ગાંધીનગર / ગુજરાતમાં ચાલતી વકીલોની હડતાળનો અંત, સરકાર સાથે બેઠક બાદ લેવાયો મોટો નિર્ણય

ગાંધીનગર: રાજ્યમાં છેલ્લા કેટલાક સમયથી ચાલી રહેલી વકીલોની હડતાળનો આખરે અંત આવ્યો છે. બાર કાઉન્સિલ ઓફ ગુજરાતે હડતાળ સમેટવાની જાહેરાત કરી છે. સરકાર સાથે યોજાયેલી બેઠક બાદ આ નિર્ણય લેવામાં આવ્યો હોવાનું જણાવાયું છે.

મળતી માહિતી મુજબ, ભાડૂઆત-મિલકત સંબંધિત મામલાઓમાં સત્તા જ્યુડિશિયરી પાસે જ યથાવત્ રાખવાની સરકાર દ્વારા ખાતરી આપવામાં આવી છે. તેમજ કલેક્ટરને આપવામાં આવતી સત્તાના મુદ્દાને રદ કરવાની પણ ખાતરી આપવામાં આવી હોવાનું બાર કાઉન્સિલ ઓફ ગુજરાતે જણાવ્યું છે.

સરકાર તરફથી મળેલા આશ્વાસન બાદ બાર કાઉન્સિલે વકીલોને હડતાળ સમેટીને કોર્ટની કામગીરી ફરી શરૂ કરવા અપીલ કરી છે. પરિણામે આવતીકાલથી રાજ્યની અદાલતોમાં વકીલો નિયમિત રીતે કામકાજ શરૂ કરશે.

આ પણ વાંચોઃ વલસાડના કપરાડામાં ગળાફાંસો ખાઇ આચાર્યએ જીવન ટૂંકાવ્યું, શિક્ષકોમાં રોષની લાગણી

બાર કાઉન્સિલ ઓફ ગુજરાતના આ નિર્ણયથી લાંબા સમયથી ચાલી રહેલા વિવાદનો હાલ પૂરતો અંત આવ્યો છે અને કોર્ટની કામગીરી ફરી સામાન્ય બનવાની શક્યતા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ