વર્લ્ડ કપ / બાઉન્ડ્રી બહાર વિરાટ કોહલી આ શું કરી રહ્યો છે? વીડિયો થયો Viral, લોકોએ કહ્યું 'બચપન કે દિન યાદ આયે'

T20 વર્લ્ડ કપ 2024ને લઈને દરરોજ ચાહકોને વધુને વધુ રોમાંચક મેચો જોવા મળી રહી છે. સાથે જ ટીમ ઈન્ડિયા પણ આ પણ ટૂર્નામેન્ટમાં શાનદાર ફોર્મમાં છે. ભારતે શનિવારે બાંગ્લાદેશ સામેની સુપર 8ની બીજી મેચ પણ 50 રનથી મેચ જીતી લીધી હતી. હવે આ બાંગ્લાદેશ સામેની મેચ દરમિયાનનો એક વીડિયો હાલ વાયરલ થઈ રહ્યો છે.

આ મેચ દરમિયાન ભારતના દિગ્ગજ ખેલાડી વિરાટ કોહલી અચાનક સ્ટેજની નીચે ઘુસી ગયા હતા અને તેનો એક ફની વીડિયો ઝડપથી વાયરલ થઈ રહ્યો છે. આ ઘટના બાંગ્લાદેશની ઇનિંગ્સની 18મી ઓવરમાં બની હતી. બાંગ્લાદેશના રિયાદ મહમુદુલ્લાએ સિક્સર ફટકારી હતી અને બોલ મેદાનની બહાર ગયો. આ પછી વિરાટ કોહલી બોલને શોધતો જોવા મળ્યો હતો.

આ સાથે જ ICCએ તેના ઓફિશિયલ ઈન્સ્ટાગ્રામ એકાઉન્ટ પરથી એક વીડિયો શેર કર્યો છે. વીડિયોમાં બાંગ્લાદેશનો બેટ્સમેન રિશાદ હુસૈન મેચ દરમિયાન અર્શદીપ સિંહના બોલ પર સિક્સર ફટકારે છે. બોલ બાઉન્ડ્રીની બહાર પોડિયમની નીચે જાય છે. ત્યારબાદ બાઉન્ડ્રી પર ફિલ્ડિંગ કરી રહેલો વિરાટ કોહલી પોતે પોડિયમમાં ઘુસી ગયો અને નીચે સૂઈ ગયો અને બોલને બહાર કાઢ્યો. આ વીડિયો વાયરલ થયો છે અને ફેન્સ પણ વિરાટ કોહલીની આ રીતને ખૂબ પસંદ કરી રહ્યા છે.

વધુ વાંચો: તો શું ભારતનું ચેમ્પિયન બનવાનું સપનું અધુરું રહેશે? આ નિયમ ટીમ ઇન્ડિયાને કરી શકે છે OUT!

જો કે આ પહેલીવાર નથી જ્યારે વિરાટ કોહલીએ મેદાન પર પોતાની મસ્તીભરી સ્ટાઈલથી લોકોનું દિલ જીત્યું હોય. ફેન્સને ખુશ કરવા માટે તે હંમેશા મેદાન પર કંઈક અલગ એક્ટિવિટી કરતાં રહે છે. સાથે જ વિરાટ કોહલીની આ સ્ટાઈલ ફેન્સને ઘણી પસંદ આવી રહી છે.