BSNLની શાનદાર ઑફર, આ પ્લાન્સ પર મળી રહ્યુ છે 60% સુધીનું ડિસ્કાઉન્ટ

By : juhiparikh 05:17 PM, 13 March 2018 | Updated : 05:17 PM, 13 March 2018
BSNLએ પોતાના યૂઝર્સ માટે એક ખાસ ઑફર લોન્ચ કરી છે. જો કે આ ઑપર્સનો લાભ માત્ર માર્ચ મહિના સુધી જ મળશે. BSNLની આ ઑફર માત્ર પોસ્ટપેડ યૂઝર્સ માટે છે. આ ઑફર હેઠળ BSNLના 1 વર્ષના પોસ્ટપેડ પ્લાન પર 60% સુધીનું ડિસ્કાઉન્ટ આપવામાં આવી રહ્યુ છે. આના માટે કંપનીએ એક શરત રાખી છે, ઑફર હેઠલ નવું સિમકાર્ડ ખરીદનારા ગ્રાહકોને સિમ ફ્રીમાં આપવામાં આવી રહ્યુ છે. નવા અને જૂના બંને યૂઝર્સ આ ઑફર્સનો લાભ ઉઠાવી શકે છે. 

આ પ્લાન પર છે ઑફર:

જો 1525 રૂપિયા વાળા પોસ્ટપેડ પ્લાનની વાત કરીએ તો આ પ્લાન 60 % રેન્ટલ ડિસ્કાઉન્ટ માટે ઉપલબ્ધ છે. આ પ્લાનમાં અનલિમિટેડ વોઇસ કૉલ્સ, એસએમએસ અને ઇન્ટરનેટ ડેટા આપવામાં આવી રહ્યો છે. જો કે આના માટે 12, 6 કે પછી 3 મહિનાનો એડવાન્સ રેન્ટલ વાળો પ્લાન લેવો પડશે. જો 12 મહિનાના એડવાન્સ રેન્ટલ વાળો પ્લાન લેશો તો તમને 60% ડિસ્કાઉન્ટ આપવામાં આવશે. 6 મહિનાના એડવાન્સ રેન્ટલ પ્લાન પર 45% નું ડિસ્કાઉન્ટ મળશે અને 3 મહિનાના એડવાન્સ રેન્ટલ પ્લાન પર 30% ડિસ્કાઉન્ટ આપવામાં આવશે.

આ સિવાય BSNLના 1125 રૂપિયા વાળા માસિક પ્લાનમાં પણ 60% ડિસ્કાઉન્ટનો લાભ મેળવી શકશો. જ્યારે 799 અને 725 રૂપિયાવાળા માસિક પ્લાનમાં 50% સુધીનું ડિસ્કાઉન્ટ મળશે તથા 525 રૂપિયા વાળા પ્લાનમાં 35% સુધીનું ડિસ્કાઉન્ટ આપવામાં આવી રહ્યું છે. 325 વાળા પ્લાનમાં 25% અને 225 રૂપિયા વાળા પ્લાનમાં 20% સુધીનું ડિસ્કાઉન્ટ મેળવી શકશો.

શું છે શરત:

જ્યાં સુધી તમે 12 , 6 અને 3 મહિનામાંથી કોઇ પણ એક એડવાન્સ રેન્ટલ પ્લાનને સિલેક્ટ નથી કરતા, ત્યાં સુધી રેન્ટલ ડિસ્કાઉન્ટ નહી મળે. જો તમારે રેન્ટલ ડિસ્કાઉન્ટ જોઇએ. તો આમાંથી કોઇ એક પ્લાન સિલેક્ટ કરવાનો રહેશે. આ પ્લાન્સનો લાભ માત્ર 31 માર્ચ સુધી મળશે.



Recent Story

Popular Story