OMG / સમૂહ લગ્નમાં આયોજકો દ્વારા 103 નવદંપતિઓને જે ભેટ મળી તે જોઈને થઈ ગયા ખુશખુશાલ, સોનું અને રોકડ તો અલગથી મળી

• કર્ણાટકમાં સામૂહિક લગ્નમાં થઈ અનોખી પહેલ
• લગ્નમાં ભેટમાં ગાયો આપવામાં આવી
• ગાયથી નવયુગલ દંપતીને સહાય મળશે
   

કર્ણાટકના ચિકબલ્લાપુર જિલ્લામાં એક શાનદાર પહેલ શરુ થઈ. જ્યારે તાજેતરમાં ત્યાં ચિકબલ્લાપુરમાં સામૂહિક લગ્નનું આયોજન કરવામાં આવ્યું હતું. ત્યારે 103 કપલને ભેટમાં  ગાય ભેટમાં આપવામાં આવી હતી. અને આ એક નવી પહેલની શરૂઆત કરી છે. 

ગાયની સાથે મંગળસૂત્ર અને પૈસા પણ આપ્યા
સામૂહિક વિવાહણા આયોજકે કપલને ગાય સાથે રોકડા 50 હજાર અને મંગળસૂત્ર પણ ભેટમાં આપવામાં આવ્યું. મંગળસૂત્રનું વજન 8 ગ્રામ છે. અને ભેટમાં આપવામાં આવેલી ગાયોને સાપ્તાહિક મેળામાંથી ખરીદવામાં આવી હતી.

23 વર્ષીય સૂર્યનારાયણે કહ્યું કે "મેં થોડા પૈસા બચાવવાની કૌશિશ કરી હતી અને સામૂહિક લગ્નમાં રજીસ્ટ્રેશન કરાવ્યું હતુ. હવે ગાયની મદદથી હું મારી કમાણી વધારી શકું છું. અને સામૂહિક લગ્નનું આયોજન એસ.એન.સુબ્બા રેડ્ડી ચેરીટેબલ ટ્રસ્ટ તરફથી શ્રી પ્રસન્ના વેંકટરમનસ્વામી મંદિર પરિસમમાં કરવામાં આવ્યું હતુ.

ગાયથી મળશે કપલને આર્થિક મદદ
ટ્રસ્ટના ચેરમેન અને કોંગ્રેસ પાર્ટીના ધારાસભ્ય એસ.એન.સુબ્બા રેડ્ડીએ કહ્યું કે "ગાયોની મદદથી કપલને દૂધ ઉત્પાદન મળશે જેથી પૈસાની બચત થશે અથવા દૂધ અથવા અન્ય વાનગી વેચી કમાણીથી આર્થિક ટેકો મળશે. અને આ કપલોમાંથી જે પણ કપલ સફળ ડેરી કારોબર કરશે તેમને બીજી ગાય પણ મળશે.