ક્રાઈમ / રાજકોટમાં બહેને પ્રેમલગ્ન કરતા ભાઈએ બનેવીની છરીના ઘા ઝીંકી હત્યા કરી, પત્નીએ કહ્યું-'હું રબારી, પતિ દલિત એટલે હત્યા'

રાજકોટ શહેરના ભક્તિનગર સર્કલ નજીક આવેલા કોલેજીયન પાન પાસે ધોળા દિવસે હત્યાનો બનાવ સામે આવ્યો છે. અજાણ્યા શખ્સે 27 વર્ષીય યુવક સાથે ઉગ્ર બોલાચાલી કર્યા બાદ છરીના આડેધડ ઘા ઝીંકી તેની નિષ્ઠુરતાપૂર્વક હત્યા કરી નાખી છે.

પત્નીએ પિયર પર લગાવ્યો ગંભીર આરોપ

મૃતક વિમલ વાણીયાની પત્નીએ તેના પરિવારજનો પર ગંભીર આરોપ કર્યાં છે. તેણે કહ્યું કે હું રબારી છું અને મારો પતિ દલિત સમાજનો છે અને અમારા પ્રેમલગ્ન થયાને 7 વર્ષ થયા હતા. અમારો પરિવાર અમને શોધી રહ્યા હતો. મારા ભાઇએ મારા પતિ સાથે તકરાર કરી છરી ઘા માર્યા છે.

વધુ વાંચો : અમદાવાદમાં ગણપતિની આરતીમાં ગયેલી બાળકી સાથે પડોશીએ કર્યા અડપલાં, રોજ સાંજે ધાબા પર લઈ જતો

સાત વર્ષ પૂર્વે જ કર્યા હતા પ્રેમલગ્ન

મૃતક વિમલે જસદણ પંથકની યુવતી સાથે પ્રેમલગ્ન કર્યા હતા. આ વાતનો ખાર રાખીને આરોપીએ યુવકની હત્યા કરી છે. ધોળા દિવસે જાહેર રોડ પર બનેલી આ ઘટનાથી પંથકમાં ચકચાર મચી ગઈ છે. ઘટનાની જાણ થતાં જ ભક્તિનગર પોલીસનો કાફલો સ્થળ પર દોડી ગયો હતો. પોલીસે આરોપીની ધરપકડ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ