતીય બેટ્સમેન સ્મૃતિ મંધાનાએ ભારત માટે બીજી સૌથી ઝડપી સદી ફટકારી. તેણીએ માત્ર 77 બોલમાં સદી પૂરી કરી છે.

ભારતીય દ્વારા સૌથી ઝડપી સદી

70 બોલ: સ્મૃતિ મંધાના, આયર્લેન્ડ સામે, રાજકોટ, 2025

77 બોલ: સ્મૃતિ મંધાના, ઓસ્ટ્રેલિયા સામે, ન્યુ ચંદીગઢ, 2025

82 બોલ: હરમનપ્રીત કૌર, ઇંગ્લેન્ડ સામે, ચેસ્ટર-લે-સ્ટ્રીટ, 2025

87 બોલ: હરમનપ્રીત કૌર, દક્ષિણ આફ્રિકા સામે, બેંગલુરુ, 2024

89 બોલ: જેમિમાહ રોડ્રિગ્સ, દક્ષિણ આફ્રિકા સામે, કોલંબો, 2025

આ પણ વાંચોઃ વાહ ઉસ્તાદ વાહ! ટીમ ઈન્ડિયાનો મિસ્ટ્રી સ્પિનર બની ગયો વર્લ્ડનો નંબર વન બોલર, પહેલી વાર મોટી સિદ્ધિ પાછળ

સ્મૃતિ 2013ની સાલમાં પ્રથમ વન-ડે રમી હતી. મુંબઈમાં રહેતી સ્મૃતિ 28 વર્ષની છે. તે એપ્રિલ 2013માં અમદાવાદમાં બાંગ્લાદેશ સામે પ્રથમ વન-ડે રમી હતી. તેણે 102 વન-ડેમાં 11 સેન્ચુરી અને 31 હાફ સેન્ચુરીની મદદથી કુલ 4,473 રન કર્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ