ગાંધીનગર / કોંગ્રેસ ઉમેદવારના પોસ્ટર ફાડવા મુદ્દે પ્રતિનિધિમંડળની રેન્જ IGને રજૂઆત, ગુનો નોંધવા માંગ

ગાંધીનગર: ચૂંટણી નજીક આવતાં ગાંધીનગરમાં રાજકીય માહોલ ગરમાયો છે. ચૂંટણી પૂર્વે પોસ્ટર વોરને લઈને કોંગ્રેસ અને વિરોધી પક્ષો વચ્ચે રાજકીય તણાવ વધ્યો છે. કોંગ્રેસ ઉમેદવારના લગાવવામાં આવેલા પોસ્ટરો ફાડવામાં આવ્યા હોવાના આક્ષેપ સાથે કોંગ્રેસના પ્રતિનિધિ મંડળે રેન્જ IG કચેરી ખાતે રજૂઆત કરી છે.

કોંગ્રેસના પ્રતિનિધિ મંડળમાં ધારાસભ્ય કિરીટ પટેલ, પૂર્વ ધારાસભ્ય લલિત વસોયા સહિતના આગેવાનો અને કાર્યકરો ઉપસ્થિત રહ્યા હતા. પ્રતિનિધિ મંડળે સમગ્ર ઘટનાની ગંભીરતાથી તપાસ કરવાની માંગ કરી હતી.

કોંગ્રેસના આગેવાનોના આક્ષેપ મુજબ, ચૂંટણી પ્રચારના ભાગરૂપે લગાવવામાં આવેલા ઉમેદવારના પોસ્ટરોને નુકસાન પહોંચાડવામાં આવ્યું છે. આ ઘટનાથી ચૂંટણી પૂર્વે રાજકીય વાતાવરણ વધુ ગરમાયું છે.

કોંગ્રેસે રેન્જ IG સમક્ષ રજૂઆત કરી સમગ્ર મામલાની નિષ્પક્ષ તપાસ હાથ ધરવા અને પોસ્ટર ફાડવાની ઘટનામાં સંડોવાયેલા જવાબદારોની ઓળખ કરી તેમની સામે કાયદેસરની કાર્યવાહી કરવાની માગ કરી છે.

ચૂંટણી નજીક હોવાથી આ ઘટનાને લઈને રાજકીય પક્ષો વચ્ચે આરોપ-પ્રત્યારોપનો દોર તેજ બનવાની શક્યતા છે. હવે પોલીસ તપાસ બાદ સમગ્ર મામલે શું હકીકત સામે આવે છે અને જવાબદારો સામે કઈ કાર્યવાહી થાય છે તેના પર સૌની નજર છે.

આ પણ વાંચોઃ ગુજરાતમાં ચાલતી વકીલોની હડતાળનો અંત, સરકાર સાથે બેઠક બાદ લેવાયો મોટો નિર્ણય

ગાંધીનગર મહાનગરપાલિકાની ચૂંટણીમાં પોસ્ટર ફાડવાને લઇ વિવાદ શરૂ થયો છે. વોર્ડ નંબર 7માં કોંગ્રેસના ઉમેદવારોના પોસ્ટર ફાડવામાં આવતા વિવાદ થયો છે. ભાજપના કાર્યકરોએ જ પોસ્ટર ફાડ્યા હોવાનો કોંગ્રેસનો આરોપ છે. તો કોંગ્રેસના આક્ષેપો પર ભાજપના ઉમેદવાર શૈલેષ પટેલે પ્રતિક્રિયા આપી છે.. તેમણે કહ્યું કે, કોંગ્રેસના જ લોકોએ પોસ્ટર ફાડ્યા છે. આંતરિક લડાઇમાં પોસ્ટર ફાડ્યા હોવાનો દાવો ભાજપે કર્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ