BIG NEWS / IPLમાં અમદાવાદની ટીમને BCCIનું ગ્રીન સિગ્નલ, આ સ્ટાર ખેલાડી બની શકે કેપ્ટન, શાસ્ત્રી કોચપદે

• IPL 2022 મેગા ઓક્શન પહેલા સૌથી મોટા સમાચાર
• અમદાવાદ ફ્રેન્ચાઈઝીને મળી સત્તાવાર મંજૂરી 
• CVC કેપિટલ પાર્ટનર્સે ખરીદી ટીમ 

મળતા મીડિયા રિપોર્ટ પ્રમાણે, ભારતીય ક્રિકેટ કંટ્રોલ બોર્ડ (BCCI) દ્વારા અમદાવાદ ફ્રેન્ચાઈઝીને સત્તાવાર મંજૂરી અને લેટર ઓફ ઈન્ટેન્ટ (LOI) આપી દેવામાં આવ્યો છે. 

CVC કેપિટલ પાર્ટનર્સે ખરીદી ટીમ 

Irelia Co. Pvt Ltd (CVC કેપિટલ પાર્ટનર્સ) એ ₹5,625 કરોડની બિડ લગાવીને અમદાવાદ ફ્રેન્ચાઇઝી મેળવી છે. તો આરપી-સંજીવ ગોએન્કા ગ્રૂપે બીજી નવી ટીમ લખનૌને ₹7,090 કરોડમાં હસ્તગત કરીને 5 વર્ષ પછી ફરીથી લીગમાં કમબેક કર્યું છે. ઉલ્લેખનીય છે કે, આ પહેલા ગોયન્કા ગ્રુપ પાસે 2 વર્ષ 2016 અને 2017માં રાઈઝિંગ પુણે સુપર જાયન્ટ્સની ટીમ રહી હતી. 

#IPL

Ahmedabad franchise officially gets BCCI clearance, receives Letter of Intent (LOI) from the cricket board.

Director of cricket: Vikram Solanki
Head coach: Ashish Nehra
Mentor: Gary Kirsten

Captain: Shreyas Iyer (most likely).

As I said, action-packed week begins. : )

— KSR (@KShriniwasRao) January 10, 2022

કેટલા પ્રશ્નો ઉભા થયાં બાદ CVCને LOI મેળવવામાં થયો હતો વિલંબ

RPSGને લગભગ તરત જ લેટર ઓફ ઈન્ટેન્ટ  (LOI) મળ્યો હતો, પરંતુ આંતરરાષ્ટ્રીય બજારમાં કંપનીના વ્યાપારી હિતો અંગે પ્રશ્નો ઉભા થયા બાદ CVCની મંજૂરીમાં વિલંબ થયો હતો. જેનાથી હરાજીની તારીખ પણ મુલતવી રાખવામાં આવી હતી, જે હવે જાન્યુઆરીની શરૂઆતથી ફેબ્રુઆરીના બીજા સપ્તાહમાં તે યોજાઈ શકે છે. 

કેપ્ટન તરીકે શ્રેયસ અય્યરની પસંદગી થઈ શકે

નોંધનીય છે કે, હવે આ ટીમ BCCI સાથે IPLનો નવો કોન્ટ્રાક્ટ સાઈન કરશે. જેમાં બોર્ડ કેટલાક નવા નિયમો અને માપદંડોનો ઉલ્લેખ કરીને ટીમ સાથે આગળ વધશે. તેવામાં અમદાવાદની ટીમના હેડ કોચ આશિષ નેહરા અથવા રવિ શાસ્ત્રીમાંથી કોઈ એક બની શકે છે. તો આ સાથે જ ટીમના મેન્ટોર તરીકે ગેરી કર્સ્ટેન તથા કેપ્ટન તરીકે શ્રેયસ અય્યરની પસંદગી થઈ શકે છે.