7 ફોટો ગેલેરી

ધર્મ / કાલે રવિ પુષ્ય નક્ષત્રનો શુભ સંયોગ, મકાનની રજિસ્ટ્રીથી લઈને નવી ખરીદી અને રોકાણ સુધી જાણો શુભ મુહૂર્ત!

Last Updated: 11:39 PM, 31 October 2026

FOLLOW ON

શેર કરો

દિવાળી પહેલાં જ 1 નવેમ્બરના રોજ રવિ પુષ્ય અને સર્વાર્થ સિદ્ધિ યોગનો દુર્લભ સંયોગ બની રહ્યો છે. જ્યોતિષીય માન્યતા અનુસાર આ દિવસે સોના-ચાંદી, વાહન, મકાન અને નવો બિઝનેસ શરૂ કરવો શુભ માનવામાં આવે છે.

1/7

1. દુર્લભ અને ખુબ શુભ સંયોગ

દિવાળી પહેલાં 1 નવેમ્બરે એક દુર્લભ અને ખુબ શુભ સંયોગ બની રહ્યો છે. જેમાં કાર્તિક માસની કૃષ્ણ સપ્તમીને રવિવાર અને પુષ્ય નક્ષત્ર સાથે મળીને ‘રવિ પુષ્ય યોગ’ બની રહ્યો છે. જેમાં સાથે આખો દિવસ સર્વાર્થ સિદ્ધિ યોગ પણ રહેશે. જ્યોતિષમાં આ સંયોગને નવા કામ, વ્યવસાય અને સ્થાયી રોકાણ માટે સારો માનવામાં આવે છે.

આ તસવીર શેર કરો

2/7

2. મુખ્ય શુભ મુહૂર્ત

આ દરમિયાન રવિ પુષ્ય યોગ 1 નવેમ્બર સવારે 10:37થી 2 નવેમ્બર સવારે 09:04 સુધી રહેશે. સર્વાર્થ સિદ્ધિ યોગ 1 નવેમ્બર સવારે 06:33થી 2 નવેમ્બર સવારે 04:30 સુધી રહેશે.અભિજિત મુહૂર્ત બપોરે 11:42થી 12:27 સુધી રહેશે. ગોધૂલિ મુહૂર્ત સાંજે 05:36થી 06:02 સુધી રહેશે.

આ તસવીર શેર કરો

3/7

3. મકાન, જમીન અને રજિસ્ટ્રી માટે

પુષ્ય નક્ષત્ર શનિ સાથે જોડાયેલું હોવાથી અચલ સંપત્તિ માટે ખુબ અનુકૂળ માનવામાં આવે છે. નવા મકાન કે ફ્લેટની રજિસ્ટ્રી, એગ્રીમેન્ટ કે પ્લોટ માટે ટોકન મની આપવું શુભ રહેશે. લાંબા ગાળાની યોજનાઓ, ફિક્સ્ડ ડિપોઝિટ અને વીમા પોલિસી શરૂ કરવા માટે પણ આ સમય શાનદાર છે.

આ તસવીર શેર કરો

4/7

4. સોનું-ચાંદી, વાહન અને ઘરેલું વસ્તુઓ

આ દિવસે સોના-ચાંદીના આભૂષણ, લક્ષ્મી-ગણેશના સિક્કા અને ચાંદીના પાત્ર ખરીદવા સમૃદ્ધિ આપનારા માનવામાં આવે છે. વાહનની ડિલિવરી લેવી કે નવા ઇલેક્ટ્રોનિક સાધનો ખરીદવા પણ શુભ છે. પિત્તળ અને તાંબાના વાસણો ખરીદવા પણ લાભદાયી રહેશે.

આ તસવીર શેર કરો

5/7

5. નવો વ્યવસાય અને એકાઉન્ટ બુક

વેપારીઓ આ દિવસે નવા એકાઉન્ટ બુક અને કલમ ખરીદે છે. નવી દુકાન, સ્ટાર્ટઅપ કે ભાગીદારી શરૂ કરવા માંગતા હોય તો ગણેશ પૂજન સાથે કાર્યારંભ કરવો સારો રહેશે. નવા કરાર પર સહી કરવા માટે અભિજિત મુહૂર્ત ખાસ ફળદાયી છે.

આ તસવીર શેર કરો

6/7

6. આધ્યાત્મિક ઉપાય

સવારે સ્નાન બાદ તાંબાના લોટામાં જળ, રોલી અને અક્ષત નાખીને સૂર્યને અર્ઘ્ય આપો. ગુરુની કૃપા માટે ચણાની દાળ, હળદર, પીળા વસ્ત્ર કે મીઠાઈનું દાન કરો.

આ તસવીર શેર કરો

7/7

7. DISCLAIMER

ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.

આ તસવીર શેર કરો

સંકળાયેલા મુદ્દાઓ

Sarvartha Siddhi Yog Shubh Muhurat Ravi Pushya Yog