મનોરંજન / પ્રેગ્નેન્ટ છે એક્ટ્રેસ સામંથા રુથ પ્રભુ, જાણીતા ફિલ્મ ડાયરેક્ટરે કર્યુ કન્ફોર્મ

સાઉથ સિનેમાની ફેમસ એક્ટ્રસ સામંથા રૂથ પ્રભુ હાલમાં પોતાના પર્સનલ લાઇફને લઈને ચર્ચામાં છે. સોશિયલ મીડિયાથી લઈને ફિલ્મી સર્કલ સુધી, ચર્ચા એ છે કે, 39 વર્ષીય સામંથા ટૂંક સમયમાં માતા બનવાની છે. ડિસેમ્બર 2025 માં પ્રખ્યાત ફિલ્મ દિગ્દર્શક રાજ નિદિમોરુ સાથે લગ્ન કર્યા પછી, આ દંપતી હવે તેમના પહેલા બાળકનું સ્વાગત કરવા માટે તૈયાર છે.

જો કે, શરૂઆતમાં સામંથા કે રાજ તરફથી કોઈ ઓફિશિયલ જાહેરાત કરવામાં આવી ન હતી, પરંતુ તાજેતરમાં સોશિયલ મીડિયા પર વાયરલ થયેલા કેટલાક વીડિયોએ આ અફવાઓને વેગ આપ્યો છે. આ વીડિયોમાં, સામન્થા તેની નવી ફિલ્મ 'મા ઇન્તી બંગારામ' ની સક્સેસ પાર્ટી દરમિયાન તેના બેબી બમ્પને છુપાવવાનો કોઈ પ્રયત્ન કર્યા વિના જોવા મળી હતી, જેનાથી ચાહકો ખુશ થઈ ગયા હતા. આ ખાસ પ્રસંગે તેના પતિ રાજ નિદિમોરુ પણ તેની સાથે હાજર હતા.

View this post on Instagram

A post shared by Viral Bhayani (@viralbhayani)

ડાયરેક્ટરે પ્રેગ્નેન્સી પર લગાવી મોહર

સામંથાની પ્રેગ્નેન્સીને લઇ બધી અટકળો પર હવે વિરામ લાગી ગયો છે. ફિલ્મ 'મા ઇન્તી બંગારામ'ના દિગ્દર્શક બી.વી. નંદિની રેડ્ડીએ મીડિયા સાથેની એક મુલાકાતમાં વ્યક્તિગત રીતે આ ખુશખબરીની પુષ્ટિ કરી હતી. પોતાનો આનંદ વ્યક્ત કરતા તેમણે કહ્યું, "સમંથાની પ્રેગ્રેન્સી યોગ્ય સમયે આવી છે, કારણ કે અમારી ફિલ્મ 'મા ઇન્તી બંગારામ'એ બોક્સ ઓફિસ પર મોટી સફળતા મેળવી છે."

કોઈ પણ ઓફિશિયલ જાહેરાત વિના સામંથાના બેબી બમ્પ સાથે જાહેર કાર્યક્રમમાં દેખાવા અંગેના પ્રશ્નોના જવાબમાં, ફિલ્મમેકરે જણાવ્યું હતું કે, આ એક્ટ્રેસ દ્વારા કાળજીપૂર્વક વિચારાયેલો નિર્ણય હતો. અહેવાલો અનુસાર, સામંથા વર્ષના અંત સુધીમાં બાળકને જન્મ આપે તેવી આશા છે.

રાજ અને સામંથાના લગ્ન

સામંથા રૂથ પ્રભુ અને રાજ નિદિમોરુના લગ્નની વાત કરીએ તો, આ દંપતીએ ડિસેમ્બર 2025 માં કોઈમ્બતુરમાં સદગુરુના ઈશા યોગ કેન્દ્રમાં પવિત્ર લિંગ ભૈરવી મંદિરમાં લગ્ન કર્યા હતા. લાંબા સમય સુધી ડેટિંગ કર્યા પછી, તેમણે ખૂબ જ ખાનગી લગ્ન સમારોહ કરવાનું નક્કી કર્યું જેમાં ફક્ત તેમના પરિવારના સભ્યો અને નજીકના મિત્રો જ હાજર હતા.

આ પણ વાંચોઃ લોકડાઉનમાં જાગ્યો શોખ અને ખેડૂત બની ગઈ અભિનેત્રી, વિદેશમાં કરી રહી છે ખેતી

બંન્નેના છે બીજા લગ્ન

આ લગ્ન સામંથા અને રાજ બંને માટે જીવનની નવી શરૂઆત છે, કારણ કે આ બંને માટે બીજા લગ્ન છે. અગાઉ, ડાયરેક્ટર રાજ નિદિમોરુના લગ્ન શ્યામલી ડે સાથે થયા હતા, જ્યારે સામંથાના પહેલા લગ્ન સાઉથ ફિલ્મ સુપરસ્ટાર નાગા ચૈતન્ય સાથે થયા હતા. એવી અફવા છે કે સામંથા અને રાજની પહેલી મુલાકાત હિટ વેબ સિરીઝ 'ધ ફેમિલી મેન 2' ના શૂટિંગ દરમિયાન થઈ હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ