બ્રેકિંગ ન્યુઝ
બ્રેકિંગ ન્યુઝ
VTV / મનોરંજન / બોલિવૂડ / 'વડા પાવ ગર્લ'ની મુશ્કેલી વધી, કેન્દ્રીય મંત્રી પિયુષ ગોયલનો ડીપફેક વીડિયો શેર કરી બરાબરની ફસાઇ
8 ફોટો ગેલેરી
Last Updated: 03:50 PM, 27 July 2026
FOLLOW ON
શેર કરો
1/8
તાજેતરમાં કેન્દ્રીય મંત્રી પીયૂષ ગોયલનો એક 'ડીપફેક' વીડિયો વાયરલ થયો હતો, તેમાં તેઓ સંસદ સંકુલની બહાર મીડિયા સાથે વાત કરતા જોવા મળતા હતા, પરંતુ AIનો ઉપયોગ કરીને તેમની વાતને વિકૃત કરવામાં આવી હતી અને ભ્રામક રીતે રજૂ કરવામાં આવી હતી. પીયૂષ ગોયલે તરત જ આ ડીપફેક વીડિયો સામે FIR નોંધાવી હતી અને તેની સાથે સંકળાયેલી તમામ સોશિયલ મીડિયા લિંક્સ દૂર કરવામાં આવી હતી.જોકે, આ દરમિયાન 'વડાપાઉં ગર્લ' ચંદ્રિકા દીક્ષિતે પીયૂષ ગોયલનો એ જ ડીપફેક વીડિયો શેર કર્યો. તેણે જરા પણ વિચાર કર્યા વિના પીયૂષ ગોયલની આકરી ટીકા પણ કરી. લોકો હવે આ બાબતે રોષે ભરાયા છે અને 'વડાપાઉં ગર્લ' સામે કાર્યવાહી કરવાની માંગ કરી રહ્યા છે.
આ તસવીર શેર કરો
2/8
સોશિયલ મીડિયા પર સામે આવેલા એક 'ડીપફેક' વીડિયોમાં પીયૂષ ગોયલ સંસદ સંકુલની બહાર NEET પેપર લીક મામલે વિદ્યાર્થીઓના વિરોધ પ્રદર્શન અંગે ધમકીભર્યું નિવેદન આપતા જોવા મળે છે. આ બાબતની ગંભીર નોંધ લઈને પીયૂષ ગોયલે માત્ર FIR જ નોંધાવી નથી, પરંતુ 'X' પરની એક પોસ્ટમાં તે અંગેની વિગતો પણ શેર કરી છે.
આ તસવીર શેર કરો
3/8
પિયુષ ગોયલે લખ્યું, સંસદની બહાર મીડિયા સાથેની મારી વાતચીતના ફૂટેજમાં AIનો ઉપયોગ કરીને અને તેમાં દૂષિત રીતે ફેરફાર કરીને બનાવવામાં આવેલો એક 'ડીપફેક' વીડિયો, ખોટી માહિતી ફેલાવવાના ઈરાદાથી સોશિયલ મીડિયા પર ફેલાવવામાં આવી રહ્યો છે. મેં આ બાબતે પોલીસ ફરિયાદ નોંધાવી છે અને આજે, 25 જુલાઈ 2026ના રોજ સવારે 4.34 વાગ્યે ચાણક્યપુરી પોલીસ સ્ટેશનમાં FIR (નં. 123/26) નોંધવામાં આવી છે. આ નકલી વીડિયો બનાવવા, ફેલાવવા અથવા જાણીજોઈને તેનો પ્રચાર કરવામાં સામેલ કોઈપણ વ્યક્તિ સામે કડક કાયદાકીય કાર્યવાહી કરવામાં આવશે.
આ તસવીર શેર કરો
4/8
તેમણે વધુમાં લખ્યું, "જનતાને ગેરમાર્ગે દોરવા માટે AIનો આવો બેજવાબદાર અને દૂષિત દુરુપયોગ કોઈપણ સંજોગોમાં સ્વીકારી લેવામાં આવશે નહીં. હું દરેકને આગ્રહ કરું છું કે માહિતી માટે માત્ર અધિકૃત અથવા વિશ્વસનીય સ્ત્રોતો પર જ આધાર રાખે. મને પૂરો વિશ્વાસ છે કે ભારતના જાગૃત અને ટેક્નોલોજીથી વાકેફ નાગરિકો ખાસ કરીને આપણા યુવાનો આવી નકલી અને AI દ્વારા નિર્મિત ખોટી માહિતીનો શિકાર નહીં બને."
આ તસવીર શેર કરો
5/8
જોકે, 'વડાપાઉં ગર્લ'એ પોતાની પોસ્ટમાં પીયૂષ ગોયલનો એક 'ડીપફેક' વીડિયો મૂક્યો, તેમાં તેમનું તે બનાવટી નિવેદન સંપૂર્ણપણે વગાડ્યું અને ત્યારબાદ તેમની આકરી ભડાસ કાઢીને તેમને ખરી-ખોટી સંભળાવી. વીડિયોમાં તેણે કહ્યું, "પીયૂષ-જી, તમે એક મંત્રી છો. તમે જે નિવેદનો આપી રહ્યા છો તેનો અર્થ સમજવાની સમજ તમારામાં ચોક્કસપણે છે જ. તમે આ આંદોલનને એકદમ અલગ દિશામાં વાળી દીધું છે. તમે સૂચન કરી રહ્યા છો કે ચાર-પાંચ લોકોને જાહેરમાં ફાંસી આપી દેવી જોઈએ જેથી અન્ય લોકો આવી ભૂલો ન કરવાનું શીખે અને આ વાત તમે આપણા દેશમાં દરરોજ સામે આવતા નવા પ્રકારના ગુનાઓના સંદર્ભમાં કહી રહ્યા છો."
આ તસવીર શેર કરો
6/8
"બે વર્ષની બાળકી હોય કે ત્રીસ વર્ષની યુવતી કોઈ પણ આનાથી બાકાત નથી. તેઓ ક્રૂર હુમલાનો ભોગ બને છે અથવા ભરબપોરે તેમની હત્યા કરી નાખવામાં આવે છે; તો શું આપણે એવી માંગ ન કરવી જોઈએ કે આવા કૃત્યો કરનારાઓને જાહેરમાં ફાંસી આપવામાં આવે? વૃદ્ધ માતા-પિતા શા માટે હાથમાં ફાઈલો લઈને અદાલતો અને પોલીસ સ્ટેશનોના અનંત આંટા મારવા મજબૂર બને છે? ત્યારે તમે જાહેરમાં ફાંસી આપવાની માંગ કેમ નથી કરતા? હિંસા ભડકાવનારા તો તમે પોતે છો, છતાં તમે તેનો દોષ યુવાનો પર ઢોળો છો."
આ તસવીર શેર કરો
7/8
'વડા પાઉં ગર્લ'ના આ વીડિયોને લઈને લોકોમાં ભારે રોષ જોવા મળ્યો હતો અને સોશિયલ મીડિયા પર લોકોએ તેની આકરી ટીકા કરી હતી. કેટલાક લોકોએ તો 'X' (ટ્વિટર) પર દિલ્હી પોલીસને ટેગ કરીને માંગ કરી હતી કે પીયૂષ ગોયલનો નકલી વીડિયો શેર કરવા બદલ ચંદ્રિકા દીક્ષિત વિરુદ્ધ FIR નોંધવામાં આવે, જ્યારે અન્ય લોકોએ તેને જેલમાં મોકલવાની માંગ કરી હતી.
આ તસવીર શેર કરો
8/8
એક યુઝરે લખ્યું, "દિલ્હી પોલીસ, કૃપા કરીને કેન્દ્રીય મંત્રી પીયૂષ ગોયલનો AI-જનરેટેડ ડીપફેક વીડિયો શેર કરવા બદલ ચંદ્રિકા દીક્ષિત સામે તાત્કાલિક કાર્યવાહી કરો." અન્ય એકે લખ્યું, "દિલ્હી પોલીસ, કૃપા કરીને શક્ય તેટલી વહેલી તકે તેની ધરપકડ કરો." વળી, એક અન્ય વ્યક્તિએ ટિપ્પણી કરી, "આ વીડિયો અશાંતિ ફેલાવવાના ઈરાદાથી બનાવવામાં આવ્યો હતો. આ મહિલા સામે ક્યારે કાર્યવાહી કરવામાં આવશે?" સોશિયલ મીડિયા પર અન્ય ઘણા યુઝર્સે ચંદ્રિકા દીક્ષિત પર ખોટી અને ગેરમાર્ગે દોરનારી માહિતી ફેલાવવાનો આરોપ મૂકીને તેની ધરપકડની માંગ કરી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
