રેકોર્ડ / અમેરિકાના ઈતિહાસમાં બાઈડેને રચ્યો રેકોર્ડ, પ્રથમ વખત બન્યું એવું કે ઓબામાને પણ પાછળ છોડ્યાં

• બાઇડનને અત્યાર સુધીમાં 7,15,57,235  વોટ મળ્યા છે
• ઓબામાને 69,498,516 વોટ મળ્યાં હતા
•  ડોનાલ્ડ ટ્રમ્પને 48 ટકા સાથે 6,82,56,676 મત મળ્યાં છે

 ઓબામા શાસનકાળમાં ઉપ રાષ્ટરપતિ રહી ચુકેલા બાઇડનને અત્યાર સુધીમાં 7,15,57,235  વોટ મળ્યા છે.  ઉલ્લેખનીય છે કે 2008માં અમેરિકાની ચૂંટણીમાં ઓબામાને 69,498,516 વોટ મળ્યાં હતા. વર્ષ 2020ની ચૂંટણીનાં લાખો વોટની ગણતરી હજું ચાલી રહી છે. બાઈડનના અત્યાર સુધીના મત જે સંપૂર્ણ  મતોના 50.3 ટકા છે. જ્યારે બીજી તરફ રિપબ્લિકન ઉમેદવાર ડોનાલ્ડ ટ્રમ્પને 48 ટકા સાથે 6,82,56,676 મત મળ્યાં છે. 

અમેરિકાના રાષ્ટ્રપતિની ચૂંટણી જીતવા માટે  270 કે તેથી વધુ ઇલેક્ટ્રોરલ વોટ મેળવવા પડે છે. અત્યાર સુધીમાં બાઇડેનને 264 અને ટ્રમ્પને 214 વોટ મળ્યા છે. અમેરિકામાં કુલ 50 રાજ્ય છે. તેમાંથી 22 રાજ્યોમાં ટ્રમ્પે જીત મેળવી છે અને 20 રાજ્યોમાં બાઇડેનની જીત થઈ છે. જ્યારે આઠ રાજ્યોના પરિણામ હજું જાહેર થવાના બાકી છે. જે રાજ્યોના પરિણામ જાહેર થયા નથી ત્યાં કુલ ઇલેક્ટોરલ વોટની સંખ્યા 77 છે. ટ્રમ્પ અને બાઇડેન તથા અમેરિકાનું ભવિષ્ય આ રાજ્યો પર બંધ છે. આ રાજ્યોના વોટ અમેરિકાના રાષ્ટ્રપતિ નક્કી કરવામાં મહત્વની ભૂમિકા ભજવશે.

જૉ બાઇડને વેસ્ટ વર્જિનિયા, વોશિંગ્ટન, કેલિફોર્નિયા, કોલોરોડા, ન્યૂ હેમ્પશાયર,ડિસ્ટ્રીક્ટ ઓફ કોલંબિયા, ન્યૂયોર્ક, ન્યૂ મેક્સિકો, વર્મોંટ, કનેક્ટિકટ, ડેલાવેયર, ઇલિનોઇસ, મેરીલેંડ, મેસાચુસેટ્સ, ન્યૂજર્સી, ટેનેસી ઓરેગન, વિસ્કોન્સિન, રોડ આઈલેંડ, વરમોંટ, હવાઇ, મિશિગન, મિનેસોટા અને રોડ આઇલેંડમાં જીત મેળવી છે.

ટ્રમ્પે ઈદાહો, લોવા, ફ્લોરિડા, સાઉથ ડકોટા, મિસૌરી, લુઈસિયાના, નેબ્રાસ્કા, નોર્થ ડકોટા, અરકાંસસ, અલબામા, મિસિસિપી, મોનટાના, ઓહિયો, ઓકલાહોમા, ટેનેસી, કેંટકી, વેસ્ટ વર્જીનીયા, વ્યોમિંગ, ટેક્સાસ, સાઉથ કેરોલિના, ઈન્ડિયાના, ઉતાહ અને વિયોમિંગમાં જીત મેળવી છે.

4 મહત્વના રાજ્યોના 54 ઇલેક્ટોરલ મત પર ટ્રમ્પ આગળ

ડોનાલ્ડ ટ્રમ્પ હાલમાં 4 મહત્વના રાજ્યમાં આગળ ચાલી રહ્યાં છે. ટ્રમ્પ જ્યોર્જિયા,પેન્સિલવેનિયા,નોર્થ કેરિલોના,અલાસ્કામાં આગળ છે. જેમાં જ્યોર્જિયામાં 16 અને કેરોલીના 15, પેનસિલ્વેનિયાના 20 અને અલાસ્કાના 3 ઇલેક્ટોરલ મત છે. જો આ 4 રાજ્યોમાં ટ્રમ્પ જીતે તો બહુમતથી 3 ઇલેક્ટોરલ મત દૂર રહે.