નેશનલ / ધરપકડ બાદ ઉદયનિધિ સ્ટાલિનને હાઈકોર્ટની રાહત, કહ્યું ''પૂછપરછ બાદ...''

અભિનેત્રી તૃષા વિરુદ્ધ બેવડા અર્થવાળી ટિપ્પણી કરવા બદલ પોલીસે તમિલનાડુના પૂર્વ નાયબ મુખ્યમંત્રી ઉદયનિધિ સ્ટાલિનની ધરપકડ કરી હતી. જોકે મદ્રાસ હાઈકોર્ટમાંથી ઉદયનિધિ સ્ટાલિનને રાહત મળી છે. ન્યૂઝ એજન્સીના અહેવાલ મુજબ તમિલનાડુ સરકારે મદ્રાસ હાઈકોર્ટમાં કહ્યુ કે પૂછપરછ બાદ ઉદયનિધિ સ્ટાલિનને આજે જામીન પર મુક્ત કરવામાં આવશે.

સ્ટાલિન પર બેવડા અર્થવાળી ટિપ્પણી કરવાનો આરોપ

તમિલનાડુ સરકારે મદ્રાસ હાઈકોર્ટમાં જણાવ્યું હતું કે ઉદયનિધિ સ્ટાલિનને કસ્ટડીમાં લેવાનો તેમનો કોઈ ઈરાદો નથી. પૂછપરછ બાદ તેમને મુક્ત કરવામાં આવશે. અભિનેત્રી તૃષા વિરુદ્ધ બેવડા અર્થવાળી ટિપ્પણી કરવા બદલ ઉદયનિધિ સ્ટાલિન સામે ભારતીય દંડ સંહિતા (આઈપીસી), માહિતી ટેકનોલોજી અધિનિયમ અને તમિલનાડુ મહિલા ઉત્પીડન પ્રતિબંધ અધિનિયમની અનેક કલમો હેઠળ કેસ નોંધવામાં આવ્યો છે.

તમિલગા વેટ્રી કઝગમ (ટીવીકે) ની મહિલા શાખાએ ઉદયનિધિ સ્ટાલિન વિરુદ્ધ તંજાવુર પૂર્વ પોલીસ સ્ટેશનમાં ફરિયાદ નોંધાવી હતી, જેના પગલે આજે સ્ટાલિનની ચેન્નાઈ સ્થિત તેમના નિવાસસ્થાનેથી ધરપકડ કરવામાં આવી હતી.

ટીવીકેએ આરોપ લગાવ્યો હતો કે ઉદયનિધિએ અભિનેત્રી તૃષા વિશે અપમાનજનક ટિપ્પણી કરી હતી, જેનાથી તેમના ગૌરવને ઠેસ પહોંચી હતી.

આ પણ વાંચોઃ

કાર્યવાહી / અભિનેત્રી ત્રિશા પર વિવાદિત ટિપ્પણી બાદ બવાલ, ઉદયનિધિ સ્ટાલિનને પોલીસે કસ્ટડીમાં લીધા

સ્ટાલિને દાવાઓને નકારી કાઢ્યા

ઉદયનિધિ સ્ટાલિન સોમવારે કાવેરી જળ વિવાદ અંગે તંજાવુરમાં એક જાહેર સભાને સંબોધિત કરી રહ્યા હતા. સભા દરમિયાન ભીડે "તૃષા, તૃષા!" ના નારા લગાવ્યા અને ઉદયનિધિએ તૃષા વિશે વિવાદાસ્પદ નિવેદન આપ્યું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ