તમારા કામનું / હવેથી આ લોકોને નહીં મળે નવું SIM Card, 24 એપ્રિલથી બદલાઇ જશે નિયમો!

આધુનિક સ્માર્ટફોનમાં, તેને દાખલ કર્યા પછી જ ટેલિકોમ સેવાઓનો લાભ લઈ શકાય છે. આવતીકાલે, 24 ઓગસ્ટથી SIM કાર્ડ સંબંધિત એક મોટો ફેરફાર અમલમાં આવવાનો છે. ભારત સરકારના ટેલિકોમ્યુનિકેશન વિભાગ (DoT) દ્વારા SIM કાર્ડની મર્યાદા અંગેના નિયમો કડક કરવામાં આવી રહ્યા છે.

જાણકારી અનુસાર, જે વ્યક્તિઓએ સિમ કાર્ડ ખરીદવાની નિર્ધારિત મર્યાદા પહેલેથી જ પૂર્ણ કરી લીધી છે, તેમને ટેલિકોમ કંપનીઓ નવા સિમ કાર્ડ જારી કરશે નહીં. તેથી, લોકો માટે એ જાણવું આવશ્યક છે કે તેમના નામે કેટલા સિમ કાર્ડ જારી કરવામાં આવ્યા છે.

SIM કાર્ડ અંગેનો નિયમ એ છે કે કોઈ પણ વ્યક્તિ વધુમાં વધુ નવ SIM કાર્ડ ખરીદી અને વાપરી શકે છે. જોકે, આ ગણતરીમાં નિષ્ક્રિય એટલે કે ડિએક્ટિવેટ થયેલા નંબરોનો સમાવેશ થતો નથી. દેશના મોટાભાગના રાજ્યોમાં આ મર્યાદા લાગુ પડે છે. તેની સરખામણીમાં, જમ્મુ-કાશ્મીર, આસામ અને ઉત્તર-પૂર્વીય રાજ્યોમાં SIM કાર્ડની મહત્તમ મર્યાદા 6 છે.

લિમિટથી વધારે સિમ નહીં આપી શકાય

ટેલિકોમ વિભાગ (DoT) ની નવી ગાઇડલાઇન્સ અનુસાર, ટેલિકોમ કંપનીઓએ નવું સિમ કાર્ડ વેચતા પહેલા એ ચકાસવું આવશ્યક છે કે તે વ્યક્તિના નામે પહેલેથી કેટલા સિમ કાર્ડ એક્ટિવ છે. જો તે વ્યક્તિએ નિયમ મુજબ માન્ય મહત્તમ સંખ્યામાં સિમ કાર્ડ પહેલેથી જ મેળવી લીધા હોય અને તે સિમ કાર્ડ એક્ટિવ હોય, તો નવા કનેક્શન માટે સિમ કાર્ડ આપવાની ના પાડવામાં આવી શકે છે.

શું છે સોલ્યુશન?

જો તમે 24 ઓગસ્ટ પછી સિમ કાર્ડ ખરીદવાના હોવ, તો તમે 'સંચાર સાથી' પોર્ટલનો ઉપયોગ કરીને પહેલા એ તપાસી શકો છો કે તમારા નામે કેટલા સિમ કાર્ડ એક્ટિવ છે.

આ પણ વાંચોઃ બેંક સંબંધિત કામ હોય તો સોમવારે જ પતાવી દેજો, નહીંતર આખું અઠવાડિયું રાહ જોવી પડશે!

સંચાર સાથી પોર્ટલ પર ચેક કરો

• તમારે 'સંચાર સાથી' પોર્ટલના હોમપેજ પર જવું પડશે
• નીચે સ્ક્રોલ કરીને "Know Mobile connection in Your Name" વિકલ્પ શોધો અને તેના પર ક્લિક કરો.
• ત્યારબાદ, તમારો 10 -આંકડાનો મોબાઈલ નંબર દાખલ કરો.
• પછી, કેપ્ચા અને ત્યારબાદ OTP દાખલ કરો.
• અંતે, 'લોગિન' વિકલ્પ પર ક્લિક કરો.
• ત્યારબાદ એક નવી વિન્ડો ખુલશે, જેમાં તમારા નામે નોંધાયેલા મોબાઈલ નંબર દર્શાવવામાં આવશે.
• તમે ઉપયોગમાં ન લેતા હોય તેવા નંબરને ડિએક્ટિવેટ કરાવી શકો છો.
• આ ઉપરાંત, તમે કોઈપણ અજાણ્યા નંબર વિશે રિપોર્ટ પણ કરી શકો છો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ