બોલિવૂડ / Nana Patekar: વિશ્વનાથમાંથી ‘નાના’ કેવી રીતે બન્યા? માત્ર ₹750માં કર્યા હતા લગ્ન, સંઘર્ષના દિવસોથી અભિનેતા બનવા સુધીની રસપ્રદ કહાની

ગુરુવાર 8 ઓક્ટોબર 2026ની સવારે બોલીવુડ અને મરાઠી સિનેમાના જાણીતા એક્ટર નાના પાટેકરના ફેન્સ માટે દુઃખદ સમાચાર આવ્યા છે. જેમાં સવારે 5:20 વાગ્યે ગોવાના મણિપાલ હોસ્પિટલમાં મેડિકલ ટીમે તેમને મૃત જાહેર કર્યા હતા. જેમાં તેમની ઉંમર 75 વર્ષ હતી.

છાતીમાં તીવ્ર દુખાવાની ફરિયાદ બાદ તેમના ફ્લેટ પર મેડિકલ ટીમ મોકલવામાં આવી હતી. જ્યાં તેઓ બેભાન હાલતમાં મળ્યા હતા. ત્યાં જ કાર્ડિયાક મસાજ આપીને હોસ્પિટલ લઈ જવામાં આવ્યા હતા. આ કેસ મેડિકો-લીગલ હોવાથી આજે પોસ્ટમોર્ટમ કરવામાં આવશે. નાના પાટેકર છેલ્લે આ વર્ષે રિલીઝ થયેલી ફિલ્મ ‘સુબેદાર’માં જોવા મળ્યા હતા. તેમના જીવન સાથે જોડાયેલી અમુક રસપ્રદ અને અનોખી વાતો અહીંયા જાણીએ.

વિશ્વનાથથી નાના બનવાની સફર

નાના પાટેકરનું અસલી નામ વિશ્વનાથ પાટેકર છે. બાળપણમાં તેમની નાની બહેન તેમને પ્રેમથી ‘નાના’ કહીને બોલાવતી હતી. બાદમાં આ જ નામ તેમની ઓળખ બની ગયું. પાસપોર્ટ અને આધાર કાર્ડ પર પણ ‘નાના પાટેકર’ જ રજીસ્ટર્ડ છે.

માત્ર 750 રૂપિયામાં થયા લગ્ન

1978માં તેમને થિયેટર આર્ટિસ્ટ નીલકાંતી પાટેકર સાથે લગ્ન કર્યા હતા. તે સમયે લગ્નનો કુલ ખર્ચ માત્ર 750 રૂપિયા આવ્યો હતો. શરૂઆતના દિવસોમાં નીલકાંતી બેંકમાં અધિકારી હતા અને તેમનો પગાર 2500 રૂપિયા મહિને હતો. જ્યારે નાનાને એક શો માટે માત્ર 50 રૂપિયા મળતા હતા.

સેના સાથેનો ઊંડો સંબંધ

1991માં આવેલી ફિલ્મ ‘પ્રહાર: ધ ફાઇનલ એટેક’નું ડાયરેકશન કરવા અને તેમાં સૈનિકનો રોલ ભજવવા માટે નાના પાટેકરે ભારતીય સેના સાથે આર્મીની ટ્રેનીંગ લીધી હતી. અસલી જીવનમાં પણ તેઓ સેના અને જવાનોનું ખૂબ સન્માન કરતા હતા.

વધુ વાંચો : 75 વર્ષની ઉંમરે નાના પાટેકરનું કાર્ડિયાક અરેસ્ટથી નિધન, 45 મિનિટ સુધી CPR અપાયું છતાં જીવ બચાવી શકાયો નહીં

મોટા પુત્રના નિધનનો શોક

નાના પાટેકરના મોટા પુત્રનું બાળપણમાં જ નિધન થયું હતું જેનાથી તેઓ અંદરથી તૂટી ગયા હતા. બાદમાં નાના પુત્ર મલ્હાર પાટેકરના જન્મથી તેમના જીવનમાં ફરીથી ખુશીઓ આવી હતી. મલ્હારે એક્ટિંગને બદલે ફિલ્મ મેકિંગ અને ડાયરેકશનનું ક્ષેત્ર પસંદ કર્યું છે. જેમાં નાના પાટેકરનું અવસાન સિનેમા જગત માટે મોટું નુકસાન છે. તેમની અનોખી એક્ટિંગ સ્ટાઈલ અને મજબૂત વ્યક્તિત્વ હંમેશા યાદ રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ