નર્મદા / એકતાનગરમાં PM મોદીની હાજરીમાં એકતા પરેડ, દેશભરના સુરક્ષાદળોએ શક્તિનું પ્રદર્શન કર્યું

સરદાર વલ્લભભાઈ પટેલની 151મી જન્મજયંતી નિમિત્તે આજે શનિવારે એકતાનગર (કેવડિયા) ખાતે રાષ્ટ્રીય એકતા દિવસની ભવ્ય ઉજવણી કરવામાં આવી રહી છે. આ પ્રસંગે વડાપ્રધાન નરેન્દ્ર મોદી ગુજરાતની મુલાકાતે છે. દિવસભર વિવિધ કાર્યક્રમોમાં ઉપસ્થિત રહી તેમણે સરદાર પટેલને શ્રદ્ધાંજલિ અર્પણ કરવાની સાથે ગુજરાતને રૂ. 400 કરોડથી વધુનાં વિકાસકાર્યોની ભેટ આપી છે.

સવારે વડાપ્રધાન મોદીએ વિશ્વપ્રસિદ્ધ ‘સ્ટેચ્યૂ ઑફ યુનિટી’ ખાતે સરદાર વલ્લભભાઈ પટેલને પુષ્પાંજલિ અર્પણ કરી હતી. આ પ્રસંગે ભારતીય વાયુસેનાનાં બે હેલિકોપ્ટર દ્વારા સરદાર પટેલની વિરાટ પ્રતિમા પર પુષ્પવર્ષા કરવામાં આવી હતી. દેશની એકતા અને અખંડિતતાના પ્રતીક સમાન સરદાર પટેલને આ રીતે ભાવવંદના અર્પણ કરવામાં આવી હતી.

ત્યારબાદ વડાપ્રધાન મોદીએ એકતાનગર ખાતે રૂ. 400 કરોડથી વધુનાં વિવિધ વિકાસલક્ષી પ્રોજેક્ટ્સનું લોકાર્પણ અને ખાતમુહૂર્ત કર્યું હતું. આ વિકાસકાર્યો દ્વારા વિસ્તારના પ્રવાસન, માળખાગત સુવિધાઓ અને વિકાસને નવી ગતિ મળવાની અપેક્ષા છે. આ ઉપરાંત વડાપ્રધાને એકતાનગર ખાતે આવેલા ‘રેન ફોરેસ્ટ’ અને ‘વામન વૃક્ષ વાટિકા’ની મુલાકાત પણ લીધી હતી. આ મુલાકાત દરમિયાન તેમણે એકતાનગરમાં વિકસાવવામાં આવેલી પ્રાકૃતિક અને પર્યટનલક્ષી સુવિધાઓનું નિરીક્ષણ કર્યું હતું.

સાંજે ભવ્ય રાષ્ટ્રીય એકતા પરેડનું આયોજન

રાષ્ટ્રીય એકતા દિવસની ઉજવણીના મુખ્ય આકર્ષણ સમાન રાષ્ટ્રીય એકતા પરેડમાં વડાપ્રધાન નરેન્દ્ર મોદી આજે સાંજે 5:30થી 7:40 વાગ્યા સુધી ઉપસ્થિત રહેશે. આ પરેડમાં દેશની એકતા, અખંડિતતા, સુરક્ષા અને વિવિધતામાં એકતાની ભાવનાનું પ્રદર્શન કરવામાં આવશે.

કાર્યક્રમો પૂર્ણ થયા બાદ વડાપ્રધાન મોદી રાત્રે 8:00 વાગ્યે એકતાનગરથી વડોદરા એરપોર્ટ જવા રવાના થશે. ત્યારબાદ રાત્રે 9:10 વાગ્યે વડોદરા એરપોર્ટથી દિલ્હી જવા પ્રસ્થાન કરશે. સરદાર પટેલની જન્મજયંતી નિમિત્તે યોજાઈ રહેલી આ ઉજવણી માત્ર શ્રદ્ધાંજલિ પૂરતી મર્યાદિત નથી, પરંતુ રાષ્ટ્રીય એકતા, અખંડિતતા અને વિકાસના સંકલ્પને વધુ મજબૂત બનાવવાનો અવસર પણ બની રહી છે.

રાષ્ટ્રીય એકતા દિવસ નિમિત્તે, એકતા નગરમાં સાંજે 5 વાગ્યે પરેડ શરૂ થઈ. આ વર્ષે, પરેડને પહેલા કરતા વધુ ભવ્ય અને વૈવિધ્યસભર બનાવવામાં આવી છે. કુલ 15 ટેબ્લોનો સમાવેશ થાય છે. લગભગ 5,000 કલાકારો સાંસ્કૃતિક પ્રદર્શન આપી રહ્યા છે.

A fascinating world of bonsais in Kevadia. Enjoyed visiting Vaman Vriksh Vatika in Ekta Nagar. With its beautiful bonsai collection, themed gardens and serene surroundings, this is a wonderful place to appreciate the beauty and creativity of nature. What makes it even more special is the ‘Make Your Own Bonsai’ experience for visitors.

— Narendra Modi (@narendramodi) October 31, 2026

રાષ્ટ્રીય એકતા દિવસ નિમિત્તે, એકતા નગરમાં સાંજે 5 વાગ્યે પરેડ શરૂ થઈ હતી. આ વર્ષે, પરેડને પહેલા કરતા વધુ ભવ્ય અને વૈવિધ્યસભર બનાવવામાં આવી છે. પરેડમાં કુલ 15 ટેબ્લોનો સમાવેશ કરવામાં આવ્યો છે, જે આ કાર્યક્રમના મુખ્ય આકર્ષણો છે.

પરેડ દરમિયાન, આશરે 5,000 કલાકારો "એક ભારત શ્રેષ્ઠ ભારત" થીમ પર આધારિત સાંસ્કૃતિક પ્રદર્શન રજૂ કરશે. કલાકારોના પ્રદર્શન એકતા અને વિવિધતાનો સંદેશ આપે છે.

#WATCH | Prime Minister Narendra Modi participates in Rashtriya Ekta Diwas celebrations, commemorating the 151st birth anniversary of Sardar Vallabhbhai Patel at Parade Ground, Ekta Nagar, Gujarat (Source: DD) https://t.co/TSULWmQ4wR

— ANI (@ANI) October 31, 2026

વડાપ્રધાન નરેન્દ્ર મોદીએ ગુજરાતના એકતા નગરમાં આવેલી વામન વૃક્ષ વાટિકાની મુલાકાત લીધી હતી. તેણે બોંસાઈ કલેક્શન, થીમ આધારિત બગીચા અને શાંત વાતાવરણની પ્રશંસા કરતા સોશિયલ મીડિયા પર પોસ્ટ કર્યું.

આ પણ વાંચોઃ ગીર સોમનાથમાં કમોસમી વરસાદથી પાકને નુકસાન, દ્વારકાના અનેક ગામોમાં ધોધમાર વરસાદથી ખેતરોમાં નદી જેવાં દૃશ્યો!

પ્રધાનમંત્રી મોદીએ વામન વૃક્ષ વાટિકામાં બોંસાઈના સુંદર સંગ્રહની નોંધ લીધી. તેમણે કહ્યું કે આ સ્થળ પ્રકૃતિની સુંદરતા અને સર્જનાત્મકતાને નજીકથી સમજવાની અદ્ભુત તક આપે છે. તેમણે એ પણ ઉલ્લેખ કર્યો કે 'મેક યોર ઓન બોંસાઈ'નો અનુભવ પણ પ્રવાસીઓ માટે ઉપલબ્ધ છે, જે આ સ્થળને વધુ ખાસ બનાવે છે.

આ રાષ્ટ્રીય એકતા દિવસના કાર્યક્રમ માટે એકતા નગરમાં ખાસ તૈયારીઓ કરવામાં આવી છે. પરેડ શરૂ થતાં સાંસ્કૃતિક પ્રદર્શન અને ટેબ્લો પણ ચાલી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ