હડતાળ / અમદાવાદમાં ભાડા વિધેયકની હડતાળ મુદ્દે વકીલોમાં ફાંટા પડ્યા, એક જૂથ સમર્થનમાં, બીજું વિરોધમાં

અમદાવાદમાં ભાડા વિધેયકની હડતાળ મામલે મોટા સમાચાર સામે આવ્યાં છે. હડતાળ મુદ્દે વકીલોના બે જૂથ આમને-સામને આવી ગયા છે. વકીલોનું એક જૂથ ભાડા વિધેયક સામે હડતાળના સમર્થનમાં તો બીજું જૂથ વિરોધમાં છે,. હડતાળ રદ કરતાં પહેલા વિશ્વાસમાં ન લીધાનો બીજા જૂથનો દાવો છે, જે આગેવાનો સરકાર સાથે બેઠકમાં ગયા તેમને બરતરફ કરાયાનો દાવો કરાયો છે. વકીલોએ 11 વાગ્યાથી સિટી સેશન્સ કોર્ટના દરાવાજા બંધ કર્યા હતા. તેમની માંગ છે કે સરકાર લેખિતમાં જવાબ નહીં આપે ત્યાં સુધી હડતાળ ચાલુ રાખવામાં આવશે. કેટલાક હોદ્દેદારોએ આપમેળે હડતાળ રદ કરવાનો નિર્ણય કર્યો છે.

બાર કાઉન્સિલ ઓફ ગુજરાતે શું કર્યું?

સરકાર સાથે થયેલી બેઠક બાદ 'બાર કાઉન્સિલ ઓફ ગુજરાત' (BCG) દ્વારા હડતાળ પરત ખેંચવાની જાહેરાત કરવામાં આવી હતી, પરંતુ અમદાવાદના વકીલોના એક મોટા જૂથે તેનો ઉગ્ર વિરોધ કરીને હડતાળ ચાલુ રાખવાનું એલાન કર્યું છે.

વધુ વાંચો : આવું કદી ન કરો! ગર્લફ્રેન્ડ સાથે બ્રેકઅપ થયું તો બોયફ્રેન્ડે 13માં માળેથી લગાવી દીધી છલાંગ, વીડિયો રેકોર્ડ કર્યો

નાયબ મુખ્યમંત્રીએ શું ખાતરી આપી?

સરકાર સાથે થયેલી ઉચ્ચ સ્તરીય બેઠકમાં નાયબ મુખ્યમંત્રીએ ખાતરી આપી છે કે ભાડા વિવાદોની ન્યાયિક સત્તા અગાઉની જેમ ન્યાયતંત્ર પાસે જ રહેશે અને વિધેયકની સમીક્ષા કરવા માટે 5 સભ્યોની કમિટી રચાશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ