ધરપકડ / જામનગરમાં સરકારી અનાજની કાળાબજારીનો પર્દાફાશ, 3 હજાર કિલો ઘઉં સાથે 5 ઝડપાયા

જામનગર શહેરમાં સરકારી સસ્તા અનાજની શંકાસ્પદ હેરાફેરીનો મામલો સામે આવ્યો છે. સિટી ‘બી’ ડિવિઝન પોલીસે બેડી બંદર રોડ પરથી કાર્યવાહી કરીને આશરે 3,000 કિલો ઘઉંનો જથ્થો ઝડપી પાડ્યો છે. આ સમગ્ર મામલે પોલીસે પાંચ શખ્સોની અટકાયત કરી વધુ તપાસ હાથ ધરી છે.

મળતી માહિતી મુજબ, બેડી બંદર રોડ પરથી પસાર થઈ રહેલા એક વાહનને પોલીસે શંકાના આધારે અટકાવી તપાસ હાથ ધરી હતી. તપાસ દરમિયાન વાહનમાંથી 3,000 કિલો જેટલો ઘઉંનો જથ્થો મળી આવતા પોલીસ દ્વારા કાર્યવાહી કરવામાં આવી હતી.

પોલીસે શંકાસ્પદ રીતે હેરાફેરી કરવામાં આવી રહેલા ઘઉંના જથ્થા સહિત વાહન કબજે કરી પાંચ શખ્સોની અટકાયત કરી છે. જેમાં શબીર શેખ સહિતના શખ્સોનો સમાવેશ થાય છે.

આ પણ વાંચોઃ ખેલૈયાના સ્વાંગમાં પોલીસ રહેશે તૈનાત, નવરાત્રી દરમિયાન રોમિયોગીરી કરનારાઓ પર રાખશે ખાસ નજર

પોલીસે BNSSની સંબંધિત કલમો હેઠળ કાર્યવાહી હાથ ધરી છે. સમગ્ર મામલે ઘઉંનો જથ્થો ક્યાંથી લાવવામાં આવ્યો હતો અને તેની ક્યાં હેરાફેરી કરવામાં આવવાની હતી તે સહિતના મુદ્દે તપાસ શરૂ કરવામાં આવી છે. સિટી ‘બી’ ડિવિઝન પોલીસે ઘઉંના જથ્થા અને વાહન સહિત કુલ રૂ. 6,15,520નો મુદ્દામાલ જપ્ત કર્યો છે. પોલીસે આ મામલે વધુ તપાસ હાથ ધરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ