ટીવી જગતના સૌથી પ્રખ્યાત રિયાલિટી શો બિગ બોસ 7ની સીઝન 7 માં વિજેતા રહી ચૂકેલી મ મોડલ અને અભિનેત્રી ગૌહર ખાને આ દિવસોમાં પોતાની પર્સનલ લાઇફને લઈને ચર્ચામાં છે.
ગૌહર ખાનની ની લવ લાઇફ વિશે એવા સમાચાર આવ્યા છે કે લાંબા સમય પછી, એક નવી વ્યક્તિએ તેના જીવનમાં પ્રવેશ કર્યો છે. ગૌહર ખાન વિશે એવું કહેવામાં આવી રહ્યું છે કે તે મ્યુઝિક કમ્પોઝર ઇસ્માઇલ દરબારના પુત્ર અને પ્રખ્યાત ટિકટૉટકર અને બ્લોગર ઝૈદ દરબારને ડેટ કરી રહી છે.
Pinkvilla વેબસાઈટના અહેવાલ મુજબ, ગૌહર અને ઝૈદ આ દિવસોમાં એક બીજા સાથે ઘણો સમય વિતાવી રહ્યા છે. આટલું જ નહીં, બંનેના પરિવારજનો એકબીજાના સંપર્કમાં પણ છે.
જો કે બંને સંબંધોને આગળ વધારવામાં કોઈ ઉતાવળ બતાવી રહ્યા નથી. ઝૈદ ગૌહર કરતા 11 વર્ષ નાનો છે. જો કે, બંનેએ હજી સુધી તેમના સંબંધોને સત્તાવાર બનાવ્યા નથી.
પરંતુ, આ બંનેની ઘણી તસવીરો સોશિયલ મીડિયા પર વાયરલ થઈ રહી છે. ઝૈદ એક ડાન્સરની સાથે સાથે એક પ્રખ્યાત ટિક ટોકર છે અને તે તાજેતરમાં જ છમીયા મ્યુઝિક વીડિયોમાં પણ જોવા મળ્યો હતો.