નેશનલ / VIDEO : ગ્રીલ પકડીને લટક્યો પછી જમીન પર આવીને પડ્યો, લખનઉ આગનો ખૌફનાક વીડિયો

ઉત્તર પ્રદેશની રાજધાની લખનઉમાં એક ભયાનક આગ લાગી છે જેમાં અત્યાર સુધીમાં 15 લોકોના મોત થયા છે. એક ઇમારતમાં અચાનક આગ લાગી ગઈ જેના કારણે થોડી જ મિનિટોમાં આખી ઇમારત ધુમાડા અને આગમાં લપેટાઈ ગઈ હતી. આ ઘટના દરમિયાન એક હૃદયદ્રાવક દ્રશ્ય જોવા મળ્યા હતા. જેમાં એક વ્યક્તિ પોતાને બચાવવા માટે ગ્રીલ પકડી રહ્યો હતો, પરંતુ ભીષણ આગને કારણે તે ઇમારત પરથી પડી ગયો હતો.

અહેવાલો અનુસાર તે વ્યક્તિની પીઠમાં ઈજા થઈ હતી અને હાલમાં તેની સારવાર ચાલી રહી છે. આ ઘટના લખનઉના અલીગંજના પુરાનિયા વિસ્તારમાં બની હતી. જેમાં મૃતકોની ઉંમર 20 થી 24 વર્ષની વચ્ચે હોવાનો અંદાજ છે.

લખનઉના એક ગેમિંગ ઝોનમાં ફર્નિચરને કારણે ઝડપથી ફેલાતી આગમાં 14 લોકોના મોત થયા હતા. ફાયર ફાયટરોના વ્યાપક પ્રયાસો બાદ આગને કાબુમાં લીધી છે. સાવચેતી તરીકે હાલમાં કુલિંગ કામગીરી ચાલી રહી છે.

• સરકારની પ્રતિક્રિયા

આ ઘટનાની માહિતી મળતાં મુખ્યમંત્રી યોગી આદિત્યનાથે પરિસ્થિતિની નોંધ લીધી અને અધિકારીઓને તાત્કાલિક ઘટનાસ્થળે પહોંચી રાહત અને બચાવ કામગીરી ઝડપી બનાવવા નિર્દેશ આપ્યો છે. તેમને વહીવટીતંત્રને ઘાયલોની સારવાર સુનિશ્ચિત કરવા અને સંપૂર્ણ ધ્યાન રાખવાનો પણ આદેશ આપ્યો.

વધુ વાંચો : લખનઉમાં એનિમેશન સેન્ટરમાં ભીષણ આગ, 15 વિદ્યાર્થીના મોત, કેટલાક જીવ બચાવવા ઉપરથી કૂદી પડ્યાં

આ અંગે પ્રધાનમંત્રી કાર્યાલયે પણ ઊંડા શોક વ્યક્ત કર્યો છે. જેમાં પ્રધાનમંત્રી રાષ્ટ્રીય રાહત ફંડમાંથી મૃતકોના પરિવારોને 2 લાખ રૂપિયા અને ઘાયલોને 50,000 રૂપિયાની સહાય આપવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ