7 ફોટો ગેલેરી

બિઝનેસ / દિવાળી પહેલાં LPG સિલિન્ડરના ભાવમાં ફરી વધારો, સતત ત્રીજા મહિને વધ્યા ભાવ

Last Updated: 07:27 AM, 1 November 2026

FOLLOW ON

શેર કરો

દિવાળીના તહેવાર પહેલાં જ દેશભરમાં કોમર્શિયલ ગેસ સિલિન્ડરના ભાવમાં ફરી વધારો થયો છે. ઓગસ્ટથી સતત ત્રીજા મહિને ભાવ વધતાં હોટેલ, રેસ્ટોરન્ટ અને મીઠાઈના વેપારીઓને મોટો ઝટકો લાગી શકે છે.

1/7

1. દિવાળી પહેલાં ગેસ મોંઘો!

તહેવારોની સિઝનમાં મોંઘવારીનો વધુ એક ઝટકો લાગ્યો છે. આ વખતે કોમર્શિયલ LPG સિલિન્ડરના ભાવમાં વધારો કરવામાં આવ્યો છે. દિલ્હીથી લઈને મુંબઈ, કોલકાતા અને ચેન્નાઈ સુધી ગેસ મોંઘો થયો છે. જોકે સામાન્ય પરિવારો માટે રાહતની વાત એ છે કે ઘરેલુ ગેસ સિલિન્ડરના ભાવમાં કોઈ ફેરફાર કરવામાં આવ્યો નથી. સતત ત્રણ મહિનાથી કોમર્શિયલ ગેસના ભાવ વધી રહ્યા હોવાથી દિવાળીના સમયે બહારથી મીઠાઈ અને જમવાનું ખરીદવું મોંઘું પડી શકે છે.

આ તસવીર શેર કરો

2/7

2. દિવાળી પહેલાં કોમર્શિયલ ગેસ સિલિન્ડર મોંઘો થયો

દિવાળીના તહેવાર પહેલાં જ કોમર્શિયલ ગેસ સિલિન્ડરના ભાવમાં વધારો થયો છે. 19 કિલોના કોમર્શિયલ LPG સિલિન્ડરના ભાવમાં દેશનાં ચાર મોટાં શહેરોમાં 10 રૂપિયાથી લઈને 17 રૂપિયા સુધીનો વધારો થયો છે. આ સાથે જ સતત ત્રીજા મહિને કોમર્શિયલ ગેસના ભાવ વધ્યા છે.દિલ્હીમાં 19 કિલોના કોમર્શિયલ ગેસ સિલિન્ડરના ભાવમાં 10 રૂપિયાનો વધારો થયો છે. હવે અહીં એક સિલિન્ડરનો ભાવ 2,820 રૂપિયા થયો છે. જ્યારે કોલકાતામાં સૌથી વધુ 17 રૂપિયાનો વધારો થતાં ભાવ 2,971 રૂપિયા પર પહોંચ્યો છે.

આ તસવીર શેર કરો

3/7

3. મુંબઈ અને ચેન્નાઈમાં પણ ગેસના ભાવ વધ્યા

કોમર્શિયલ ગેસ સિલિન્ડરના ભાવમાં મુંબઈ અને ચેન્નાઈમાં પણ વધારો થયો છે. મુંબઈમાં 10.50 રૂપિયાનો વધારો થતાં 19 કિલોના સિલિન્ડરની કિંમત 2,775 રૂપિયા થઈ છે. જ્યારે ચેન્નાઈમાં 11.50 રૂપિયાનો વધારો થતાં નવો ભાવ 2,994.50 રૂપિયા થયો છે.આમ ચારેય મોટાં શહેરોમાં કોમર્શિયલ ગેસના ભાવમાં વધારો થયો છે. ખાસ કરીને હોટેલ, રેસ્ટોરન્ટ, કેટરિંગ અને મીઠાઈની દુકાનોમાં મોટા પ્રમાણમાં કોમર્શિયલ સિલિન્ડરનો ઉપયોગ થાય છે. તેથી ગેસના ભાવ વધવાની અસર વેપારીઓના ખર્ચ પર પડી શકે છે.

આ તસવીર શેર કરો

4/7

4. ઓગસ્ટથી સતત ત્રીજા મહિને ભાવ વધ્યા

કોમર્શિયલ ગેસ સિલિન્ડરના ભાવમાં આ સતત ત્રીજો વધારો છે. ઓગસ્ટ મહિનાથી અત્યાર સુધીમાં ચારેય શહેરોમાં ભાવમાં નોંધપાત્ર વધારો થયો છે. ઓગસ્ટ પછી દિલ્હીમાં કોમર્શિયલ ગેસ સિલિન્ડર 82 રૂપિયા મોંઘો થયો છે. કોલકાતામાં 98.50 રૂપિયાનો વધારો નોંધાયો છે. બીજી તરફ મુંબઈમાં અત્યાર સુધીમાં 83.50 રૂપિયા અને ચેન્નાઈમાં 88.50 રૂપિયાનો વધારો થયો છે.ત્રણ મહિનામાં થયેલા આ વધારાને કારણે કોમર્શિયલ ગેસનો ઉપયોગ કરતા નાના વેપારીઓના ખર્ચમાં વધારો થયો છે. દિવાળીના દિવસોમાં મીઠાઈ અને નાસ્તાની માંગ વધતી હોય છે ત્યારે આ વધારો વેપારીઓ માટે ચિંતાનો વિષય બની શકે છે.

આ તસવીર શેર કરો

5/7

5. ઘરેલુ ગેસ સિલિન્ડરના ભાવમાં કોઈ ફેરફાર નહીં

કોમર્શિયલ ગેસના ભાવ વધ્યા હોવા છતાં ઘરેલુ LPG સિલિન્ડરના ભાવમાં કોઈ ફેરફાર કરવામાં આવ્યો નથી. એટલે કે રસોઈ માટે 14.2 કિલોના ઘરેલુ ગેસ સિલિન્ડરનો ઉપયોગ કરતા પરિવારોને હાલ રાહત મળી છે.હાલ દિલ્હીમાં ઘરેલુ ગેસ સિલિન્ડરની કિંમત 942 રૂપિયા છે. કોલકાતામાં 968 રૂપિયા, મુંબઈમાં 941.50 રૂપિયા અને ચેન્નાઈમાં 957.50 રૂપિયા છે. આ ભાવમાં છેલ્લે જૂન મહિનામાં ફેરફાર થયો હતો. ત્યારથી ઘરેલુ ગેસ સિલિન્ડરના ભાવ યથાવત છે.

આ તસવીર શેર કરો

6/7

6. ચાર મોટાં શહેરોમાં કોમર્શિયલ ગેસના નવા ભાવ

દિલ્હીમાં 19 કિલોના કોમર્શિયલ ગેસ સિલિન્ડરની કિંમત 2,820 રૂપિયા થઈ છે. કોલકાતામાં 2,971 રૂપિયા, મુંબઈમાં 2,775 રૂપિયા અને ચેન્નાઈમાં 2,994.50 રૂપિયા થઈ છે. આ ભાવમાં અનુક્રમે 10 રૂપિયા, 17 રૂપિયા, 10.50 રૂપિયા અને 11.50 રૂપિયાનો વધારો થયો છે.આમ દિવાળી પહેલાં કોમર્શિયલ ગેસ સિલિન્ડરના ભાવમાં થયેલા વધારાથી હોટેલ અને રેસ્ટોરન્ટના સંચાલકોનો ખર્ચ વધી શકે છે. જોકે ઘરેલુ ગેસના ભાવમાં ફેરફાર ન થતાં સામાન્ય પરિવારોને હાલ રાહત મળી છે.

આ તસવીર શેર કરો

7/7

7. DISCLAIMER

બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.

આ તસવીર શેર કરો

સંકળાયેલા મુદ્દાઓ

Gujarati smachar Commercial Gas Cylinder LPG Price