ઘર બદલ્યા પછી મોટાભાગના લોકો તેમના ડ્રાઇવિંગ લાયસન્સ પરનું સરનામું અપડેટ કરાવતા નથી, કારણ કે તેમને લાગે છે કે આ માટે RTOમાં વારંવાર ધક્કા ખાવા પડશે અથવા લાંબી કતારોમાં કલાકો સુધી રાહ જોવી પડશે. નોંધનીય છે કે, ડ્રાઇવિંગ લાયસન્સનો ઘણી જગ્યાએ ઓળખના પુરાવા તરીકે સ્વીકાર કરવામાં આવે છે. આવી પરિસ્થિતિમાં, તમારા ડ્રાઇવિંગ લાયસન્સ પરનું સરનામું અપડેટ કરવું વધુ જરુરી બની જાય છે. જોકે, આજના ડિજિટલ યુગમાં આ કોઈ મુશ્કેલીભર્યું કામ નથી. તમે તમારા ફોન કે લેપટોપનો ઉપયોગ કરીને ઘરે બેઠા જ તમારા ડ્રાઇવિંગ લાયસન્સ પરનું સરનામું અપડેટ કરી શકો છો.
આ ડોક્યુમેન્ટ તૈયાર રાખો
- તમારા ડ્રાઇવિંગ લાયસન્સ પરનું સરનામું ઓનલાઇન અપડેટ કરવા માટે, તમારે પોર્ટલ પર અમુક ડોક્યુમેન્ટ અપલોડ કરવા પડશે. તેથી, કૃપા કરીને આ ડોક્યુમેન્ટ તૈયાર રાખો.
- સૌ પ્રથમ, તમારી પાસે તમારા વર્તમાન ડ્રાઇવિંગ લાયસન્સની સ્કેન કરેલી નકલ હોવી આવશ્યક છે.
- ત્યારબાદ, નવા સરનામાના પુરાવા તરીકે, તમે આધાર કાર્ડ, પાસપોર્ટ, મતદાર ઓળખ કાર્ડ, રેશન કાર્ડ, છેલ્લા ત્રણ મહિનાનું વીજળી, પાણી અથવા ટેલિફોન બિલ અથવા ભાડા કરાર જેવા ડોક્યુમેન્ટનો ઉપયોગ કરી શકો છો.
- ઓળખના પુરાવા તરીકે પાન કાર્ડ, પાસપોર્ટ અથવા મતદાર ઓળખપત્ર જેવા ડોક્યુમેન્ટ તૈયાર રાખો.
- આ ઉપરાંત, પોર્ટલ પર અપલોડ કરવા માટે તમારે એક સ્પષ્ટ અને તાજેતરના ફોટોગ્રાફ તેમજ તમારી ડિજિટલ સહીની કોપી જરૂર પડશે.
- આ ડોક્યુમેન્ટની મદદથી, તમે Parivahan Sarathi પોર્ટલ દ્વારા તમારા ડ્રાઇવિંગ લાયસન્સ પરનું સરનામું સરળતાથી અપડેટ કરી શકો છો. આનાથી એજન્ટો કે વચેટિયાઓ સાથે વ્યવહાર કરવાની જરૂરિયાત રહેતી નથી અને તમારો ઘણો સમય બચે છે.
ઓનલાઇન કેવી રીતે અપડેટ કરવુ ડ્રાઇવિંગ લાઇસન્સ પર એડ્રેસ?
- પોતાના ડ્રાઇવિંગ લાયસન્સ પર એડ્રેસને ઓનલાઇ બદલવા માટે પહેલા Parivahan Sarathi પોર્ટલ પર જાઓ. તેને તમે પોતાના ફોન કે લેપટોપના બ્રાઉઝર પર ખોલી શકો છો.
- પોર્ટલના હોમ પેજ પર અલગ-અલગ ઓપશન્સમાંથી DL-related services પસંદ કરો.
- હવે, તમારો DL નંબર અને જન્મ તારીખ દાખલ કરો, Get DL Details પર ક્લિક કરો અને તમારી પ્રોફાઇલને કન્ફોર્મ કરો.
- ત્યારબાદ, તમારી નવી RTO ઓફિસ પસંદ કરો. પછી, આધાર-આધારિત e-KYC પસંદ કરો જેથી તમારે રૂબરૂ RTO જવું ન પડે.
- હવે, સેવાઓની યાદીમાંથી Change of Address in DL માટેના ચેકબોક્સ પર ટિક કરો.
- ફોર્મમાં તમારું નવું અને કાયમી સરનામું ચોકસાઈપૂર્વક દાખલ કરો.
- હવે, નવા સરનામાનો પુરાવો અને ફોર્મ-1 અપલોડ કરો.
- જ્યારે કહેવામાં આવે ત્યારે તમારો પાસપોર્ટ-સાઇઝનો ફોટોગ્રાફ અને સહી પણ અપલોડ કરો.
- ત્યારબાદ, તમારા ડ્રાઇવિંગ લાયસન્સ પરનું સરનામું અપડેટ કરવા માટે નિર્ધારિત ફી ઓનલાઇન ચૂકવો.
- ત્યારબાદ તમને મળતી એક્નોલેજમેન્ટ સ્લિપ અથવા ચુકવણીની રસીદ સેવ કરી લો.
- તમારા ડ્રાઇવિંગ લાયસન્સ પર સરનામું અપડેટ કરવાની પ્રક્રિયાની સ્થિતિ તપાસવા માટે તમે તેનો ઉપયોગ કરી શકો છો.
આ પણ વાંચોઃ હવેથી આ લોકોને નહીં મળે નવું SIM Card, 24 એપ્રિલથી બદલાઇ જશે નિયમો!
નવા રાજ્ય માટે RTO માં NOC કેવી રીતે જમા કરવુ?
- પરિવહન સારથી પોર્ટલ પર તમારું નવું રાજ્ય પસંદ કરો.
- Apply for Change of Addressપર ક્લિક કરો અને તમારો DL નંબર તથા જન્મ તારીખ દાખલ કરો.
- હવે, જૂના RTO પાસેથી મેળવેલ NOC નંબર અને તે જારી કર્યાની તારીખ દાખલ કરો.
- હવે, નવું સરનામું દાખલ કરો અને તેનો પુરાવો અપલોડ કરો.
- સાથે જ, અગાઉના RTO દ્વારા આપવામાં આવેલ NOC પણ અપલોડ કરો.
- હવે, ડ્રાઇવિંગ લાયસન્સ પર સરનામું બદલવા માટેની ફી ચૂકવો.
- નવા RTO દ્વારા મંજૂરી મળ્યા બાદ, નવું ડ્રાઇવિંગ લાયસન્સ સ્પીડ પોસ્ટ દ્વારા તમારા નવા સરનામા પર મોકલવામાં આવશે.
બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ
