ઓ બાપરે / VIDEO : હવામાં ફંગોળાઈને હેલિકોપ્ટર થયું ક્રેશ, દુર્ઘટનાનો ભયાનક વીડિયો આવ્યો સામે

US Helicopter Crash: શનિવારે બપોરે લોસ એન્જલસના હંટીંગ્ટન બીચ પર એક હેલિકોપ્ટર ક્રેશ થયું હતું. આ અકસ્માતમાં પાંચ લોકો ઘાયલ થયાના અહેવાલ છે. જેમાં બે હેલિકોપ્ટર મુસાફરો અને ત્રણ રાહદારીઓનો સમાવેશ થાય છે. આ અકસ્માતનો એક ભયાનક વીડિયો સોશિયલ મીડિયા પર ઝડપથી વાયરલ થઈ રહ્યો છે.

પોલીસ વિભાગની સોશિયલ મીડિયા પોસ્ટ અનુસાર શનિવારે પેસિફિક કોસ્ટ હાઇવે અને હંટીંગ્ટન સ્ટ્રીટ પર થયેલા અકસ્માતમાં હંટીંગ્ટન બીચ પોલીસ વિભાગ અને હંટીંગ્ટન બીચ ફાયર વિભાગે મદદ કરી હતી. પોલીસે જણાવ્યું હતું કે બે લોકોને હેલિકોપ્ટર દ્વારા બચાવી લેવામાં આવ્યા હતા અને રસ્તા પર ત્રણ લોકો ઘાયલ થયા હતા.

વધુ વાંચો: ફટાકડાં ફેક્ટરીમાં લાગી ભીષણ આગ, 80થી વધુ ઘરો બળીને ખાખ, લોકો ભયભિત

પોલીસ વિભાગે જણાવ્યું હતું કે શનિવારે બપોરે હંટીંગ્ટન બીચ પર એક હેલિકોપ્ટર ક્રેશ થયું હતું. ટેકઓફ કર્યાના થોડા સમય પછી, હેલિકોપ્ટર નિયંત્રણ બહાર થઈ ગયું, ફરતું ફરતું, ઝાડ સાથે અથડાયું અને પેસિફિક કોસ્ટ હાઇવે (PCH) પર ક્રેશ થયું. આ અકસ્માતમાં ઓછામાં ઓછા પાંચ લોકો ઘાયલ થયા હતા. જેમાં બે લોકો સવાર હતા અને ત્રણ લોકો જમીન પર હતા. બધા ઘાયલોને તાત્કાલિક નજીકની હોસ્પિટલમાં લઈ જવામાં આવ્યા હતા. આ અકસ્માતમાં એક વ્યક્તિ બચી ગયો હતો. જેનો ભયાનક વીડિયો સોશિયલ મીડિયા પર ઝડપથી વાયરલ થઈ રહ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ