ટેક / WhatsApp લાવી રહ્યું છે નવું અપડેટ, લાખો યુઝર્સની મોબાઇલ સ્ક્રીન બદલાશે!

વોટ્સએપ એક મોટો ફેરફાર કરવા જઈ રહ્યું છે. આ ઇન્સ્ટન્ટ મેસેજિંગ એપ હવે નવા નેવિગેશન બાર પર કામ કરી રહી છે. જેના બાદ કરોડો યુઝર્સને ફ્રેશ અનુભવ મળશે. Wabetainfoએ આ નવી ફીચરની માહિતી શેર કરી છે અને તેને ડાયનેમિક બોટમ નેવિગેશન બાર નામ આપવામાં આવ્યું છે.

નવા અપડેટ બાદ નીચેની તરફ મળતો નેવિગેશન બાર સંપૂર્ણરીતે બદલાઈ જશે. આથી યુઝર્સને સ્ક્રોલ કરવામાં ફાયદો થશે. જ્યારે તમે વોટ્સએપ ચેટને સ્ક્રોલ ડાઉન કરશો ત્યારે બોટમ બાર ઓટોમેટિક સ્લિમ થઈ જશે. આને કારણે વધુ ચેટ્સ સ્ક્રીન પર દેખાશે અને જગ્યાનો સારો ઉપયોગ થશે.

જ્યારે તમે સ્ક્રોલ અપ કરશો ત્યારે બોટમ નેવિગેશન બાર ફરીથી પોતાના મૂળ સાઈઝમાં પાછો આવી જશે. આ રિપોર્ટમાં એક સ્ક્રીનશૉટ પણ શેર કરવામાં આવ્યો છે જેમાં નેવિગેશન બારની કિનારીઓને ગોળાકાર આકાર આપવામાં આવ્યો છે. આ સાથે જ એક ટેબથી બીજા ટેબમાં સ્વિચ કરવું પણ વધુ સરળ બનશે.

વધુ વાંચો : iPhone ખરીદતા પહેલાં જાણી લો નવો નિયમ, ફર્સ્ટ સેલ પહેલાં કંપનીએ લગાવી મર્યાદા!

આ ન્યુ નેવિગેશન બાર ડિઝાઇન હાલમાં ટેસ્ટિંગ તબક્કામાં છે અને બીટા વર્ઝનમાં જોવા મળી રહ્યો છે. બધી ટેસ્ટિંગ પૂરી થયા બાદ તેને બધા યુઝર્સ માટે જાહેર કરવામાં આવશે, પણ હજુ સુધી તેની કોઈ ચોક્કસ ટાઈમલાઈન આપવામાં આવી નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ