ન્યૂઝ અપડેટ્સ

logo

VTV / લાઈફસ્ટાઈલ / તમારા કામનું / 8મું પગાર પંચ લાગુ થયા બાદ ₹50,000 પેન્શન મેળવતા નિવૃત્ત કર્મચારીઓને કેટલો ફાયદો થશે? જાણો ગણતરીનો હિસાબ!

photo-story

8 ફોટો ગેલેરી

બિઝનેસ / 8મું પગાર પંચ લાગુ થયા બાદ ₹50,000 પેન્શન મેળવતા નિવૃત્ત કર્મચારીઓને કેટલો ફાયદો થશે? જાણો ગણતરીનો હિસાબ!

Last Updated: 01:19 PM, 17 November 2026

logo

FOLLOW ON

logo

શેર કરો

logo logo logo

8મા પગાર પંચની ભલામણો લાગુ થવાની રાહ જોઈ રહેલા પેન્શનર્સ માટે ફિટમેન્ટ ફેક્ટર સૌથી મહત્વનો મુદ્દો છે. જો ₹50,000ની બેઝિક પેન્શન પર 2.1થી 2.75 સુધીનો ફિટમેન્ટ ફેક્ટર લાગુ થાય તો પેન્શન વધીને ₹1.05 લાખથી ₹1.37 લાખ સુધી થઈ શકે છે.

1/8

photoStories-logo

1. 8મા પગાર પંચથી પેન્શનમાં કેટલો થશે વધારો?

કેન્દ્ર સરકારના કર્મચારીઓની સાથે નિવૃત્ત કર્મચારીઓ પણ 8મા પગાર પંચની ભલામણોની રાહ જોઈ રહ્યા છે. નવા પગાર પંચની અસર માત્ર કર્મચારીઓના પગાર પર જ નહીં, પરંતુ પેન્શન પર પણ જોવા મળી શકે છે. ખાસ કરીને હાલમાં ₹25,000, ₹50,000 અને ₹75,000ની બેઝિક પેન્શન મેળવતા લોકો માટે નવી ગણતરી રસપ્રદ બની શકે છે. હાલમાં 2.1, 2.57 અને 2.75 જેવા ફિટમેન્ટ ફેક્ટરની ચર્ચા થઈ રહી છે. જોકે, સરકારે હજુ સુધી કોઈ ફેક્ટરને અંતિમ મંજૂરી આપી નથી. તો ચાલો સમજીએ કે અલગ-અલગ ફિટમેન્ટ ફેક્ટર પ્રમાણે પેન્શનમાં કેટલો વધારો થઈ શકે છે.

આ તસવીર શેર કરો

logo logo logo

2/8

photoStories-logo

2. 8મું પગાર પંચ પેન્શનર્સ માટે કેમ ખાસ છે?

કેન્દ્ર સરકારના કર્મચારીઓ અને પેન્શનર્સ માટે પગાર પંચની ભલામણો ખૂબ મહત્વ ધરાવે છે. સામાન્ય રીતે નવા પગાર પંચની ભલામણો લાગુ થયા બાદ સરકારી કર્મચારીઓના પગારની સાથે નિવૃત્ત કર્મચારીઓની પેન્શનની ગણતરીમાં પણ ફેરફાર થાય છે.હાલમાં 7મા પગાર પંચ પ્રમાણે પેન્શન મેળવતા નિવૃત્ત કર્મચારીઓની નજર હવે 8મા પગાર પંચ પર છે. ખાસ કરીને જૂની પેન્શન યોજના (OPS) હેઠળ આવતા પેન્શનર્સ જાણવા માગે છે કે નવા પગાર પંચની ભલામણો લાગુ થયા બાદ તેમની માસિક પેન્શન કેટલી થઈ શકે છે.8મા પગાર પંચની રચના 3 નવેમ્બર, 2025ના રોજ કરવામાં આવી હતી. આ પંચની અધ્યક્ષતા જસ્ટિસ રંજના પ્રકાશ દેસાઈ કરી રહ્યાં છે. ત્રણ સભ્યોના આ પંચને પોતાનો રિપોર્ટ તૈયાર કરવા માટે 18 મહિનાનો સમય આપવામાં આવ્યો છે. આથી મે-જૂન 2027 સુધીમાં તેની ભલામણો આવવાની શક્યતા છે.હાલમાં પગાર પંચ કર્મચારીઓ અને પેન્શનર્સનાં સંગઠનો પાસેથી સૂચનો અને માંગણીઓ મેળવી રહ્યું છે. જોકે, પેન્શનમાં કેટલો વધારો થશે અને કઈ ફોર્મ્યુલા લાગુ પડશે તે અંગે હજુ સુધી કોઈ અંતિમ નિર્ણય લેવામાં આવ્યો નથી.

આ તસવીર શેર કરો

logo logo logo

ADVERTISEMENT

3/8

photoStories-logo

3. શું છે ફિટમેન્ટ ફેક્ટર અને પેન્શન વધારવામાં તેની શું ભૂમિકા છે?

8મા પગાર પંચમાં ફિટમેન્ટ ફેક્ટર સૌથી વધુ ચર્ચામાં છે. ફિટમેન્ટ ફેક્ટર એક ગુણાંક છે, જેના આધારે હાલના બેઝિક પગાર અથવા બેઝિક પેન્શનને ગુણાકાર કરીને નવી સંભવિત રકમની ગણતરી કરવામાં આવે છે.ઉદાહરણ તરીકે, જો કોઈ નિવૃત્ત કર્મચારીની હાલની બેઝિક પેન્શન ₹50,000 હોય અને ફિટમેન્ટ ફેક્ટર 2.1 નક્કી થાય તો નવી બેઝિક પેન્શનની ગણતરી ₹50,000 × 2.1 પ્રમાણે કરવામાં આવશે. એટલે કે પેન્શન ₹1,05,000 થઈ શકે છે.7મા પગાર પંચમાં 2.57નો ફિટમેન્ટ ફેક્ટર લાગુ કરવામાં આવ્યો હતો. હવે 8મા પગાર પંચ માટે 2.1, 2.57 અને 2.75 જેવા આંકડાઓની ચર્ચા થઈ રહી છે. જોકે, આ માત્ર સંભવિત આંકડા છે. 8મા પગાર પંચે હજુ કોઈ ફિટમેન્ટ ફેક્ટરની સત્તાવાર જાહેરાત કરી નથી.

આ તસવીર શેર કરો

logo logo logo

4/8

photoStories-logo

4. ₹50,000 પેન્શન મેળવતા નિવૃત્ત કર્મચારીઓને કેટલો ફાયદો?

હાલમાં જો કોઈ નિવૃત્ત કર્મચારીની બેઝિક પેન્શન ₹50,000 છે તો અલગ-અલગ ફિટમેન્ટ ફેક્ટર પ્રમાણે તેની નવી પેન્શનની ગણતરી આ પ્રમાણે થઈ શકે છે.2.1ના ફિટમેન્ટ ફેક્ટર પ્રમાણે ₹50,000ની પેન્શન વધીને ₹1,05,000 થઈ શકે છે. જો 2.57નો ફેક્ટર લાગુ થાય તો આ રકમ ₹1,28,500 થઈ શકે છે. જ્યારે 2.75નો ફિટમેન્ટ ફેક્ટર લાગુ થાય તો પેન્શન વધીને ₹1,37,500 થઈ શકે છે.એટલે કે ₹50,000ની હાલની બેઝિક પેન્શન પર ગણતરી કરીએ તો નવી બેઝિક પેન્શન ₹1.05 લાખથી ₹1.37 લાખની વચ્ચે હોઈ શકે છે. જોકે, આ માત્ર ઉદાહરણ આધારિત ગણતરી છે. વાસ્તવિક પેન્શન કેટલી થશે તે સરકારની મંજૂરી અને અંતિમ નિયમો પર આધાર રાખશે.

આ તસવીર શેર કરો

logo logo logo

ADVERTISEMENT

5/8

photoStories-logo

5. ₹25,000 પેન્શન હોય તો કેટલી થશે નવી રકમ?

જે નિવૃત્ત કર્મચારીઓની હાલની બેઝિક પેન્શન ₹25,000 છે તેમના માટે પણ અલગ-અલગ ફિટમેન્ટ ફેક્ટર પ્રમાણે ગણતરી કરી શકાય છે.જો 2.1નો ફેક્ટર લાગુ થાય તો ₹25,000ની પેન્શન વધીને ₹52,500 થઈ શકે છે. 2.57ના ફેક્ટર પ્રમાણે આ રકમ ₹64,250 થશે. જ્યારે 2.75નો ફેક્ટર લાગુ થાય તો નવી બેઝિક પેન્શન ₹68,750 થઈ શકે છે.આમ, ₹25,000ની હાલની બેઝિક પેન્શન ધરાવતા પેન્શનર્સને સંભવિત ફિટમેન્ટ ફેક્ટરના આધારે ₹52,500થી ₹68,750 સુધીની નવી બેઝિક પેન્શન મળી શકે છે.

આ તસવીર શેર કરો

logo logo logo

6/8

photoStories-logo

6. ₹75,000 પેન્શન મેળવનારાઓને પણ મોટો ફાયદો થઈ શકે

હવે વાત એવા નિવૃત્ત કર્મચારીઓની કરીએ જેમની હાલની બેઝિક પેન્શન ₹75,000 છે. તેમના માટે પણ ફિટમેન્ટ ફેક્ટર પ્રમાણે પેન્શનની ગણતરીમાં મોટો તફાવત જોવા મળી શકે છે.જો 2.1નો ફિટમેન્ટ ફેક્ટર લાગુ થાય તો ₹75,000ની પેન્શન વધીને ₹1,57,500 થઈ શકે છે. 2.57ના ફેક્ટર પ્રમાણે પેન્શન ₹1,92,750 થશે. જ્યારે 2.75નો ફેક્ટર લાગુ થાય તો નવી બેઝિક પેન્શન ₹2,06,250 સુધી પહોંચી શકે છે.એટલે કે ₹75,000ની હાલની બેઝિક પેન્શન ધરાવતા નિવૃત્ત કર્મચારીઓની પેન્શન સંભવિત ગણતરી પ્રમાણે ₹2 લાખને પાર કરી શકે છે.

આ તસવીર શેર કરો

logo logo logo

ADVERTISEMENT

7/8

photoStories-logo

7. પેન્શનર્સ સંગઠનોની શું છે મુખ્ય માંગણીઓ?

8મા પગાર પંચ સમક્ષ પેન્શનર્સનાં વિવિધ સંગઠનોએ પોતાની માંગણીઓ રજૂ કરી છે. તેમની માંગ છે કે નિવૃત્ત કર્મચારીઓને હાલની વ્યવસ્થા કરતાં વધુ સારી પેન્શન મળે અને લાંબા સમય સુધી કામ કર્યા બાદ નિવૃત્ત થતા કર્મચારીઓને યોગ્ય આર્થિક સુરક્ષા મળે.નેશનલ કાઉન્સિલ-જોઇન્ટ કન્સલ્ટેટિવ મશીનરી (NC-JCM) અને ઓલ ઇન્ડિયા ડિફેન્સ એમ્પ્લોઇઝ ફેડરેશન (AIDEF) દ્વારા પૂર્ણ પેન્શનનો દર હાલના 50 ટકાથી વધારીને 67 ટકા કરવાની માંગ કરવામાં આવી છે.આ ઉપરાંત ફેમિલી પેન્શનનો દર પણ 30 ટકાથી વધારીને 50 ટકા કરવાની માંગ રજૂ કરવામાં આવી છે. આ ફેરફારથી પેન્શનરનું અવસાન થયા બાદ તેમના પરિવારને મળતી પેન્શનમાં પણ વધારો થઈ શકે છે.ભારત પેન્શનર્સ સમાજ દ્વારા લઘુત્તમ પેન્શન ₹45,000 કરવાની માંગ કરવામાં આવી છે. આ સાથે કર્મચારીના છેલ્લા પગારના 67 ટકા જેટલી પેન્શન આપવાની પણ માંગ કરવામાં આવી છે. જો આ માંગણીઓ સ્વીકારવામાં આવે તો નિવૃત્ત કર્મચારીઓ અને તેમના પરિવારોને મોટો ફાયદો થઈ શકે છે. જોકે, આ તમામ માંગણીઓ છે, સરકાર દ્વારા મંજૂર કરાયેલા નિયમો નથી.

આ તસવીર શેર કરો

logo logo logo

8/8

photoStories-logo

8. પેન્શનર્સે અત્યારે કઈ વાત ધ્યાનમાં રાખવી જોઈએ?

8મા પગાર પંચના ફિટમેન્ટ ફેક્ટરને લઈને હાલ ઘણી ચર્ચા ચાલી રહી છે. પરંતુ 2.1, 2.57 અને 2.75માંથી કયો ફેક્ટર લાગુ થશે તે હજુ નક્કી નથી. આથી પેન્શનર્સે આ ગણતરીને અંતિમ પેન્શન માની લેવી નહીં.અહીં કરવામાં આવેલી ગણતરી માત્ર હાલની બેઝિક પેન્શનને સંભવિત ફિટમેન્ટ ફેક્ટરથી ગુણાકાર કરીને કરવામાં આવી છે. આ રકમને હાથમાં મળનારી કુલ પેન્શન સમજવી નહીં. મોંઘવારી રાહત (DR), અન્ય લાગુ લાભો અને અંતિમ સરકારી નિયમો પ્રમાણે વાસ્તવિક પેન્શનમાં ફેરફાર થઈ શકે છે.8મા પગાર પંચનો રિપોર્ટ આવ્યા બાદ સરકાર તેની ભલામણો પર વિચાર કરશે અને ત્યારબાદ અમલીકરણ અંગે નિર્ણય લેશે. એટલે હાલ પેન્શનર્સ માટે સૌથી મહત્વની બાબત એ છે કે ફિટમેન્ટ ફેક્ટર અંગેની સત્તાવાર જાહેરાતની રાહ જોવી.

આ તસવીર શેર કરો

logo logo logo

સંકળાયેલા મુદ્દાઓ

Pension Fitment Factor Fitment Factor 8th Pay Commission
background
logo

VTV Gujarati

WhatsApp Channel Invite

ફોલો કરો:

follow-on-tele follow-on-fb follow-on-twitter follow-on-youtube follow-on-insta follow-on-tele

સબસ્ક્રાઇબ કરો

log

હોમ પેજ

log

સમાચાર શોર્ટસ

લાઈવ ટીવી

log

શોર્ટસ વિડિઓ

log

મેનુ