Asian Games 2026 / ભારતે એથ્લેટિક્સમાં પહેલો ગોલ્ડ મેડલ જીત્યો, ચાર દિકરીઓએ ઐતિહાસિક સફળતા મેળવી

એશિયન ગેમ્સ 2026 માં ભારતીય એથ્લેટ્સ સતત ઉત્કૃષ્ટ પ્રદર્શન કરી રહ્યા છે. મંગળવારે યોજાયેલી મહિલાઓની 4x400 મીટર રિલે ફાઇનલમાં ભારતીય ચોકડીએ વિરોધીઓને પાછળ છોડીને એશિયન ગેમ્સમાં એથ્લેટિક્સનો પ્રથમ સ્વર્ણ પદક દેશના નામે કર્યો હતો.

ગોલ્ડન ગર્લ્સનું શાનદાર પ્રદર્શન

મહિલા 4x400 મીટર રિલેની રેસ શરૂઆતથી જ ખૂબ જ રોમાંચક રહી હતી. ભારત તરફથી કિરણ પહેલ, પૂવમ્મા માચેત્તીરા, પ્રાચી ચૌધરી અને વિથ્યા રામરાજની ચોકડીએ રેસ દરમિયાન શ્રેષ્ઠ ગતિ જાળવી રાખી હતી. ભારતીય ટીમે 3:29.69 મિનિટનો સમય નોંધીને પ્રથમ સ્થાન મેળવ્યું અને ગોલ્ડ મેડલ પર કબ્જો કર્યો હતો. આ સ્પર્ધામાં બહરીને સિલ્વર મેડલ અને ચીને બ્રોન્ઝ મેડલ પોતાના નામે કર્યો હતો.

View this post on Instagram

A post shared by Sambhaav Nascent LLP (@vtv_gujarati_news)

પુરુષ અને મિક્સ્ડ રિલેમાં પણ મળ્યા મેડલ

ટ્રેક એન્ડ ફીલ્ડમાં ભારતીય ટીમોનો દબદબો માત્ર મહિલા રિલે સુધી સીમિત ન રહ્યો. પુરુષોની 4x400 મીટર રિલે સ્પર્ધામાં ધર્મવીર ચૌધરી, મનુ થીક્કનીલ, જય કુમાર અને વિશાલ થેન્નરાસુની ટીમે 3:01.61 મિનિટનો આ સીઝનનો સર્વશ્રેષ્ઠ સમય (Season Best Time) કાઢીને બ્રોન્ઝ મેડલ જીત્યો હતો. તે જ સમયે, 4x100 મીટર મિક્સ્ડ રિલેમાં ગુરિંદરવીર સિંહ, અનિમેષ કુજૂર, સ્નેહા સત્યનારાયણ અને હરિતા ભદ્રાની જોડીએ 41.06 સેકન્ડનો સમય નોંધીને ભારત માટે વધુ એક બ્રોન્ઝ મેડલ મેળવ્યો હતો.

વધુ વાંચો : સચિન તેંડુલકરે OpenAI સાથે કર્યો કરાર, ChatGPTના ઉપયોગ અને AIના ફાયદા વિશે લોકો સાથે અનુભવ શેર કરશે

હાઈ જમ્પ અને દોડમાં ભારતને સફળતા

પૂજા સિંહ (મહિલા હાઈ જમ્પ): ભારતીય એથ્લીટ પૂજા સિંહે મહિલાઓની હાઈ જમ્પ સ્પર્ધામાં 1.84 મીટરનો કૂદકો લગાવીને બ્રોન્ઝ મેડલ જીત્યો હતો.

ગુલવીર સિંહ (પુરુષ 5000m): પુરુષોની 5000 મીટર દોડમાં ગુલવીર સિંહે 13:32.75 મિનિટનો સમય કાઢીને બ્રોન્ઝ મેડલ મેળવ્યો હતો. આ સાથે જ ગુલવીરે ચાલુ એશિયન ગેમ્સમાં સતત ત્રીજો મેડલ મેળવીને મેડલ હેટ્રિક પૂરી કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ