સ્પોર્ટ્સ / વનડે સીરિઝ માટે ટીમ ઈન્ડિયાનું થયું એલાન, બૂમરાહની વાપસી, જાણો કોહલીનું શું થયું?

Jinal Chauhan

Last Updated: 02:05 PM, 21 June 2026

FOLLOW ON

શેર કરો

ઈંગ્લેન્ડ સામેની ત્રણ મેચની વનડે સિરીઝ માટે ભારતીય ટીમની જાહેરાત કરવામાં આવી છે. ટીમમાં વિરાટ કોહલી અને જસપ્રીત બુમરાહની વાપસી સૌથી મોટી ચર્ચાનો વિષય બની છે.

ભારતના ઈંગ્લેન્ડ પ્રવાસ માટે વનડે ટીમની જાહેરાત રવિવારે કરવામાં આવી હતી. શુભમન ગિલને ટીમનો કપ્તાન બનાવવામાં આવ્યો છે, જ્યારે શ્રેયસ અય્યરને ઉપ-કપ્તાનની જવાબદારી સોંપવામાં આવી છે. વિરાટ કોહલીને ટીમમાં સ્થાન મળ્યું છે, પરંતુ તેમની પસંદગી ફિટનેસ ક્લિયરન્સ પર આધારિત છે. બીજી તરફ, લાંબા સમય બાદ જસપ્રીત બુમરાહ પણ વનડે ટીમમાં પરત ફર્યા છે.

ભારતીય ટીમમાં બુમરાહની વાપસી

ભારતીય ટીમ માટે સૌથી મોટા સમાચાર જસપ્રીત બુમરાહની વાપસી છે. બુમરાહે છેલ્લે 2023ના વર્લ્ડ કપ ફાઇનલમાં ભારત માટે વનડે મેચ રમી હતી. હવે તેઓ ફરીથી 50 ઓવરના ફોર્મેટમાં ભારતીય ટીમનો ભાગ બનશે. ઉપરાંત, અક્ષર પટેલને પણ ટીમમાં ફરી તક આપવામાં આવી છે.

વિરાટ કોહલીની ફિટનેસ પર નજર

સ્ટાર બેટ્સમેન વિરાટ કોહલીને ટીમમાં સ્થાન મળ્યું છે, પરંતુ તેઓ સંપૂર્ણપણે ફિટ નથી. તેમની ઉપલબ્ધતા ફિટનેસ ટેસ્ટના પરિણામ પર નિર્ભર રહેશે. જો કોહલી ફિટનેસ ટેસ્ટ પાસ કરશે તો જ તેઓ સિરીઝમાં રમી શકશે.

કેટલાક ખેલાડીઓને સ્થાન મળ્યું નહીં

યશસ્વી જયસ્વાલ, પ્રિન્સ યાદવ અને હર્ષ દુબેને આ વખતે વનડે ટીમમાં સ્થાન મળ્યું નથી. પસંદગીકારોએ અનુભવી અને સંતુલિત ટીમ પર વિશ્વાસ વ્યક્ત કર્યો છે.

આ પણ વાંચોઃ ભારતે અફઘાનિસ્તાનને 9 વિકેટે હરાવ્યું, વન-ડે સિરીઝ પર કબ્જો કરી રચ્યો ઈતિહાસ

ઈંગ્લેન્ડ સામે ભારતની વનડે ટીમ

શુભમન ગિલ (કપ્તાન), રોહિત શર્મા, વિરાટ કોહલી* (ફિટનેસ ક્લિયરન્સના આધિન), શ્રેયસ અય્યર (ઉપ-કપ્તાન), કે.એલ. રાહુલ (વિકેટકીપર), ઈશાન કિશન (વિકેટકીપર), વોશિંગ્ટન સુંદર, અક્ષર પટેલ, નીતિશ કુમાર રેડ્ડી, કુલદીપ યાદવ, જસપ્રીત બુમરાહ, પ્રસિદ્ધ કૃષ્ણા, હર્ષિત રાણા, અર્શદીપ સિંહ અને ગુરનૂર બરાર.