Recruitment / સ્નાતકો માટે સરકારી નોકરીની ઉમદા તક, પગાર મહિને 80,000 રૂપિયા, જાણો વિગતો

ન્યુક્લિયર પાવર કોર્પોરેશન ઓફ ઈન્ડિયા લિમિટેડ(NPCIL)માં ભરતી પડી છે.  NPCILએ ડેપ્યુટી મેનેજર અને જુનિયર હિન્દી ટ્રાન્સલેટરની જગ્યાઓ માટે ભરતીની જાહેરાત કરી છે. આ ભરતીમાં કુલ 122 જગ્યાઓ ભરવામાં આવશે. રસ ધરાવતા ઉમેદવારો 27 નવેમ્બર પહેલા અરજી કરી શકે છે.

• પોસ્ટની વિગતો
  

1. ડેપ્યુટી મેનેજર (HR): 31
2. ડેપ્યુટી મેનેજર (F&A): 48
3. ડેપ્યુટી મેનેજર (C&MM): 34
4. ડેપ્યુટી મેનેજર (લીગલ): 1
5. જુનિયર હિન્દી ટ્રાન્સલેટર: 8
   

• શૈક્ષણિક લાયકાત
  

ડેપ્યુટી મેનેજરના પદ માટે ઉમેદવારો પાસે સંબંધિત વિષયમાં સ્નાતક કે  માસ્ટર ડિગ્રી હોવી જોઈએ. જુનિયર હિન્દી ટ્રાન્સલેટરની પદ માટે ઉમેદવારો પાસે હિન્દી અને અંગ્રેજીમાં માસ્ટર ડિગ્રી હોવી જોઈએ છે. ટ્રાન્સલેટરનો અનુભવ ધરાવતા લોકોને પ્રાથમિકતા આપવામાં આવશે.

• વય મર્યાદા કેટલી?
  

આ ભરતીમાં વય મર્યાદા 18 થી 30 વર્ષની વચ્ચે રાખવામાં આવી છે, જેમાં જુનિયર હિન્દી અનુવાદક પદ માટે વય 21 વર્ષ રાખવામાં આવી છે. સરકારી નિયમો અનુસાર અનામત કેટેગરીના લોકો માટે વયમાં છૂટછાટ આપવામાં આવશે.

• પગાર કેટલો મળશે?
  

આ ભરતીમાં પસંદ કરાયેલા ઉમેદવારોને સારો એવો પગાર મળશે, જેમાં ડેપ્યુટી મેનેજર પદ માટે બેસિક પગાર 56,100 રૂપિયા અને જુનિયર હિન્દી અનુવાદક પદ માટે બેસિક પગાર 35,400 રૂપિયાનો સમાવેશ થાય છે, તેમજ સરકારી રોજગારના તમામ લાભો, જેમાં ભથ્થાં, પેન્શન અને પ્રમોશનનો સમાવેશ થાય છે.

• અરજી ફી કેટલી?
  

ડેપ્યુટી મેનેજર પદ માટે અરજી ફી 500 રૂપિયા છે, જુનિયર હિન્દી અનુવાદક પદ માટે 150 રૂપિયા ફી રખાઈ છે. જ્યારે SC, ST અને PWD ઉમેદવારોને ફી ભરવામાંથી મુક્તિ આપવામાં આવી છે.

• પસંદગી પ્રક્રિયા કેવી રીતે થશે?
  

ઉમેદવારોની પસંદગી ત્રણ તબક્કામાં કરવામાં આવશે. જેમાં બધી જગ્યાઓ માટે લેખિત કસોટી લેવામાં આવશે. તો જુનિયર હિન્દી અનુવાદક પદ માટે કૌશલ્ય કસોટી લેવામાં આવશે, અને ડેપ્યુટી મેનેજર પદ માટે ઇન્ટરવ્યૂ લેવામાં આવશે. અંતિમ મેરીટ લીસ્ટ ડોક્યુમેન્ટ વેરીફીકેશન અને મેડીકલ ટેસ્ટ પછી જાહેર કરવામાં આવશે.

વધુ વાંચો : ઇન્ડિયન એરફોર્સમાં ભરતીની તક, 18 નવેમ્બરથી અરજી પ્રક્રિયા શરૂ, વાંચો વિગત

• ફોર્મ કેવી રીતે ભરવું ?
  

1. સૌપ્રથમ NPCIL ની સત્તાવાર વેબસાઇટ npcilcareers.co.in પર જવું.
   
2. પછી “Recruitment Notification” સેક્શન પર ક્લિક કરવું.
   
3. અહિયાં ડેપ્યુટી મેનેજર અને જુનિયર હિન્દી ટ્રાન્સલેટર ભરતી લિંક પર ક્લિક કરવું.
   
4. બાદમાં રજિસ્ટ્રેશન કરવું અને અરજી ફોર્મ ભરવું.
   
5. પછી બધા જરૂરી ડોક્યુમેન્ટ અપલોડ કરવા.
   
6. છેલ્લે અરજી ફી ચૂકવો અને ફોર્મ સબમિટ કરવું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ