VIRAL / અક્ષય કુમારનો ગુજરાતીમાં કવિતા ગાતો વીડિયો ઈન્ટરનેટ પર મચાવી રહ્યો છે ધૂમ

ખાસ કરીને હાલમાં અક્ષય કુમારે સિંદૂર નામની એક કવિતા ગુજરાતીમાં પોતાના ફેસબુક અકાઉન્ટમાં અપલોડ કરી છે અને ગુજરાતી લોકો તેને વધુ પસંદ કરી રહ્યા છે. ફિલ્મમાં અક્ષય સાથે વિદ્યા બાલન, તાપસી પન્નુ, સોનાક્ષી સિંહા, કીર્તિ કુલ્હારી અને નિત્યા મેનન શામેલ છે. ફિલ્મનું ડિરેક્શન જગન શક્તિએ કર્યું છે.

આ પહેલાં પણ અક્ષય કુમારે તસવીર શૅર કરીને કહ્યું હતું, 'ઘરે હોય કે પછી સફળ સ્પેસ મિશનના લોન્ચિંગમાં હોય, મહિલાઓને બધી જ ખબર હોય છે. મહિલા વૈજ્ઞાનિકોની શક્તિની ઉજવણી, 'મિશન મંગલ' તેમની જ વાર્તા છે.' ઉલ્લેખનીય છે કે 'મિશન મંગલ'માં ઈન્ડિયન સ્પેસ રિસર્ચ ઓર્ગેનાઈઝેશન (ઈસરો)એ મંગલ પર યાન મોકલ્યું તેની વાત કહેવામાં આવી છે. ફિલ્મમાં અક્ષય કુમાર, તાપસી પન્નુ, વિદ્યા બાલન, શરમન જોષી, નિત્યા મેનન તથા કીર્તિ કુલ્હારી છે.

હાલમાં જ ફિલ્મનું ટીઝર રિલીઝ કરવામાં આવ્યું હતું

અક્ષય કુમારે તાજેતરમાં જ ફિલ્મનું ટીઝર લોન્ચ કર્યું હતું. તેણે ટીઝર લોન્ચ કરતાં કહ્યું હતું, 'એક દેશ, એક સપના, એક ઈતિહાસ...' નોંધનીય છે કે આ ફિલ્મ 15 ઓગસ્ટે રિલીઝ થવાની છે.