ટેક્નોલોજી / Gmail છોડીને Zoho મેઇલ પર શિફ્ટ થવું છે? તો અપનાવો આ ટિપ્સ

જ્યારે કેન્દ્રીય ગૃહમંત્રી અમિત શાહે સ્વદેશી Zoho મેઇલમાં સ્વિચ કર્યા હોવાની જાણકારી શેર કરી ત્યાર બાદ આ ભારતીય ઇમેઇલ સર્વિસ ઝડપથી ફેમસ થઇ રહી છે. હવે અનેક યુઝર્સ પણ Gmail થી Zoho મેઇલ પર સ્વિચ કરી રહ્યા છે. આ ઇમેઇલ સર્વિસ તેની સુરક્ષા, સાફ ઇન્ટરફેસ અને પ્રોફેશનલ ફીચર્સને કારણે લોકો વચ્ચે પોતાની જગ્યા બનાવી રહી છે.

આ ઇમેઇલ સર્વિસ માત્ર પર્સનલ યુઝ માટે જ નહીં પણ નાના વ્યવસાયો અને ટીમો માટે પણ ખાસ રીતે ડિઝાઇન કરવામાં આવી છે. Zoho Mail વેબ, મોબાઇલ અને IMAP/SMTP સપોર્ટ સાથે આવે છે. સાથે Contacts, Calendar અને Team Collaboration જેવા અનેક ટૂલ્સ Zoho Workplace મારફતે ઇન્ટિગ્રેટેડ રૂપમાં મળે છે.

Zoho Mailની સૌથી મોટી ખાસિયત યુઝર્સ પ્રાઇવેસી અને એડ ફ્રી એક્સપિરિયન્સ છે. જ્યાં તમને Gmailની માફક એડ જોવા નહીં મળે. આ સર્વિસ તમારા પોતાના ડોમેનનો ઉપયોગ કરીને કસ્ટમ ઇમેઇલ એડ્રેસ બનાવવાની પણ પરમિશન આપે છે જેનાથી પ્રોફેશનલ યુઝર્સ અને નાના વ્યવસાયોને અલગ ઓળખ મળે છે. આ સિવાય તેમાં ઓછી કિંમતે પ્રીમિયમ લેવલની સિક્યોરિટી  અને પ્રોફેશનલ ટૂલ્સના કારણે આ પ્લેટફોર્મ ઝડપથી ફેમસ થઇ રહ્યું છે.

• Gmail થી Zoho મેઇલમાં આ રીતે કરવું ટ્રાન્સફર
  

જો તમે Gmail માંથી Zoho Mail પર સ્વિચ કરવા માંગતા હોવ તો તેની પ્રોસેસ એકદમ સરળ છે. જેમાં તમે કોઈપણ મહત્વના ડેટા, જેમ કે ઇમેઇલ્સ કે કોન્ટેક્ટ્સ પણ નહીં ગુમાવો. તેના માટે તમારે નીચે મુજબની પ્રોસેસ ફોલો કરવાની રહેશે.

• Zoho Mail એકાઉન્ટ બનાવો
  સૌ પહેલા Zoho Mail વેબસાઇટની મુલાકાત લઈને અને તમારી જરૂરિયાતો મુજબનો પ્લાન પસંદ કરો. જો તમે કસ્ટમ ડોમેનનો ઉપયોગ કરવા માંગતા હોવ તો બિઝનેશ અને વર્કપ્લેસ પ્લાન પસંદ કરો. જ્યાં તમે તમારા ડોમેનને એડ અને વેરીફાઈ કરી શકો છો સાથે તમારી ટીમ માટે એકાઉન્ટ્સ પણ બનાવી શકો છો.
  
• Gmail માં IMAP ઓન કરો
  તમારા Gmail એકાઉન્ટમાં લોગ ઇન કરો અને Settings → See all settings → Forwarding and POP/IMAP  પર જાઓ. અહીંયા IMAP Enable કરો. તેનાથી Zoho Mail તમારા Gmail ડેટાને ઍક્સેસ અને ટ્રાન્સફર કરી શકશે.
  
• ઇમેઇલ્સ અને કોન્ટેક્ટ્સ કરો ઈમ્પોર્ટ
  એના માટે Zoho Mail ના Settings → Import/Export સેક્શનમાં જાઓ. અને Migration Wizardનો ઉપયોગ કરો. અહીંથી તમને Gmail માંથી તમારા બધા ઇમેઇલ્સ, ફોલ્ડર્સ અને કોન્ટેક્ટ્સને Zoho Mail માં ઈમ્પોર્ટ કરી શકશો.
  

વધુ વાંચો : હવે કોઈપણ વ્યક્તિ કોડિંગ વગર મિનિટોમાં જ બનાવી શકશે એપ! Google Opal ભારતમાં થયું લોન્ચ

• ઇમેઇલ ફોરવર્ડિંગ કરો સેટ
  જો તમે ઇચ્છો છો કે તમારા Gmail માં આવતા નવા મેસેજ Zoho Mail માં પણ આવે તો, Gmail ના Settings → Forwarding પર જઈને તમારું નવું Zoho Mail ID એડ કરીને ફોરવર્ડિંગ એક્ટિવેટ કરો.  

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ