ન્યૂઝ અપડેટ્સ
ન્યૂઝ અપડેટ્સ
VTV / ધર્મ / આજે રાત્રે શનિ-ચંદ્રની યુતિથી બનશે ‘વિષ યોગ’, આ 3 રાશિઓએ માનસિક તણાવ-મુશ્કેલીઓથી સાવધાન રહેવું પડશે!
7 ફોટો ગેલેરી
Last Updated: 07:49 AM, 11 September 2026
FOLLOW ON
શેર કરો
1/7
શનિ દેવને ન્યાય, શિસ્ત અને કર્મના કારક ગ્રહ માનવામાં આવે છે જ્યારે ચંદ્ર મન, ભાવનાઓ અને માનસિક સ્થિતિ સાથે જોડાયેલો છે. જ્યોતિષ મુજબ જ્યારે શનિ અને ચંદ્ર એક જ ભાવમાં આવે અથવા તેમનો સામસપ્તક સંબંધ બને ત્યારે વિષ યોગનું નિર્માણ થાય છે. આ યોગને માનસિક રીતે પડકારજનક માનવામાં આવે છે. 11 સપ્ટેમ્બરની રાતથી બનનારા આ યોગ દરમિયાન કઈ 3 રાશિના જાતકોએ ખાસ ધ્યાન રાખવું પડશે તે જાણો.
આ તસવીર શેર કરો
2/7
જ્યોતિષ શાસ્ત્ર પ્રમાણે જ્યારે શનિ અને ચંદ્ર એક જ ભાવમાં હોય અથવા બંને વચ્ચે સામસપ્તક દૃષ્ટિ સંબંધ બને ત્યારે વિષ યોગ બને છે. શનિનો સ્વભાવ ધીમો અને ગંભીર માનવામાં આવે છે જ્યારે ચંદ્ર મન અને લાગણીઓનો કારક છે. આ બંને ગ્રહોના સંબંધને કારણે માનસિક તણાવ, નકારાત્મક વિચારો, અકારણ ભય અને નિર્ણય લેવામાં મૂંઝવણ જેવી સ્થિતિ ઊભી થઈ શકે છે એવું જ્યોતિષમાં માનવામાં આવે છે.
આ તસવીર શેર કરો
ADVERTISEMENT
3/7
કર્ક રાશિના સ્વામી ચંદ્ર છે. તેથી જ્યોતિષીય માન્યતા પ્રમાણે શનિ-ચંદ્રના આ યોગની અસર આ રાશિના જાતકોની માનસિક શાંતિ પર વધુ જોવા મળી શકે છે. આગામી કેટલાક દિવસો દરમિયાન મનમાં ચિંતા અથવા બેચેની રહી શકે છે. ઊંઘને લગતી સમસ્યાઓ અથવા પેટ સાથે જોડાયેલી તકલીફમાં બેદરકારી ન રાખવી.પરિવારમાં કોઈ વાતને લઈને ગેરસમજ ઊભી થઈ શકે છે તેથી વાતચીત કરતી વખતે ધીરજ રાખવી. પૈસાની લેવડદેવડમાં પણ ઉતાવળ ન કરવી. કોઈ મોટો આર્થિક નિર્ણય લેતા પહેલા સારી રીતે વિચાર કરવો અને જરૂરી હોય તો નિષ્ણાતની સલાહ લેવી.
આ તસવીર શેર કરો
4/7
વૃશ્ચિક રાશિમાં ચંદ્રને નીચનો માનવામાં આવે છે. આવી સ્થિતિમાં શનિ અને ચંદ્રનો સંબંધ આ રાશિના જાતકો માટે ભાવનાત્મક રીતે મુશ્કેલ સમય લાવી શકે છે એવી જ્યોતિષીય માન્યતા છે. મહેનત કર્યા પછી પણ કામમાં અચાનક અડચણ આવી શકે છે, જેના કારણે ગુસ્સો અથવા નિરાશા વધી શકે છે.આ સમય દરમિયાન ગુપ્ત શત્રુઓથી સાવધાન રહેવું અને ઓફિસની રાજનીતિથી દૂર રહેવું. માતાના સ્વાસ્થ્યનું પણ ખાસ ધ્યાન રાખવાની સલાહ આપવામાં આવે છે. સાથે જ બિનજરૂરી ખર્ચ પર નિયંત્રણ રાખવું અને પૈસાના મામલે ઉતાવળથી નિર્ણય ન લેવો.
આ તસવીર શેર કરો
ADVERTISEMENT
5/7
વિષ યોગની અસર કુંભ રાશિના જાતકો પર પણ જોવા મળી શકે છે એવી જ્યોતિષીય માન્યતા છે. આ સમય દરમિયાન માનસિક તણાવ, ચિંતા અને અકારણ ભય પરેશાન કરી શકે છે. તેથી કોઈ પણ મોટો નિર્ણય ઉતાવળમાં ન લેવો. મહત્વના નિર્ણય લેતા પહેલા ઘરના મોટા-વડીલોની સલાહ લેવી ફાયદાકારક રહી શકે છે.નોકરી અથવા વ્યવસાયમાં સહકર્મીઓ સાથે બિનજરૂરી ચર્ચા કે વાદવિવાદથી બચવું. નાણાકીય બાબતોમાં કોઈ મોટું જોખમ ન લેવું. વાહન ચલાવતી વખતે પણ ખાસ સાવધાની રાખવી અને ઉતાવળથી બચવું.
આ તસવીર શેર કરો
6/7
જ્યોતિષીય માન્યતા પ્રમાણે વિષ યોગના અશુભ પ્રભાવને ઓછો કરવા માટે ભગવાન શિવની આરાધના કરી શકાય છે. દરરોજ ઓછામાં ઓછા 108 વખત ભગવાન શિવના મંત્રનો જાપ કરવાની સલાહ આપવામાં આવે છે. શિવજીની ઉપાસનાથી ચંદ્ર અને શનિ બંનેને શાંત કરવામાં મદદ મળે છે એવું માનવામાં આવે છે.સોમવાર અને શનિવારના દિવસે ખાસ કરીને શિવલિંગ પર જળમાં થોડું કાચું દૂધ અને કાળા તલ ભેળવીને અર્પણ કરી શકાય છે. આ ઉપરાંત ભગવાન શિવની નિયમિત પૂજા કરવાથી મનને શાંતિ મળતી હોવાનું ધાર્મિક માન્યતાઓમાં જણાવવામાં આવ્યું છે.શનિ સંબંધિત દોષથી રાહત મેળવવા માટે હનુમાનજીની પૂજા કરવી પણ શુભ માનવામાં આવે છે. શનિવારની સાંજે જરૂરિયાતમંદ વ્યક્તિને કાળા તલ, અડદની દાળ અથવા સરસવના તેલનું દાન કરી શકાય છે.આ ઉપાયો ધાર્મિક અને જ્યોતિષીય માન્યતાઓ પર આધારિત છે. કોઈ સ્વાસ્થ્ય સંબંધિત સમસ્યા હોય તો માત્ર જ્યોતિષીય ઉપાયો પર નિર્ભર રહેવાને બદલે યોગ્ય તબીબી સલાહ લેવી જરૂરી છે.
આ તસવીર શેર કરો
ADVERTISEMENT
7/7
ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
જોવા જેવું
ટોપ સ્ટોરીઝ
