કોરોના વાયરસ / હવે કોરોનાની દવાને લઈને આવ્યા ઓસ્ટ્રેલિયાથી મોટાં સમાચાર, આશા જાગી

•  ચીનમાં શરૂ થયેલા કોરોના વાયરસ સામે લડતા વિશ્વ માટે એક સારા સમાચાર છે
• ચીન પછી હવે ઓસ્ટ્રેલીયાની પ્રતિષ્ઠિત લેબોરેટરીમાં  કોરોના વાયરસની દવા તૈયાર કરાઈ છે
• સારા પરિણામો આવ્યા બાદ હવે માણસો પર પરીક્ષણ થશે

કોરોનાના કિલર વાયરસ સામે લડી રહેલા વિશ્વ માટે સારા સમાચાર છે. ચીન પછી હવે ઓસ્ટ્રેલીયાની પ્રતિષ્ઠિત લેબોરેટરીમાં કોરોના વાયરસની દવા શોધવામાં આવી છે. બે દવાઓને મિક્સ કરી આ ડ્રગ તૈયારી કર્યા પછી, તેઓએ મનુષ્ય પર પરીક્ષણ શરૂ કર્યું છે. આ બંને દવાઓ પહેલા એડ્સ અને મેલેરિયાની સારવારમાં ઉપયોગમાં લેવાતી હતી.

આ દવાએ લેબમાં કોરોના વાયરસનો ખાત્મો કરી દીધો છે. એવું માનવામાં આવી રહ્યું છે કે આ મહિનાના અંત સુધીમાં, કોરોનાનાં દર્દીઓ પર આ દવાઓની ટ્રાયલ્સ શરૂ થશે. આ સમગ્ર પરીક્ષણ માટે દુનિયાભરના દાતાઓએ પૈસા આપ્યા છે. ક્વીન્સલેન્ડ યુનિવર્સિટીના ક્લિનિકલ રિસર્ચ સેન્ટરના ડિરેક્ટર ડેવિડ પીટરસેને કહ્યું, "આ દવાઓ પહેલાથી જ ઓસ્ટ્રેલિયામાં  દર્દીઓની સારવાર કરી ચુકી છે અને પરિણામો સફળ રહ્યા છે." જો કે, આ નિયંત્રિત અને તુલનાત્મક રીતે કરવામાં આવ્યું છે. 

દવાના મોટા પાયે ક્લિનિકલ ટ્રાયલ

પીટર્સને કહ્યું, "અમે ઓસ્ટ્રેલિયાની હોસ્પિટલોમાં મોટા પાયે ક્લિનિકલ ટ્રાયલ કરવા માંગીએ છીએ. 'અમે જોઈશું કે એક દવા વિરુદ્ધ બીજી દવા આપવાથી બંને દવાઓ પર તેની અસર શું છે.' આ દરમિયાન, સ્ટેનફોર્ડ યુનિવર્સિટીએ શુક્રવારે જણાવ્યું હતું કે ક્લોરોક્વિન નામની દવા મેલેરિયામાં અગાઉથી વપરાય છે, જેનું પરિણામ ચાઇના અને સિંગાપોરમાં જોવા મળ્યું છે.

એવા પણ પુરાવા મળ્યા છે કે એડ્સ પર આપવામાં આવતી દવાના ચાઇનામાં પણ સારા પરિણામ આવ્યા છે. જોકે, ચીને આ પરીક્ષણ માટે ડેટા આપ્યો નથી. જો કે, ચીનમાં ક્લોરોક્વિનથી થયેલા 12 હજાર દર્દીઓના ઠીક થવાના દાવાને નકારી કાઢવામાં આવ્યો છે. પીટર્સને કહ્યું કે લેબના પરીક્ષણોમાં આ બંને દવાઓ આપેલ હોવાથી એવું જાણવા મળ્યું છે કે કોરોનાની દવા મળી ગઈ છે.

રસી બનાવવા માટે 18 મહિનાનો સમય લેશે

વિશ્વભરમાં કોરોના મહામારીના જાહેર થવાના પગલે, તેની રસી માટેના પ્રયત્નો તીવ્ર બન્યા છે, પરંતુ એવું માનવામાં આવે છે કે કોરોના રસી આવતા ઓછામાં ઓછા 18 મહિનાનો સમય લાગી શકે છે. કોરોના રસી વિશ્વભરમાં બનાવવાના પ્રયાસો ચાલી રહ્યા છે. ચીનમાં એક રસી બનાવવામાં આવી છે, જેણે મનુષ્ય પર પરીક્ષણ શરૂ કરી દીધું છે.