નેશનલ / 17 હજાર ફૂટની ઉંચાઈ પર હતું વિમાન અને અચાનક પડી વીજળી, ઇન્ડિગોની ફ્લાઈટમાં પેસેન્જરના જીવ તાળવે ચોંટ્યા

ખરાબ હવામાનને કારણે વીજળીના લપેટામાં વિમાન આવી ગયું હતું. એ સમયે વિમાન 17 હજાર ફૂટની ઉંચાઈ પર ઉડી રહ્યું હતું. વીજળી પડતાં જ વિમાનના આગળના ભાગમાં સામાન્ય નુકસાન થયું છે. જો કે પાયલટે વિમાનને સુરક્ષિત રીતે લખનઉ એરપોર્ટ પર ઉતારી દીધું છે.

ઉલ્લેખનીય છે કે ફ્લાઈટ નંબર 6E 925 પટનાથી લખનઉ આવી રહી હતી. વિમાનમાં કુલ 104 યાત્રીઓ મુસાફરી કરી રહ્યા હતા. ઘટના બાદ તમામ યાત્રીઓને સુરક્ષિત રીતે વિમાનથી બહાર ઉતારી લેવામાં આવ્યા છે. કોઈપણ યાત્રીના ઘાયલ થવાના સમાચાર મળ્યા નથી.

17 હજાર ફૂટની ઉંચાઈ પર વીજળી પડી

આ ઘટના એવા સમયે બની જ્યારે વિમાન ખરાબ હવામાન વચ્ચે 17000 ફૂટની ઉંચાઈ પર ઉડી રહ્યું હતું. વિમાન અચાનક આકાશીય વીજળીના લપેટામાં આવી ગયું હતું. જેને કારણે વિમાનના આગળના ભાગમાં સામાન્ય નુકસાન પહોંચ્યું છે. વિમાનનું ઈમરજન્સી લેન્ડિંગ કરાવવામાં આવ્યું.

આ પણ વાંચો- "અમે સુધારિત ફોર્મ-6ને મંજૂર કર્યું નથી, ગેરકાનૂની કામ થયું હોય તો"... SIR વિવાદની વચ્ચે સુપ્રીમની મોટી ટીપ્પણી

આ ફ્લાઈટ પટનાથી લખનઉ આવ્યા પછી અમદાવાદ જવાની હતી. એટલે કે વિમાનનો રૂટ પટનાથી લઈ લખનઉ થતાં અમદાવાદ સુધીનો હતો. હાલ ઘટનાને લઈ વિમાનની સ્થિતિ ચકાશવામાં આવી રહી છે. યાત્રીઓને સુરક્ષિત રીતે નીચે ઉતારી લેવામાં આવ્યા છે. તમામ યાત્રીઓ સુરક્ષિત છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ