ન્યૂઝ અપડેટ્સ
ન્યૂઝ અપડેટ્સ
6 ફોટો ગેલેરી
Last Updated: 11:56 PM, 8 October 2026
FOLLOW ON
શેર કરો
1/6
દરેક વ્યક્તિ પોતાના જીવનમાં સફળતા, સમૃદ્ધિ અને પ્રગતિ ઈચ્છે છે. પરંતુ ઘણીવાર અજાણતા જ આપણી પોતાની કેટલીક આદતો આપણા વિકાસના માર્ગમાં વિઘ્ન બની જતી હોય છે. મહાત્મા વિદુરે વિદુર નીતિમાં માનવ વ્યવહાર, વિચારસરણી અને કર્મોને લઈને અતિ મહત્વપૂર્ણ માર્ગદર્શન આપ્યું છે. વિદુર નીતિ અનુસાર, વ્યક્તિની કેટલીક એવી ટેવો હોય છે જે ધીમે-ધીમે તેની કાર્યક્ષમતા, નિર્ણય લેવાની ક્ષમતા અને સફળતાની તકોને નકારાત્મક રીતે પ્રભાવિત કરે છે. સમયસર આ આદતોને ઓળખીને સુધારી લેવામાં આવે તો જીવનમાં સકારાત્મક પરિવર્તન લાવી શકાય છે.
આ તસવીર શેર કરો
2/6
શરીર અને મગજને સ્વસ્થ રાખવા માટે પૂરતી ઊંઘ જરૂરી છે, પરંતુ સતત સૂઈ રહેવું કે જરૂરિયાત કરતાં વધુ આરામ કરવો વ્યક્તિને આળસુ બનાવી દે છે. વિદુર નીતિમાં આ આદતને પ્રગતિ માટે અત્યંત નુકસાનકારક માનવામાં આવી છે. મોડા ઊઠવાને કારણે દિવસની શરૂઆત જ મોડી થાય છે, જેનાથી મહત્વના કામો સમયસર પૂરા થઈ શકતા નથી. સમય જતાં શિસ્તનો આ અભાવ કામની ગુણવત્તા અને ભવિષ્યની તકો પર માઠી અસર પાડે છે. તેથી, સોંગા-જાગવાનો એક ચોક્કસ સમય નક્કી કરવો જોઈએ.
આ તસવીર શેર કરો
ADVERTISEMENT
3/6
'પછી કરી લઈશું' કે 'કાલે કરીશું' ની આદત ધીમે-ધીમે મોટી સમસ્યા બની જાય છે. જરૂરિયાતના કામોને વારંવાર ટાળવાથી કામનું દબાણ વધે છે અને હાથમાં આવેલી મહત્વની તકો સરી પડે છે. વિદુર નીતિની શીખ મુજબ, વ્યક્તિએ પોતાની ફરજો પ્રત્યે હંમેશા જાગૃત અને જવાબદાર રહેવું જોઈએ. કોઈ પણ કામને નાનું ગણીને ટાળવાને બદલે તેને નિર્ધારિત સમયમાં પૂરું કરવાનો પ્રયાસ કરવો જોઈએ. મોટા કામને નાના-નાના ભાગોમાં વહેંચીને પૂરું કરવું આ ટેવમાંથી બહાર આવવાનો એક ઉત્તમ માર્ગ છે.
આ તસવીર શેર કરો
4/6
કોઈપણ નવા કાર્ય, બિઝનેસ કે નવી નોકરીની શરૂઆત કરતી વખતે નિષ્ફળ જવાનો ડર રહેવો સામાન્ય છે. પરંતુ જો આ ડર વ્યક્તિને પ્રયાસ કરતા જ રોકી દે, તો તે આગળ વધવાની તમામ તકો ગુમાવી બેસે છે. નવી નોકરી, વ્યાપાર, રોકાણ કે કોઈ નિર્ણયમાં વિચાર્યા વગર જોખમ લેવું યોગ્ય નથી, પરંતુ માત્ર ડરના કારણે દરેક તકથી પાછળ હટી જવું પણ નુકસાનકારક છે. પરિસ્થિતિને સમજો, જરૂરી માહિતી એકત્ર કરો અને ત્યારબાદ યોગ્ય નિર્ણય લઈને આગળ વધો.
આ તસવીર શેર કરો
ADVERTISEMENT
5/6
ગુસ્સામાં લેવાયેલા નિર્ણયો ઘણીવાર સંબંધો અને કારકિર્દી બંનેને ભારે નુકસાન પહોંચાડે છે. આવેશમાં આવીને વ્યક્તિ એવી વાતો કહી દે છે, જે પાછળથી પાછી ખેંચવી અશક્ય બને છે. વિદુર નીતિ મુજબ, વ્યક્તિએ પોતાની વાણી અને વ્યવહાર પર સંયમ રાખવો જોઈએ. ખાસ કરીને કાર્યસ્થળ (Workplace) પર ગુસ્સામાં આપેલો જવાબ વ્યવસાયિક સંબંધોને બગાડી શકે છે. તેથી કોઈ પણ વિવાદિત સ્થિતિમાં તાત્કાલિક પ્રતિક્રિયા આપવાને બદલે થોડો સમય શાંત રહેવું વધુ હિતાવહ છે.
આ તસવીર શેર કરો
6/6
જીવનમાં સફળતા માત્ર સખત મહેનતથી નથી મળતી, પરંતુ પોતાના વ્યવહાર અને આદતોને યોગ્ય દિશા આપવાથી મળે છે. સમયની કદર કરવી, જવાબદારીપૂર્વક કામ કરવું, નિષ્ફળતામાંથી શીખવું અને ક્રોધ પર કાબૂ રાખવો વ્યક્તિને સાચા નિર્ણયો લેવામાં મદદ કરે છે. વિદુર નીતિના આ ઉપદેશોનો મુખ્ય હેતુ વ્યક્તિને પોતાની ખામીઓ ઓળખીને તેમાં સુધારો કરવાની પ્રેરણા આપવાનો છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
જોવા જેવું
ટોપ સ્ટોરીઝ
8th Pay Commission / 8માં પગારપંચમાં DAમાં થશે સેકન્ડ ટાઈમ વધારો, જાણો કેન્દ્રીય કર્મીઓ પર શું અસર થશે?
