ગુજરાત / ગાંધી જયંતીએ અમદાવાદ પોલીસનું ‘નો ડ્રગ્સ’ અભિયાન શરૂ, 5 હજારથી વધુ લોકો જોડાયા

ડ્રગ્સનું દૂષણ સમાજમાં ધીમે ધીમે પગપેસારો કરી રહ્યું છે અને તેની સૌથી મોટી અસર યુવા પેઢી પર જોવા મળી રહી છે. નશાની શરૂઆત કરાવ્યા બાદ યુવાઓને ડ્રગ્સના બંધાણી બનાવીને ગેરકાયદે ધંધો કરતા લોકો પોતાનો નફો વધારતા રહ્યા છે. ડ્રગ્સની ચુંગાલમાં ફસાયેલા યુવાઓને નશામુક્ત જીવન તરફ પાછા લાવવા અને નશાખોરી સામે સમાજમાં જાગૃતિ ફેલાવવા અમદાવાદ પોલીસે ગાંધી જયંતીના દિવસે વિશેષ ‘નો ડ્રગ્સ’ અભિયાનનો પ્રારંભ કર્યો હતો.

ગાંધી જયંતી નિમિત્તે ગાંધી આશ્રમ ખાતેથી પોલીસ કમિશનર અનુપમસિંહ ગેહલોતે ‘નો ડ્રગ્સ’ અભિયાન અંતર્ગત વોકેથોનનું પ્રસ્થાન કરાવ્યું હતું. આ પ્રસંગે ક્રાઈમ બ્રાંચના જેસીપી શરદ સિંઘલ, સેક્ટર-૧ના જેસીપી નીરજ બડગુજર સહિત ડીસીપી, એસીપી અને પીઆઈ કક્ષાના અધિકારીઓ હાજર રહ્યા હતા. પોલીસ અધિકારીઓ સાથે એનસીસીના કેડેટ્સ, કોલેજના વિદ્યાર્થીઓ, વિવિધ એનજીઓના સભ્યો અને મોટી સંખ્યામાં નાગરિકો પણ વોકેથોનમાં જોડાયા હતા.

પાંચ હજારથી વધુ લોકો જોડાયા

વોકેથોનમાં પાંચ હજારથી વધુ લોકો જોડાયા હતા. ગાંધી આશ્રમથી શરૂ થયેલી વોકેથોન આરટીઓ સર્કલ સુધી પહોંચી હતી અને ત્યાંથી પરત ગાંધી આશ્રમ આવી હતી. વોકેથોન દરમિયાન નશાખોરીનાં ગંભીર પરિણામો અંગે લોકોને જાગૃત કરવામાં આવ્યા હતા. ખાસ કરીને યુવાનોને ડ્રગ્સ તથા અન્ય નશીલા પદાર્થોથી દૂર રહેવા માટેનો સંદેશ આપવામાં આવ્યો હતો. રસ્તા પર મોટી સંખ્યામાં લોકો એકસાથે નશા વિરોધી સંદેશ સાથે આગળ વધતાં સમગ્ર કાર્યક્રમમાં જાગૃતિનો માહોલ જોવા મળ્યો હતો.

સ્પેશિયલ ઓપરેશન ગ્રૂપ એટલે કે એસઓજી દ્વારા આ વોકેથોનનું આયોજન કરવામાં આવ્યું હતું. ડ્રગ્સ સામેની લડાઈમાં પોલીસ દ્વારા કાયદેસર કાર્યવાહી ઉપરાંત જાગૃતિને પણ મહત્ત્વ આપવામાં આવ્યું હતું. પોલીસનો હેતુ યુવાઓમાં નશાખોરીનું પ્રમાણ વધતું અટકાવવાનો અને ડ્રગ્સના કારણે વ્યક્તિ, પરિવાર અને સમાજ પર થતી અસરો અંગે સમજણ ઊભી કરવાનો રહ્યો હતો.

વોકેથોન ઉપરાંત વિવિધ કાર્યક્રમો પણ યોજાયા

ગાંધી આશ્રમ ખાતે વોકેથોન ઉપરાંત વિવિધ કાર્યક્રમો પણ યોજાયા હતા. કાર્યક્રમમાં ડ્રગ્સમુક્ત સમાજનું નિર્માણ કરવા માટેનો સંદેશ આપવામાં આવ્યો હતો. યુવાનો, વિદ્યાર્થીઓ અને નાગરિકોને નશાથી દૂર રહેવા તેમજ આસપાસના લોકોમાં પણ નશા વિરોધી જાગૃતિ ફેલાવવા અપીલ કરવામાં આવી હતી.

યુવાઓને ગ્રાહક બનાવવાની પદ્ધતિ સામે પોલીસ

ડ્રગ્સના ગેરકાયદે વેપારમાં યુવાઓને ગ્રાહક બનાવવાની પદ્ધતિ સામે પોલીસ અને સમાજ બંને માટે પડકાર ઊભો થયો છે. નાની ઉંમરે નશાની શરૂઆત થયા બાદ અનેક યુવાઓ તેની ચુંગાલમાં ફસાઈ જતા હોય છે. નશાની લતના કારણે તેમના અભ્યાસ, નોકરી, પરિવાર અને સામાજિક જીવન પર પણ અસર થતી હોય છે. આ સ્થિતિને ધ્યાનમાં રાખીને યુવા વર્ગ સુધી સીધો નશા વિરોધી સંદેશ પહોંચાડવા માટે વોકેથોનનું આયોજન કરવામાં આવ્યું હતું.

ડ્રગ્સ માફિયાઓ માટે યુવાઓ બની રહ્યાા છે નિશાન

ડ્રગ્સના ગેરકાયદે વેપારીઓ માટે યુવાઓ મોટું નિશાન બની રહ્યા છે. શરૂઆતમાં નશીલા પદાર્થનો ઉપયોગ કરાવ્યા બાદ યુવાઓને તેની આદત લગાડવામાં આવતી હોવાના કિસ્સા સામે આવતા રહ્યા છે. ત્યાર બાદ યુવાઓ પાસેથી સતત નાણાં મેળવવામાં આવતાં હોય છે. આ સમગ્ર ચક્રમાં યુવાઓનું ભવિષ્ય બરબાદ થવાની સાથે પરિવારને પણ મુશ્કેલીનો સામનો કરવો પડતો હોય છે.

પોલીસ અધિકારીઓ સાથે પાંચ હજારથી વધુ લોકો જોડાયા

ગાંધી આશ્રમથી શરૂ થયેલી વોકેથોનમાં પાંચ હજારથી વધુ લોકો જોડાયા હતા. પોલીસ અધિકારીઓ, એનસીસીના કેડેટ્સ, કોલેજના વિદ્યાર્થીઓ, એનજીઓના સભ્યો અને નાગરિકોએ નશા વિરોધી અભિયાનમાં ભાગ લીધો હતો. વોકેથોન આરટીઓ સર્કલ સુધી જઈ પરત ગાંધી આશ્રમ આવી હતી. મોટી સંખ્યામાં યુવાઓ જોડાતાં ડ્રગ્સથી દૂર રહેવાનો સંદેશ લોકો સુધી પહોંચ્યો હતો.

આ પણ વાંચો : રાજકોટમાં વધુ એક બોગસ ડૉક્ટર પોલીસ સકંજામાં, અંકુર મહેતા ત્રણ મહિનાથી ડિગ્રી વિના ચલાવતો હતો દવાખાનું

‘Drug-Free Society, Healthy Society’નો સંદેશ

ગાંધી જયંતીના દિવસે શરૂ થયેલા ‘નો ડ્રગ્સ’ અભિયાનમાં ‘Drug-Free Society, Healthy Society’ એટલે કે ‘વ્યસનમુક્ત અને સ્વસ્થ સમાજ’નો સંદેશ આપવામાં આવ્યો હતો. પોલીસ દ્વારા યુવાઓને નશાથી દૂર રહેવા અને સ્વસ્થ જીવન તરફ આગળ વધવા માટે જાગૃત કરવામાં આવ્યા હતા. ડ્રગ્સ સામેની લડાઈમાં સમાજની ભાગીદારી વધે અને યુવાઓ નશાના દૂષણથી દૂર રહે તે અભિયાનનો મુખ્ય ઉદ્દેશ રહ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ