ન્યૂઝ અપડેટ્સ
ન્યૂઝ અપડેટ્સ
VTV / ભારત / 4,000 km લાંબો વાદળોનો ઘેરાવ! ચોમાસાની વિદાય વચ્ચે કેમ ફરી મંડરાયું મહા-વાવાઝોડા અને ભારે વરસાદનું સંકટ?
5 ફોટો ગેલેરી
Last Updated: 08:14 PM, 24 September 2026
FOLLOW ON
શેર કરો
1/5
સામાન્ય રીતે સપ્ટેમ્બરના અંતમાં ભારતમાંથી ચોમાસું વિદાય લેતું હોય છે અને હળવી ઠંડીનો અનુભવ થવા લાગે છે, પરંતુ આ વખતે કુદરતે અલગ જ રૂપ ધારણ કર્યું છે. અંતરિક્ષમાંથી આવેલી એક ભયાનક સેટેલાઇટ તસવીરે સમગ્ર વિશ્વના હવામાન વિજ્ઞાનીઓને ચિંતામાં મૂકી દીધા છે. આકાશમાં ભારતથી શરૂ થઈને હિમાલય પાર કરીને સીધા ચીન સુધી ફેલાયેલો અંદાજે 4,000 km લાંબો વાદળોનો ઘેરાવ જોવા મળી રહ્યો છે. બંગાળની ખાડીમાં સક્રિય થયેલી નવી હવામાન સિસ્ટમના કારણે આ ચોમાસું અડધા રસ્તેથી વધુ આક્રમક બનીને પરત ફર્યું છે.
આ તસવીર શેર કરો
2/5
સેટેલાઇટ ઈમેજમાં ઉત્તર અને મધ્ય ભારતથી લઈને પૂર્વ-ઉત્તર પૂર્વ રાજ્યો, બાંગ્લાદેશ, મ્યાનમાર અને ચીન સુધી વાદળોનો એક અખંડ સફેદ કોરિડોર સ્પષ્ટ દેખાઈ રહ્યો છે. આ ચિત્ર દર્શાવે છે કે આ માત્ર કોઈ એક શહેર કે રાજ્ય પૂરતું સીમિત નથી, પરંતુ સમગ્ર ઉપખંડ એક અત્યંત શક્તિશાળી વાતાવરણીય સિસ્ટમની ચપેટમાં આવી ગયો છે.
આ તસવીર શેર કરો
ADVERTISEMENT
3/5
તસવીરમાં વાદળોની વચ્ચે ઘેરા ચમકતા ધબ્બા દેખાઈ રહ્યા છે, જેને વૈજ્ઞાનિક ભાષામાં 'કન્વેક્ટિવ સેલ્સ' (Convective Cells) કહેવામાં આવે છે. સમુદ્ર અને જમીન પરથી ઉઠતી ભારે ભેજવાળી અને ગરમ હવા જ્યારે ખૂબ જ ઝડપથી આકાશ તરફ જાય છે, ત્યારે આ પ્રકારના ઘનઘોર વાદળો બને છે. આ વાદળો જે-તે વિસ્તારમાં અચાનક મુસળધાર વરસાદ, ગાજવીજ, વીજળી પડવી અને વાવાઝોડું લાવવા માટે જવાબદાર માનવામાં આવે છે.
આ તસવીર શેર કરો
4/5
ચોમાસાની અધિકૃત વિદાય છતાં બંગાળની ખાડીમાં સતત નવી લો-પ્રેસર સિસ્ટમ્સ બની રહી છે. સમુદ્રમાંથી સતત મળતા ભેજના કારણે પશ્ચિમ બંગાળ, ઓડિશા, બિહાર, અસમ અને પૂર્વોત્તર રાજ્યોમાં વરસાદી માહોલ જામ્યો છે. કાગળ પર ચોમાસું વિદાય લઈ રહ્યું હોવા છતાં વાતાવરણમાં ભેજ અને હલચલ પૂર્ણપણે હાવી છે.
આ તસવીર શેર કરો
ADVERTISEMENT
5/5
હવામાનની આ વિકરાળ સિસ્ટમ માત્ર ભારત પૂરતી સીમિત નથી. મ્યાનમાર અને બાંગ્લાદેશના દરિયાકાંઠાના વિસ્તારોમાં અત્યારથી જ ઊંચા મોજાં ઉછળી રહ્યા છે અને ભારે વરસાદ શરૂ થઈ ગયો છે. આ ઉપરાંત ચીનના વિશાળ ભૂભાગમાં પણ વાતાવરણ અચાનક પલટાઈ ગયું છે. વૈજ્ઞાનિકોના મતે 4,000 km ની લંબાઈ સેટેલાઇટ ડેટા અને લેટિચ્યુડ-લોન્ગિટ્યુડના આધારે અંદાજિત કરવામાં આવી છે. વાદળોનું આટલું મોટું અને સળંગ સ્વરૂપ ખૂબ જ દુર્લભ કિસ્સાઓમાં જોવા મળે છે. આગામી દિવસોમાં આ સિસ્ટમ કઈ દિશામાં આગળ વધે છે તેના પર સૌની નજર ટકેલી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
