હેલ્થ / અલ્સરની બીમારી ગંભીર રુપ લઈ શકે છે, જાણો તેના શરુઆતના લક્ષણો

પેટમાં અલ્સર થવાના ઘણા કારણો હોઈ શકે છે. ખાવાની ખોટી આદતો, વધારે દવાઓનું સેવન, તણાવ, ધૂમ્રપાન અને આલ્કોહોલનું સેવન તેની મુખ્ય કારણો છે.

કેટલીકવાર હેલિકોબેક્ટર નામનો બેક્ટેરિયા પણ આ રોગનું કારણ બને છે. આ સમસ્યા કોઈપણ ઉંમરના વ્યક્તિને થઈ શકે છે, પરંતુ વધુ પડતા કેસ પુખ્ત વયના લોકોમાં જોવા મળે છે.

અલ્સરના મુખ્ય લક્ષણો

પેટના અલ્સરના મુખ્ય લક્ષણોમાં પેટમાં બળતરા, જમ્યા પછી દુખાવો, ગેસ, પેટનું ફૂલવું, લોહીની ઉલટી થવી, સ્ટૂલમાં લોહી આવવું અને અચાનક વજન ઘટવું સામેલ છે. ઘણા લોકોને ખાવાનું મન થતું નથી અને ભૂખ ન લાગવાના કારણે તેઓ ધીરે ધીરે નબળા પડવા લાગે છે. કેટલાક કેસમાં પોટીનો રંગ ઘાટો અથવા કાળો થઈ શકે છે, જે ગંભીર અલ્સરનું નિશાન છે.

અસહ્ય દુખાવો

પેટમાં ઘા થવાના કારણે ઘણા દર્દીઓ રાત્રે દુખાવાને કારણે ઊંઘી શકતા નથી.સતત બળતરા અને દુખાવા થવાના કારણે જીવન મુશ્કેલ બની જાય છે. જો આ લક્ષણો લાંબા સમય સુધી ચાલુ રહે, તો ડૉક્ટર પાસે જઈને યોગ્ય તપાસ અને સારવાર કરાવવી જરૂરી છે. સમયસર સારવાર ન મળે તો આ સમસ્યા વધુ ગંભીર સ્વરૂપ ધારણ કરી શકે છે.

આ પણ વાંચોઃ ગરબા રમતા દરમિયાન કેમ આવે છે હાર્ટ એટેક?, એક્સપર્ટે કર્યો મોટો ખુલાસો

પેટના અલ્સરને કંટ્રોલ કરવા માટે જીવનશૈલીમાં થોડા સરળ ફેરફાર કરવાથી ઘણો ફાયદો થઈ શકે છે. તળેલું, મસાલેદાર અને ખાટું ખાવું ટાળવું જોઈએ. તેના બદલે હળવો અને પચવામાં સરળ ખોરાક લેવું જરૂરી છે. તણાવ ઘટાડવા માટે યોગ, ધ્યાન અથવા હળવી કસરત કરવી ફાયદાકારક છે.

ધૂમ્રપાન તથા દારૂથી દૂર રહો

ડૉક્ટરે આપેલી દવાઓ સમયસર લેવી જોઈએ અને ધૂમ્રપાન તથા દારૂથી દૂર રહેવું જરૂરી છે. આ આદતો પેટની અંદર એસિડ વધારતી હોવાથી અલ્સર વધુ ખરાબ થઈ શકે છે. સ્વસ્થ ખોરાક, પૂરતી ઊંઘ અને તણાવથી મુક્ત જીવનશૈલી અપનાવવાથી પેટના અલ્સરથી રાહત મળી શકે છે અને પેટનું સ્વાસ્થ્ય લાંબા સમય સુધી જાળવી શકાય છે.

જો તમને વારંવાર પેટમાં બળતરા કે દુખાવાનો અનુભવ થાય, તો તેને અવગણશો નહીં. સમયસર તબીબી સલાહ લઈને સારવાર શરૂ કરવી જ હૃદય અને પેટ બંનેના સ્વાસ્થ્ય માટે સારું રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ

(Disclaimer આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)