દુખદ / વલસાડના કપરાડામાં લાઈટનો થાંભલો ઊભો કરતી વખતે 5 મજૂરોને લાગ્યો કરન્ટ, 2ના મોત

વલસાડ જિલ્લાના કપરાડા તાલુકાના વાવર ગામે લાઈટનો થાંભલો ઊભો કરતી વખતે 5 મજૂરોને કરન્ટ લાગ્યો હતો જેમાંથી 2 મજૂરોના મોત થયા હતા. વાવર ગામે દક્ષિણ ગુજરાત વીજ કંપની દ્વારા મજૂરો મારફતે વીજપોલ ઉભા કરવાની કામગીરી હાથ ધરાઇ હતી. મજૂરો વીજપોલ ઉભા કરી રહ્યા હતા. તે દરમિયાન વીજપોલ નજીકથી પસાર થતી હાઇટેન્શન લાઇન સાથે અથડાતા જ ગંભીર અકસ્માત થયો હતો. અકસ્માતમાં કામગીરી કરતા પાંચ મજૂરોને જોરદાર વીજ કરંટ લાગતા જમીન પર ઢળી ગયા હતા.

કરંટના જોરદાર ઝટકાથી 10થી 12 જેટલા મજૂરો દૂર ફંગોળાયા

કરન્ટ એટલો જોરદાર હતો કે 10થી 12 જેટલા મજૂરો દૂર ફંગોળાયા હતા. 3થી વધુ મજૂરો ગંભીર રીતે દાઝતા હોસ્પિટલ ખસેડાયા હતા.

વધુ વાંચો : ગાંધીનગરમાં હર્ષ સંઘવીએ વેપારીને 43 લાખના હીરા પાછા આપ્યાં, 1437 કેરેટના હીરાની થઈ હતી ચોરી

કોણ છે મૃતકો?

ઘટનાની જાણકારી મળતાં કપરાડા પોલીસના અધિકારી, વીજ કંપનીના અધિકારી સહિત કાફલો દોડી ગયો હતો. આ ગંભીર અકસ્માતમાં બે મજૂરો સુરેશ કુસનાભાઇ પવાર અને સાગર આંબાદાસ સરનાયકના મોત થયા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ