ક્રાઈમ / VIDEO : રાજકોટમાં જૂની અદાવતનો બદલો લેવા માલિકે યુવક પર છોડી મૂક્યો શ્વાન, માલિકે પણ કર્યો હુમલો

મોવડી વિસ્તારમાં આવેલ અમરનગરમાં એક યુવક પર શ્વાન અને તેના માલિક દ્વારા હુમલો કરવામાં આવ્યો હોવાની ઘટના બની છે. સામાન્ય બોલાચાલી કે અદાવતમાં માલિકે શ્વાનને ઉશ્કેરીને તેના પર હુમલો કરાવ્યો હતો.

લોહીલુહાણ યુવક હોસ્પિટલમાં દાખલ

ઘટનાને પગલે આસપાસના લોકો એકઠા થઈ ગયા હતા અને યુવકને લોહીલુહાણ હાલતમાં તાત્કાલિક સારવાર અર્થે રાજકોટની સિવિલ હોસ્પિટલમાં ખસેડવામાં આવ્યો હતો.

સોશિયલ મીડિયામાં વીડિયો વાયરલ

આ ઘટનાનો એક વીડિયો સોશિયલ મીડિયામાં વાયરલ થયો છે. જેમાં માલિક શ્વાન પાસે હુમલો કરાવતો દ્રશ્યમાન થઈ રહ્યો હોવાનું ચર્ચાઈ રહ્યું છે. વાયરલ વીડિયો ધ્યાન પર આવતાં જ માલવિયા પોલીસ સ્ટેશનની ટીમ હરકતમાં આવી છે. પોલીસે વીડિયો ફૂટેજના આધારે ઘટનાની ગંભીરતાથી નોંધ લઈ શ્વાન માલિક વિરૂદ્ધ કાયદેસરની તપાસ અને કાર્યવાહી હાથ ધરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ