ધર્મ / જૂનાગઢમાં અત્યારથી જ જામવા લાગ્યો નવરાત્રીનો રંગ, યુવક-યુવતીઓમાં ભારે ઉત્સાહ, શીખી રહ્યાં છે નવા ગરબા

નવલી નવરાત્રીને ગણતરીના દિવસો બાકી રહ્યા છે, ત્યારે જૂનાગઢમાં નવરાત્રીનો રંગ અત્યારથી જ જામવા લાગ્યો છે. ખેલૈયાઓ બે મહિનાથી ગરબાની પ્રેક્ટિસમાં લાગી ગયા છે. યુવતીઓમાં અવનવી ચોલી અને ઓક્સિડાઇઝ જ્વેલરીનો ક્રેઝ જોવા મળી રહ્યો છે, તો બીજી તરફ નવા-નવા સ્ટેપ્સ અને કોરિયોગ્રાફી શીખવા માટે ગરબા ક્લાસિસમાં પણ ભારે ઉત્સાહ જોવા મળી રહ્યો છે.

યુવક-યુવતીઓ છેલ્લા બે મહિનાથી ગરબાની પ્રેક્ટિસ કરી રહ્યા છે

નવલી નવરાત્રીના આગમન પહેલાં જ ખેલૈયાઓએ તૈયારીઓ શરૂ કરી દીધી છે.જૂનાગઢમાં યુવક-યુવતીઓ છેલ્લા બે મહિનાથી ગરબાની પ્રેક્ટિસ કરી રહ્યા છે. ગ્રુપમાં મળીને અવનવા સ્ટેપ્સ શીખવામાં આવી રહ્યા છે. ઝાલમૂરી, ડાકલા, ટીટોડો, 31મો, રંગત અને સુરતી સ્ટેપ સહિત અલગ-અલગ પ્રકારની કોરિયોગ્રાફી પર ખેલૈયાઓ પ્રેક્ટિસ કરી રહ્યા છે.જૂનાગઢમાં બે મહિનાથી નવરાત્રીની તૈયારી શરૂ કરી દીધી છે. અલગ-અલગ પ્રકારની ચોલી અને ઓક્સિડાઇઝ જ્વેલરીનો ખૂબ જ ક્રેઝ છે. ખેલૈયાઓ ગ્રુપમાં મળીને નવા-નવા સ્ટેપ શીખીએ છીએ. નવરાત્રીને લઈને ખૂબ જ વધારે ઉત્સાહ છે અને અમે બે-બે કલાક સુધી નોન-સ્ટોપ પ્રેક્ટિસ કરે છે..નવરાત્રી માટે માત્ર ગરબાના સ્ટેપ્સ જ નહીં, પરંતુ પરંપરાગત પોશાક અને જ્વેલરીની પણ ખાસ તૈયારી કરવામાં આવી રહી છે. યુવતીઓ નવરાત્રીના નવ દિવસ માટે અલગ-અલગ ચોલી પહેરવાની તૈયારીમાં છે.ચોલીની ખરીદી માટે અમદાવાદ સહિત સૌરાષ્ટ્રના વિવિધ સ્થળોએ શોપિંગ કરવામાં આવી રહ્યું છે. સાથે જ એક્ઝિબિશન અને જ્વેલરી શોપમાંથી પસંદગી કરીને ઓક્સિડાઇઝ જ્વેલરી પણ ખરીદવામાં આવી રહી છે.

સૌરાષ્ટ્રમાં નવરાત્રીની ખૂબ જ તૈયારી

નવરાત્રીને લઈને સૌરાષ્ટ્રના ખેલૈયાઓમાં અત્યારથી જ કાઉન્ટડાઉન શરૂ થઈ ગયું છે. ગરબા ક્લાસિસમાં નવા સ્ટેપ્સ શીખવાની સાથે ખેલૈયાઓ પ્રી-નવરાત્રી ઇવેન્ટ્સમાં પણ ગરબાના તાલે ઝૂમી રહ્યા છે. સૌરાષ્ટ્રમાં નવરાત્રીની ખૂબ જ તૈયારી થઈ રહી છે અને બધામાં ખૂબ જ નવરાત્રિની રાહ જોવે છે. વેલકમ નવરાત્રી પણ અત્યારથી શરૂ થઈ ગઈ છે. નવા-નવા ચોલી અને ઓક્સિડાઇઝ જ્વેલરીની તૈયારી કરીને બધા નવરાત્રીની રાહ જોઈ રહ્યા છે. ખેલૈયાઓ બે મહિના પહેલાથી જ નવરાત્રીની રાહ જોઈ રહ્યા છીએ અને અલગ-અલગ ક્લાસિસમાં જોડાઈને નવા સ્ટેપ્સની પ્રેક્ટિસ કરી રહ્યા છીએ.ખેલૈયાઓ આ વખતે અલગ-અલગ ગીતો પર અલગ-અલગ સ્ટેપ્સ શીખી રહ્યા છે. ગ્રુપ કોરિયોગ્રાફી પર ખાસ ભાર મૂકવામાં આવી રહ્યો છે, જેથી નવરાત્રી દરમિયાન એકસાથે ગરબા રમતી વખતે સ્ટેપ્સમાં એકરૂપતા જોવા મળે.

વધુ વાંચો : અમિત શાહે અમદાવાદના સાબરમતી રેલવે સ્ટેશન પર 1472 કરોડના કામોનું લોકાર્પણ-ખાતમુહુર્ત કર્યું

યુવાનો શીખી રહ્યાં છે નવા નવા સ્ટેપ્સ

નવરાત્રીની તૈયારીઓમાં યુવતીઓનો ઉત્સાહ પણ કંઈ ઓછો નથી. નવરાત્રીને પોતાનો ફેવરિટ તહેવાર ગણાવતી યુવતીઓ આખા વર્ષ દરમિયાન આ નવ દિવસની રાહ જોતી હોય છે. ત્યારે ખેલૈયાઓ કહી રહ્યા છે કે નવરાત્રી મારો ફેવરિટ તહેવાર છે. આખું વર્ષ અમે નવરાત્રીની રાહ જોતા હોઈએ છીએ અને સૌરાષ્ટ્રના લોકોમાં તો નવરાત્રીનો અલગ જ ઉત્સાહ છે. અમે બે મહિના પહેલાથી પ્રેક્ટિસ શરૂ કરી દીધી છે. અલગ-અલગ સોંગ પર અલગ-અલગ સ્ટેપ્સ અને નવી કોરિયોગ્રાફી સાથે ગ્રુપ સ્ટેપ શીખી રહ્યા છીએ.નવરાત્રી માટે આખું વર્ષ અલગ-અલગ ચોલીની તૈયારી કરીએ છીએ, જેથી નવ દિવસ અલગ-અલગ ચોલી પહેરીને ગરબા રમવા મળે. ફ્રેન્ડ્સ સાથે મોજ-મસ્તી કરવાની પણ એક અલગ જ મજા છે. આ વર્ષે અત્યાર સુધીમાં 30થી 35 જેટલા નવા સ્ટેપ્સ શીખી લીધા છે. રંગત, 31, ટીટોડો સહિત ઘણા નવા સ્ટેપ્સ શીખ્યા છે, જેનાથી નવરાત્રીમાં ગરબા રમવાની મજા બમણી થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ