તમારા કામનું / જો વિદેશમાં તમારો પાસપોર્ટ ખોવાઈ જાય તો શું થશે?, જાણી લેજો નિયમો

દર વર્ષે લાખો ભારતીયો કામ, અભ્યાસ અથવા મુસાફરી માટે વિદેશ પ્રવાસ કરે છે. પાસપોર્ટ એક મહત્વનો દસ્તાવેજ છે. જો કે જો તમારો પાસપોર્ટ વિદેશમાં ખોવાઈ જાય અથવા નુકસાન થાય તો તે સ્ટ્રેસફુલ પરિસ્થિતિ સર્જાય છે. જો વિદેશમાં તમારો પાસપોર્ટ ખોવાઈ જાય તો તમારે ગભરાવાની જરૂર નથી કારણ કે આ નિયમ અને પ્રોસેસ છે. એવામાં તમે સરખી પ્રોસેસ ફોલો કરો તો આ સમસ્યામાંથી બહાર નીકળી શકો છો.

વિદેશમાં પાસપોર્ટ ખોવાય તો પહેલા શું કરવું?

જેવી જ તમને ખબર પડે કે તમારો પાસપોર્ટ ખોવાઈ ગયો છે સૌથી પહેલું કામ તમારે સ્થાનિક પોલીસ સ્ટેશનમાં ફરિયાદ નોંધાવો. પાસપોર્ટ ખોવાય તો પોલીસ રિપોર્ટ કરવો જરૂરી ડોક્યુમેન્ટ માનવામાં આવે છે કારણ કે આના વગર ન તો નવી પાસપોર્ટ બની શકે છે અને ન તો ઈમર્જન્સી ટ્રાવેલ ડોક્યુમેન્ટ મળી શકે છે. એવામાં રિપોર્ટ ખોવાયેલા પાસપોર્ટ સાથેની માહિતી આપવી જોઈએ.

ભારતીય દુતાવાસનો તાત્કાલિક સંપર્ક

પોલીસ રિપોર્ટ મળ્યા પછી તમે જે પણ દેશમાં હોય એ દેશમાં હાજર ભારતીય દૂતાવાસ કે હાઈ કમિશનનો સંપર્ક કરવો જોઈએ.વિદેશમાં ભારતીય નારગિકોની મદદ કરવી દૂતાવાસની જવાબદારી હોય છે. એવામાં દૂતાવાસ તમારી ઓળખ કરે છે અને આગળની પ્રક્રિયા વિશે માહિતી આપે છે.

પાસપોર્ટ ખોવાયા પછીના નિયમો

ઈમર્જન્સી સર્ટિફિકેટ

જો વિદેશમાં પાસપોર્ટ ખોવાયા પછી તમારે તાત્કાલિક ભારત પાછુ આવવાનું છે અને વધારે રાહ ન જોઈ શકાય એવી હોય તેના માટે દૂતાવાસ એક વખત ટ્રાવેલ ડોક્યુમેન્ટ આપે છે જેને ઈમર્જન્સી સર્ટિફિકેટ કહેવાય છે. જેનાથી તમે સીધા ભારત પરત ફરી શકો છો.

નવો કે અસ્થાયી પાસપોર્ટ

જો તમારી મુસાફરી હાલ ચાલુ છે કે તમે જે દેશમાં છો અથવા તમે જે દેશમાં છો ત્યાં રોકાવા માંગો છો તો દૂતાવાસ નવો કે અસ્થાયી પાસપોર્ટ આપી શકે છે. જેમાં ઈમર્જન્સી સર્ટિફિકેટની તુલનામાં થોડોક સમય લાગે છે કારણ કે તેમાં વધારાની તપાસ થઈ શકે છે.

આ પણ વાંચોઃ EMIમાં રાહત કે ટેક્સમાં છૂટછાટ! શું ઘર ખરીદનારાઓને આવનારા બજેટમાં મળશે રાહત?

નવા પાસપોર્ટ માટે કેવી રીતે અરજી કરવી?

જો તમે વિદેશમાં તમારો પાસપોર્ટ ગુમાવો છો તો તમારે નવા પાસપોર્ટ માટે ઓનલાઈન અરજી કરવી પડશે. ફોર્મ ભારત સરકારની સત્તાવાર વેબસાઇટ embassy.passportindia.gov.in ની મુલાકાત લઈને ભરી શકાય છે. નવા પાસપોર્ટ માટે ફોર્મ ભરવા માટે તમારે સ્થાનિક પોલીસ તરફથી FIR ની નકલ, પાસપોર્ટ સાઈઝનો ફોટો, તમારા જૂના પાસપોર્ટના પહેલા અને છેલ્લા પાનાની નકલ (જો હોય તો), ફ્લાઇટ ટિકિટ અથવા મુસાફરી માહિતી અને ઓળખ દસ્તાવેજોની જરૂર પડશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ