ગાંધીનગર / સરકારી કર્મચારીઓના મેડિકલ બિલ માટે નવા નિયમો: ₹10 લાખથી વધુના બિલ CM મંજૂર કરશે, જાણો કોને કેટલી સત્તા?

રાજ્યના 10 લાખથી વધુ સરકારી કર્મચારીઓ અને પેન્શનરોને રાહત મળે તે માટે રાજ્ય સરકારે મેડિકલ ખર્ચની મંજૂરી સંબંધિત નાણાકીય સત્તામાં મહત્વપૂર્ણ સુધારો કર્યો છે. મુખ્યમંત્રી ભૂપેન્દ્ર પટેલ આજે આ નવી વ્યવસ્થાની જાહેરાત કરશે.

નવી વ્યવસ્થા મુજબ હવે વિવિધ સ્તરે મેડિકલ બિલ મંજૂર કરવાની સત્તા સોંપવામાં આવી છે, જેના કારણે કર્મચારીઓને લાંબા સમય સુધી મંજૂરી માટે રાહ જોવી નહીં પડે અને પ્રક્રિયા વધુ ઝડપી બનશે.

નવી સત્તા વહેંચણી મુજબ:

₹25 હજાર સુધીના મેડિકલ બિલ કચેરીના વડા મંજૂર કરી શકશે.

₹1 લાખ સુધીના મેડિકલ ખર્ચને સંબંધિત ખાતાના વડા મંજૂરી આપી શકશે.

₹3 લાખ સુધીના મેડિકલ બિલ સંબંધિત વહીવટી વિભાગ દ્વારા મંજૂર કરવામાં આવશે.

₹5 લાખ સુધીના મેડિકલ બિલને આરોગ્ય મંત્રી મંજૂરી આપી શકશે.

રાજ્ય સરકારના આ નિર્ણયથી મેડિકલ બિલની મંજૂરી પ્રક્રિયા વધુ સરળ, ઝડપી અને પારદર્શક બનવાની અપેક્ષા છે. ખાસ કરીને ગંભીર બીમારી અથવા તાત્કાલિક સારવાર બાદ બિલની મંજૂરીમાં થતા વિલંબમાં ઘટાડો થશે, જેનો સીધો લાભ લાખો કર્મચારીઓ અને તેમના પરિવારોને મળશે.

આ પણ વાંચોઃ બાંધકામ ક્ષેત્રના નિયમોમાં મોટો ફેરફાર! મકાનની ઊંચાઈ, ક્ષેત્રફળ-એફોર્ડેબલ હાઉસિંગ અંગે નવા નિયમો

સરકારનો આ નિર્ણય કર્મચારી કલ્યાણની દિશામાં એક મહત્વપૂર્ણ પગલું માનવામાં આવી રહ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ