રાહત / લાંચ કેસના નિયમમાં ફેરફાર: જાણો હવેથી કેટલા વર્ષમાં પોલીસકર્મી નોકરીએ પરત ફરી શકશે

લાંચના કેસમાં પોલીસકર્મી એક વર્ષમાં જ નોકરીએ પરત ફરી શકશે. સરકારે 20 વર્ષ જૂના નિયમમાં ફેરફાર કરીને પરિપત્ર જાહેર કર્યો છે. નવા નિયમ મુજબ ગૃહવિભાગ દ્વારા સમીક્ષા કરીને પોલીસકર્મીને પરત લેવાશે. લાંચ લેનાર પોલીસકર્મીને 2 વર્ષ સુધી ફરજ પર ન લેવાની જૂની જોગવાઈ હતી.

તપાસ અધિકારીએ કોર્ટમાં તહેમતનામુ મુક્યુ હોય તેવા કિસ્સામાં આ નિયમ લાગુ પડશે. અગાઉ 2004ના ઠરાવની અન્ય જોગવાઈઓ યથાવત રહેશે.

પરિપત્ર અહી જુઓ

out no.37. 13.11.2024

નોધનીય છે કે ગુજરાતમાં લાંચીયા પોલીસકર્મીઓની સામે કાર્યવાહી માટે એસીબી દ્વારા ટ્રેપ ગોઠવવામાં આવતી હોય છે. પ્રોહિબિશન સહિતના વિવિધ ગુનાના કથિત આરોપીઓને માર નહીં મારવા અને વધુ રિમાન્ડ નહીં માંગવા, બુટલેગર પાસે લાંચની માગણી સહિતની રાવ ઉઠતા અનેક લોકો એ.સી.બી માં ફરીયાદ કરતા હોય છે. ત્યારે એસીબી દ્વારા લાંચીયા પોલીસકર્મીઓ સામે ટ્રેપ ગોઠવી ઝડપી લેવામાં આવે છે. અને તેમની સામે વધુ કાર્યવાહી કરવામાં આવતી હોય છે.

આ પણ વાંચોઃ સંતાનોને સાચવજો! રાજકોટમાં 4 વર્ષના બાળકે રમતા-રમતા મોતી નાકમાં નાખી દીધું, માંડ-માંડ બહાર કઢાયું

ઘણીવાર પોલીસ રેડ પાડતી હોય છે તેમાં પણ આરોપી તરીકે સામેલ નહી કરવા લાંચની માંગણી કરતા હોય છે. લાંચ લઇને અનેક પોલીસકર્મીઓ કરોડોના આસામી બની ગયા હોવાની વાત પણ ચર્ચાતી જોવા મળતી હોય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ