IND vs WI / વેસ્ટ ઈન્ડિઝ સામે મેદાનમાં ઉતરતા જ કોહલીએ બનાવી દીધો 'વિરાટ' રેકોર્ડ, આવું કારનામું કરનાર બીજો ખેલાડી બની ગયો

Published By: Ajitsinh Jadeja

Last Updated: 09:40 PM, 27 September 2026

FOLLOW ON

શેર કરો

Virat Kohli: તિરુવનંતપુરમમાં રવિવારે વેસ્ટ ઈન્ડિઝ સામેની પ્રથમ વનડે મેચમાં ભારતીય ટીમના સ્ટાર બેટ્સમેન વિરાટ કોહલીએ પોતાની શાનદાર કારકિર્દીમાં વધુ એક રેકોર્ડ નોધાવ્યો છે.

ભારતીય ક્રિકેટ ટીમના રન મશીન વિરાટ કોહલીએ વનડે આંતરરાષ્ટ્રીય ક્રિકેટમાં એક મોટો રેકોર્ડ બનાવ્યો છે. વેસ્ટ ઈન્ડિઝ સામેની મેચમાં વિરાટ કોહલીએ પોતાની વનડે કારકિર્દીમાં 15,000 રન બનાવીને ઘણા રેકોર્ડ તોડી નાખ્યા છે.

વિરાટ કોહલી વનડે ક્રિકેટના ઇતિહાસમાં 15,000 રનનો આંકડો પૂર્ણ કરનાર માત્ર બીજો બેટ્સમેન બન્યો છે. તેના પહેલા આ રેકોર્ડ ફક્ત માસ્ટર બ્લાસ્ટર સચિન તેંડુલકરના નામે હતો.

વનડે આંતરરાષ્ટ્રીય ક્રિકેટમાં આ જાદુઈ આંકડા સુધી પહોંચનાર વિરાટ કોહલીએ ઘણી ઓછી ઇનિંગ્સ રમી હતી. તેમના પહેલા,ફક્ત સચિન તેંડુલકરે જ આ આંકડો હાંસલ કર્યો હતો. સચિન તેંડુલકરે આ રેકોર્ડ સુધી પહોંચવા માટે 377 ઇનિંગ્સ રમી હતી, જ્યારે વિરાટ કોહલીએ ફક્ત 303 ઇનિંગ્સમાં આ કરી દેખાડ્યુ છે.

Moment for the history books 📖

The magical feeling of scaling Mt. 1⃣5⃣0⃣0⃣0⃣ ODI runs, ft. Virat Kohli 🏔️

Updates ▶️ https://t.co/O2cs86p4gq #TeamIndia | #INDvWI | @mflone_ | @imVkohli pic.twitter.com/sbqA6KtBsr
— BCCI (@BCCI) September 27, 2026

વેસ્ટ ઈન્ડિઝની ઇનિંગ્સની સ્થિતિ

આ પહેલાં પ્રથમ બેટિંગ કરતા વેસ્ટ ઈન્ડિઝે ભારત માટે 295 રનનો પડકારજનક લક્ષ્યાંક રાખ્યો હતો. જસ્ટિન ગ્રીવ્સે શાનદાર સદી (101 રન, 108 બોલ) ફટકારી. જોન કેમ્પબેલ (62 રન) અને આમિર જાંગુ (અણનમ 58) એ પણ અડધી સદી ફટકારી. કુલદીપ યાદવ ભારત માટે સૌથી સફળ બોલર રહ્યો, તેણે 10 ઓવરમાં માત્ર 40 રન આપીને ચાર મહત્વપૂર્ણ વિકેટ લીધી.

કોહલીએ વર્લ્ડ કપ વિશે શું કહ્યું?

2011 માં પોતાની કેપ્ટનશીપ હેઠળ અને ઘરઆંગણે વર્લ્ડ કપ જીતનાર વિરાટ આ શાનદાર ફોર્મ સાથે પોતાનો બીજો વનડે વર્લ્ડ કપ જીતવા માંગે છે. ઓસ્ટ્રેલિયા સામે 2023 ની ફાઇનલ હારનું દુઃખ હજુ પણ ચાહકોના દિલમાં રહે છે.

બ્રોડકાસ્ટર જીઓસ્ટાર સાથે વાત કરતા વિરાટે ખુલાસો કર્યો કે 2027 નો વર્લ્ડ કપ તેના કેરિયરનો છેલ્લો 50 ઓવરનો વર્લ્ડ કપ હશે. તેણે કહ્યું, "આ ભારત માટે મારો છેલ્લો વર્લ્ડ કપ હશે. હું ફક્ત મેદાન પર મારું સર્વસ્વ આપવા માંગુ છું."