ટેક / હવે કોઈપણ વ્યક્તિ કોડિંગ વગર મિનિટોમાં જ બનાવી શકશે એપ! Google Opal ભારતમાં થયું લોન્ચ

ગૂગલે ભારત સહિત 15 દેશોમાં તેનું AI પાવર્ડ એપ બિલ્ડર Opal લોન્ચ કર્યું છે. આ ટૂલથી કોઈપણ વ્યક્તિ સિમ્પલ ટેક્સ્ટ પ્રોમ્પ્ટનો ઉપયોગ કરીને મીની વેબ એપ્સ બનાવી શકે છે. આગાઉ આ ટૂલ માત્ર અમેરિકામાં જ ઉપલબ્ધ હતું પરંતુ વધતી જતી યુઝર ડિમાન્ડને લીધે તે હવે કેનેડા, ભારત, જાપાન, વિયેતનામ,સિંગાપોર, દક્ષિણ કોરિયા, ઇન્ડોનેશિયા, બ્રાઝિલ, કોલંબિયા, અલ સાલ્વાડોર, કોસ્ટા રિકા, પનામા, હોન્ડુરાસ, આર્જેન્ટિના અને પાકિસ્તાનમાં પણ ઉપલબ્ધ કરાવવમાં આવ્યું છે. જેનાથી આ AI ક્રિએશનની દુનિયામાં ક્રાંતિ આવી શકે છે.

• શું છે Opal અને કેવી રીતે કરે છે કામ?
  

Opal વાપરવા માટે ખુબ ઇઝી છે. યુઝર્સે માત્ર એટલું કહેવાનું થશે કે, તેઓ કઈ પ્રકારની એપ બનાવવા માંગે છે અને ગુગલનું AI મોડેલ એપ જનરેટ કરી આપશે. બાદમાં યુઝર્સ વિઝ્યુઅલ એડિટરમાં એપ જોઈ શકે છે અને પોતાની જરૂર મુજબ તેમાં ફેરફાર કરી શકે છે. તેના માટે કોઈ કોડિંગની જરૂર નથી. તેમાંથી એપ તૈયાર થઈ જાય ત્યાર બાદ તેને વેબ પર પબ્લિશ કરી શકાય છે અને Google એકાઉન્ટ લિંક દ્વારા શેર પણ કરી શકાય છે.

• કોડિંગ વગર એપ્લિકેશન ક્રિએશન
  Opal Canva, Figma અને Replit જેવા ટૂલ્સ જેવા ફીચર આપે છે. તેમાં યુઝર્સ ટેક્સ્ટમાં એપ્લિકેશન આઇડિયા લખી શકે છે અને AI એક પરફેક્ટ પ્રોટોટાઇપ બનાવી આપે છે. તેના વિઝ્યુઅલ એડિટરમાં યુઝર વર્કફ્લોમાં ફેરફાર કરી શકે છે, નવા સ્ટેપ્સ એડ કરી શકે છે અને એરર તરત સુધારી પણ શકે છે. આ પ્રોસેસમાં કોડિંગની જરૂર નથી જેથી ટેક્નિકલ નોલેજ વગર પણ એપ્લિકેશન્સ બનાવી શકાય છે.
  

• ફીચર્સ અને ડિબગીંગ અપગ્રેડ
  ગુગલે Opalના ડીબગીંગ અને પર્ફોમન્સ ફીચર્સમાં બદલાવ કર્યો છે. જેથી યુઝર્સ હવે દરેક સ્ટેપ્સને એડિટરમાં સીધા જ ટેસ્ટ કરી શકે છે. કોઈપણ એરર આવે તો તે રિયલ ટાઈમમાં દેખાશે, તેનાથી સુધારા કરવાનું સરળ બનશે. આ સુધારો યુઝર્સને કોડિંગ વગર એપ્લિકેશન્સ બનાવવાની પરમિશન આપે છે.
  

વધુ વાંચો : WhatsApp માં હવે ફાલતૂ મેસેજ નહીં આવે, આવી રહ્યું છે નવું UserName ફિચર

• સ્પિડમાં સુધાર
  Opalના નવા અપડેટ્સ સાથે એપ્લિકેશન્સ બનાવવાનું ઝડપી અને સરળ બન્યું છે. ગૂગલે સિસ્ટમમાં ફેરફાર કરીને પ્રોજેક્ટ સેટઅપ ટાઈમને લગભગ ઇન્સ્ટન્ટ કરી નાખ્યો છે. Opal હવે પેરેલલ વર્કફ્લોને સપોર્ટ કરે છે, જેનાથી અનેક સ્ટેપ્સ એકસાથે ચલાવી શકાશે.  

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ