ખુલાસો / વડોદરામાં આતંકીઓની ગુપ્ત બેઠકનો ખુલાસો, MS યુનિવર્સિટીની બહાર રચાયું હતું દેશવિરોધી કાવતરું

ઉત્તર ગુજરાતમાંથી ઝડપાયેલા આતંકી સંગઠન સાથે સંકળાયેલા આરોપીઓની તપાસ દરમિયાન વધુ એક મહત્વપૂર્ણ ખુલાસો થયો છે. તપાસમાં સામે આવ્યું છે કે આરોપીઓએ વડોદરાની એમ.એસ. યુનિવર્સિટીના ફેકલ્ટી ઓફ ફાઇન આર્ટ્સની બહાર બેઠક યોજી હતી. ATSએ આ સ્થળની પણ ઓળખ કરી તપાસનો વ્યાપ વધાર્યો છે.

માહિતી મુજબ, આરોપીઓ ફેકલ્ટી ઓફ ફાઇન આર્ટ્સની બહાર આવેલા બાંકડા પર, જ્યાં "I Love MSU" લખાયેલું છે તેની નીચે બેઠા હતા અને ત્યાં દેશવિરોધી પ્રવૃત્તિઓ તેમજ આતંકી સંગઠનની પ્રવૃત્તિઓને આગળ વધારવા અંગે ચર્ચા કરી હતી. તપાસ એજન્સીઓએ આ સ્થળને મહત્વના પુરાવા તરીકે નોંધ્યું છે.

આ કેસમાં ATSએ અગાઉ બનાસકાંઠા, નવસારી અને પાટણ જિલ્લાઓમાંથી કુલ 13 આરોપીઓની ધરપકડ કરી હતી. તપાસ દરમિયાન ખુલાસો થયો છે કે આરોપી અહમદ ગાજીવાલા અને ઈબ્રાહિમ ઘઘા વડોદરાની એમ્બેસેડર હોટલના સર્વન્ટ ક્વાર્ટરમાં રોકાયા હતા.

ઈબ્રાહિમ મોહમ્મદ હુસેન

પ્રાથમિક તપાસ અનુસાર, બેઠક દરમિયાન સ્થાનિક યુવકોને આતંકી સંગઠનમાં જોડવા, કટ્ટરપંથી વિચારધારાનો પ્રચાર કરવા અને સંગઠનનું નેટવર્ક મજબૂત બનાવવા અંગે ચર્ચા થઈ હતી. તપાસમાં એ પણ સામે આવ્યું છે કે આરોપીઓ સોશિયલ મીડિયા મારફતે કટ્ટરપંથી સાહિત્ય, વીડિયો અને અન્ય પ્રચાર સામગ્રી શેર કરતા હતા.

અહમદ અબ્દુલ્લાહ ગાજીવાલા

આ પણ વાંચોઃ અંબાલાલ પટેલની આગાહી, 3 ઓગસ્ટ સુધી થશે ધોધમાર વરસાદ, આ જિલ્લાઓમાં તાંડવ કરશે મેઘો

ATS સમગ્ર મામલે ડિજિટલ પુરાવા, મુસાફરીની વિગતો અને આરોપીઓના સંપર્કો અંગે વધુ તપાસ કરી રહી છે. અધિકારીઓના જણાવ્યા અનુસાર, તપાસ પૂર્ણ થયા બાદ વધુ વિગતો જાહેર કરવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ