ન્યૂઝ અપડેટ્સ
VTV / ગુજરાત / ગુજરાતી સાહિત્ય જગતને મોટી ખોટ, જાણીતા કવિ રાજેન્દ્ર શુક્લનું નિધન! જાણો તેમનો સાહિત્યિક વારસો!
Last Updated: 12:42 PM, 22 November 2026
ADVERTISEMENT
ગુજરાતી ભાષાને પોતાની કલમથી સમૃદ્ધ બનાવનાર એક સર્જકની સફર આજે અટકી ગઈ છે. રાજેન્દ્ર શુક્લ માત્ર કવિ જ નહીં, પરંતુ ગઝલ અને આધ્યાત્મિક કવિતાના ક્ષેત્રે આગવી ઓળખ ધરાવતા સાહિત્યકાર હતા. તેમના શબ્દોમાં સંસ્કૃતની ઊંડાઈ અને ગુજરાતી ભાષાની સાદગીનો સુંદર મેળ જોવા મળતો હતો. અનેક કાવ્યસંગ્રહો અને ગઝલો દ્વારા તેમણે ગુજરાતી સાહિત્યમાં પોતાની અલગ જગ્યા બનાવી હતી. તેમના નિધનથી ગુજરાતી સાહિત્ય જગતમાં ક્યારેય ન પૂરાય તેવી ખોટ પડી છે.
ADVERTISEMENT
રાજેન્દ્ર શુક્લનો જન્મ 12 ઓક્ટોબર, 1942ના રોજ જૂનાગઢ જિલ્લાના બાંટવા ગામે થયો હતો. તેમણે એલ.ડી. આર્ટ્સ કોલેજ અને ગુજરાત યુનિવર્સિટીમાંથી સંસ્કૃત તથા પ્રાકૃત વિષય સાથે અનુસ્નાતકનો અભ્યાસ કર્યો હતો. વર્ષ 1982 સુધી વિવિધ કોલેજોમાં અધ્યાપક તરીકે સેવા આપી હતી. ત્યારબાદ તેમણે નોકરીમાંથી સ્વૈચ્છિક નિવૃત્તિ લઈને સાહિત્ય સર્જન માટે સમય ફાળવ્યો હતો. તેમના પત્ની નયના જાની પણ ગુજરાતી ભાષાનાં જાણીતા કવિયત્રી છે.
ADVERTISEMENT
રાજેન્દ્ર શુક્લની રચનાઓમાં સંસ્કૃત ભાષાની સમૃદ્ધિ, ગુજરાતી લોકબોલી અને આધ્યાત્મિક વિચારોનો સુંદર સમન્વય જોવા મળતો હતો. તેમના જાણીતા સર્જનોમાં ‘કોમલ રિષભ’, ‘સ્વવાચકની શોધ’ અને ‘અંતર ગાંધાર’નો સમાવેશ થાય છે. વર્ષ 2005માં પ્રકાશિત થયેલી પાંચ ભાગની ‘ગઝલસંહિતા’માં તેમની 30 વર્ષની ગઝલયાત્રા સમાયેલી છે.
ADVERTISEMENT
સાહિત્ય ક્ષેત્રે તેમના યોગદાન બદલ તેમને રણજિતરામ સુવર્ણચંદ્રક, નરસિંહ મહેતા એવોર્ડ અને નર્મદ સુવર્ણચંદ્રક સહિતના સન્માન મળ્યા હતા. વર્ષ 2007માં ‘ગઝલસંહિતા’ માટે તેમને રાષ્ટ્રીય સાહિત્ય અકાદમી પુરસ્કારથી નવાજવામાં આવ્યા હતા. વલી ગુજરાતી ગઝલ એવોર્ડ સહિત અનેક પુરસ્કારો પણ તેમના નામે છે.
ADVERTISEMENT

આ પણ વાંચોઃ VIDEO : રાજકોટમાં ટ્રાફિક પોલીસે વાહન ચાલકનો મોબાઈલ ઝૂંટવી લીધો, બબાલ થઈ વીડિયોમાં કેદ
ADVERTISEMENT
મળતી માહિતી પ્રમાણે, છેલ્લા બે-ત્રણ દિવસથી હૃદય સંબંધિત તકલીફને કારણે અમદાવાદની હોસ્પિટલમાં તેમની સારવાર ચાલી રહી હતી. સારવાર દરમિયાન તેમનું નિધન થયું છે. આજે સાંજે 6 વાગ્યે તેમના નિવાસસ્થાનેથી થલતેજ સ્મશાનગૃહ સુધી અંતિમયાત્રા નીકળશે. તેમના અવસાનથી ગુજરાતી કવિતા અને ગઝલના ક્ષેત્રે એક મોટું સ્થાન ખાલી થયું છે.
ADVERTISEMENT
સંકળાયેલા મુદ્દાઓ
Sub Editor at VTV Gujarati | 8+ Years of Experience in Gujarati Journalism, News Writing & Digital Content Creation.