ટેક્નો ટિપ્સ / પબ્લિક વાઈ-ફાઈનો ઉપયોગ કરતી વખતે ધ્યાન રાખજો આટલું નહિંતર એકાઉન્ટ તળિયાઝાટક

બસ સ્ટેશન, કાફે, હોટલ, એરપોર્ટ અથવા રેલ્વે સ્ટેશન પર મળતું પબ્લિક ફ્રી Wi-Fi ખૂબ ઉપયોગમાં આવે છે. પરંતુ આ પબ્લિક Wi-Fi હંમેશા સુરક્ષિત જ હોય તેમ માની લેવું ભૂલ ભરેલું ગણાય. ઘણા સ્કેમર્સ પબ્લિક Wi-Fi દ્વારા લોકોના ફોન હેક કરે છે. આથી આવા નેટવર્ક્સનો ઉપયોગ કરતી વખતે કેટલીક સાવચેતી રાખવી જરૂરી છે. નહીં તો સ્કેમર્સ તમારું એકાઉન્ટ હેક કરીને બેંક એકાઉન્ટ ખાલી કરી શકે છે.

• શા માટે સ્કેમર્સ પબ્લિક Wi-Fi પર લોકોને બનાવે છે ટાર્ગેટ?

પબ્લિક Wi-Fi મોટાભાગે ફ્રી હોય છે. આથી મોટાભાગના લોકો તેનો ઉપયોગ ઇન્ટરનેટનો ઉપયોગ કરવા, મૂવીઝ ડાઉનલોડ કરવા અથવા ઑફિસનું કામ કરવા માટે કરતા હોય છે. જેથી પબ્લિક Wi-Fi એ સ્કેમર્સ માટે હેકિંગ કરવા માટેનું હોટસ્પોટ બની રહે છે. આ સિવાય લોકો ઇન્ટરનેટનો ઉપયોગ કરતી વખતે સંદિગ્ધ મેસેજ અને લિંક્સ પર ધ્યાન આપવાનું ભૂલી જાય છે. જેનાથી તેઓ સરળતાથી સ્કેમર્સના હાથમાં ફસાઈ જાય છે.

• પબ્લિક Wi-Fiનો ઉપયોગ કરતી વખતે કઈ બાબતનું રાખવું ધ્યાન?

ઓનલાઈન શોપિંગ ન કરો - પબ્લિક Wi-Fi પર ઓનલાઈન શોપિંગ ન કરો. નહીં તો ઓનલાઈન શોપિંગ વખતે તમારા કાર્ડની માહિતી ચોરાઈ શકે છે.

VPNનો કરો ઉપયોગ - વર્ચ્યુઅલ પ્રાઇવેટ નેટવર્ક (VPN) તમારી ઑનલાઇન એક્ટિવિટીને એન્ક્રિપ્ટ કરે છે અને તમારી ઓળખ છુપાવે છે.

સુરક્ષિત વેબસાઇટ્સનો કરો ઉપયોગ - હંમેશા HTTPS વેબસાઇટ્સનો ઉપયોગ કરો કેમ કે તે સુરક્ષિત હોય છે.

તમારા ડિવાઈસને રાખો અપડેટ - તમારા સ્માર્ટફોન અથવા લેપટોપને હંમેશા અપડેટ રાખો. કેમ કે, અપડેટ્સમાં ઘણીવાર હેકિંગને રોકવા માટે પેચ હોય છે.

વધુ વાચો : તમારું WhatsApp ક્યારેય હેક નહીં થાય! બસ ફોલો કરો સરકારે આપેલી મહત્વની ટિપ્સ

સંવેદનશીલ માહિતી ન કરો શેર - પબ્લિક Wi-Fi પર તમારી બેંકિંગ ડિટેલ્સ, પાસવર્ડ અથવા અન્ય સંવેદનશીલ માહિતી ક્યારેય સાથે શેર ન કરો.

તમારા ડિવાઈસને કરો લોક  - જ્યારે તમે પબ્લ્ક  Wi-Fiનો ઉપયોગ ન કરી રહ્યાં હોવ ત્યારે તમારા ડિવાઈસને લોક કરો.

ઑટો-કનેક્ટ ફીચર કરો બંધ - તમારા ડિવાઈસ પર ઑટો-કનેક્ટ ફીચરને બંધ કરો જેથી તે તમારી પરવાનગી વગર કોઈપણ નેટવર્ક સાથે કનેક્ટ ન થઈ શકે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ